2 REYES 17:8 - Biblia Guarani Tumpa Iñee

⁸ yogüɨreko, jae reta jenonde güi yandeYa opa omoë omombo tëtaguasu reta vae jeko rupi, jare Israel pegua mburuvicha guasu reta oyapo vae rupi.

2 REYES 17:8 ပူးပေါင်းရင်းမြစ်များ

1 REYES 12:28

Jare oyemongeta reta ma kuae re yemboatɨa pe ramo, mburuvicha guasu oyapouka mókoi toro taɨrusu iä oro pegua, jare jei opaete vae pe: “Pe Israel iñemuña reta, peo mbateeiño ma Jerusalén kotɨ; ko oï petumpa reta, kuae reta ko perenoe pereru Egipto güi.”

1 REYES 21:26

Oyapo pɨ̈chɨi yae vae, omboete tumpa-raanga amorreo reta rami, jókuae tëta reta yandeYa opa güɨnoe omombo jae reta jenonde güi vae reta oyapose vae.)

2 REYES 16:10

Jaɨkue rupi mburuvicha guasu Acaz ojo oövaiti vaerä Damasco pe Tiglat-pileser mburuvicha guasu Asiria pegua. Acaz oecha yave mɨmba oyeyuka oyeapɨ jese vae Damasco pegua, omondo sacerdote Urías pe jókuae iä, kërai etei ko oyeapo vae.

2 REYES 16:3

Omomoe mburuvicha guasu reta Israel pegua jeko, echa taɨ oapɨuka tumpa-raanga pe, tëtaguasu reta, yandeYa güɨnoe omombo Israel iñemuña reta jenonde güi vae jeko pɨ̈chɨi yae rami.

2 REYES 17:19

Ërei Judá pegua reta mbaetɨ vi oyapo yandeYa Tumpa iporookuai, echa ko oyapo reta vi Israel pegua reta oyapo mborookuai reta iyeupe vae rupi.

2 REYES 17:40

Ërei ngatu mbaetɨ oendu reta, jekuaeñoi yogüɨreko jeko tenondegua rupi.

2 REYES 21:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami.

SALMOS 106:35

Ërei oyea reta tëtaguasu reta ndive, jare omomoe reta jeko reta:

ÉXODO 23:24

Agüɨye petindɨ jae reta itumpa jóvai, agüɨye peyeokuai chupe reta, agüɨye ave peyapo jae reta oyapo rami, opa pemboai chugüi reta, opaetei peyoka chugüi reta mbae iä oyapogüe.

JEREMÍAS 10:2

Jei körai: “Agüɨye pemomoe ïru tëtaguasu reta jeko, agüɨye pekɨɨye mɨakañɨ reta ara re oyekuaa vae güi, yepe tëi tëtaguasu reta okɨɨye chugüi.

EZEQUIEL 5:6

Ërei jae reta ñäteɨ oyapo cheporookuai reta, jare jeko reta ikaviä yae ïru tëtaguasu reta güi jare iyɨvɨrigua reta güi; echa güɨröɨro reta cheporookuai jare mbaetɨ yogüɨreko reta mborookuai jeia rupi.

OSEAS 5:11

Efraín pegua reta oiporara yae, yogüɨrekoasɨ katu, echa oiparavo omboete vaerä tumpa-raangaño.

LEVÍTICO 18:3

Agüɨye pemomoe ɨvɨ Egipto pegua reta jeko; peikosea pe oyeapo vae. Agüɨye vi pemomoe ɨvɨ Canaán pegua reta jeko, che pogüɨrajataa pe, agüɨye vi pemomoe mborookuai reta güɨnoi vae.

LEVÍTICO 26:1

Agüɨye peyapo tumpa-raanga reta pemboete vaerä, agüɨye pemopüa peyeupe mbae iägüe pemboete vaerä, peɨvɨ pe ave agüɨye pemopöra peñopa ita peyetavatɨka jóvai vaerä, echa che ko peYa Tumpa.

MIQUEAS 6:16

Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

DEUTERONOMIO 18:9

Peike ma yave yandeYa Tumpa omee ɨvɨ pevea pe, agüɨye peyemboe peyapo mbae pɨ̈chɨi vae, jókuae tëtaguasu pegua reta jeko pɨ̈chɨi rami.