2 REYES 17:7 - Biblia Guarani Tumpa Iñee

⁷ Echa Israel pegua reta iyoa iYa Tumpa kotɨ, ɨvɨ Egipto güi güɨnoe vae, Faraón mburuvicha guasu Egipto pegua ipo igüɨ güi vae kotɨ, jare omboete reta tumpa ambuae reta,

2 REYES 17:7 ပူးပေါင်းရင်းမြစ်များ

1 REYES 11:4

Jare Salomón indechi ma yave, jembireko reta güɨrova ipɨa chugüi tumpa ambuae reta kotɨ, ipɨa mbaetɨ ma jupi iYa Tumpa kotɨ, tu David ipɨa rami.

1 REYES 15:3

Jare oyapo opaete mbaeyoa reta tu tenonde yave oyapo vae; jare mbaetɨ ipɨa jupi iYa Tumpa kotɨ, iñemuñagüe David ipɨa rami.

2 REYES 16:2

Acaz güɨnoi veinte año omboɨpɨ oï mburuvicha guasurä yave; diecisei año oiko mburuvicha guasurä Jerusalén pe; ërei mbaetɨ oyapo jupi vae yandeYa jesa róvai, iñemuñagüe David rami.

2 REYES 17:35

YandeYa oyapo morogüɨrökuavee päve kuae reta ndive yave, oyókuai körai: “Agüɨye peipoɨu ïru tumpa reta güi, agüɨye pemboete, agüɨye vi pemee chupe mɨmba oyeyukagüe reta,

1 CRÓNICAS 5:25

Ërei oyembopɨapochɨ reta iñemuñagüe reta iTumpa kotɨ jare omboete reta jókuae ɨvɨ pegua tëta reta itumpa-raanga, jókuae Tumpa opa omoë omombo jae reta jenonde güi vae.

2 CRÓNICAS 36:5

Joacim güɨnoi veinticinco año omboɨpɨ oï mburuvicha guasurä yave, jare once año oiko mburuvicha guasurä Jerusalén pe. Ërei oyapo ikavimbae iYa Tumpa jesa róvai.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

SALMOS 78:12

Tumpa oyapo mɨakañɨ reta iñemuñagüe reta jóvai, Egipto pe, ɨvɨ Zoán pe.

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

ISAÍAS 57:5

Peyogüɨroke ɨvɨra iküaraɨa kavi vae igüɨ rupi, jare peyuka michia reta pemee petumpa-raanga reta pe ɨvɨtɨ päu ipe kavía rupi, ɨ̈vavira igüɨ rupi.

JEREMÍAS 10:5

Sɨmbi, omɨimbae oyemboɨ reta karandaɨ rami, mbaetɨ imiari reta, ovoɨ reta güɨraja, echa mbaetɨ ipuere oguata reta. Agüɨye pekɨɨye chugüi reta, echa mbaetɨ ipuere reta oyapo ikavimbae ani ikavi vae ave.”

EZEQUIEL 39:24

Jae reta ikavimbae oyapo rami jare oyembopɨapochɨ chekotɨ rami, ayapo chupe reta, ayerova chugüi reta.

OSEAS 12:14

Efraín pegua reta oyapogüe mbaetɨ etei ipöra Tumpa pe. Jáeramo yandeYa oiporaraukata chupe oporoyuka vae re, yandeYa omboekoviata chupe oporomboetembae re.

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

OSEAS 4:13

Ɨvɨtɨ reta iyapɨte re jare ɨvɨra reta encina, álamo jare olmo jee vae iküaraɨa igüɨ rupi; jokoropi omee reta mɨmba oyeyukagüe jare oapɨ reta ikäti kavi vae incienso. Jáeramo tayɨ reta iyaguasa pota jare taɨtatɨ reta oyuvanga menda re.

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

JOSUÉ 23:16

perokomegua yave yandeYa Tumpa iporogüɨrökuavee päve rupi peokuai vae, peo jare pemboete yave tumpa ambuae reta, jare peyetavatɨka yave jae reta jóvai. Jayave yandeYa iyarasɨta pekotɨ, jare ɨmambae pekañɨteita kuae ɨvɨ kavi jae omee peve vae güi.”

JUECES 6:10

Jare jae ko peve reta, che ko jae peYa Tumpa, agüɨye pekɨɨye amorreo reta itumpa reta güi iɨvɨ pe añave peï vae; ërei pe reta mbaetɨ peyapo che jaegüe.’ ”