2 REYES 17:6 - Biblia Guarani Tumpa Iñee

⁶ Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 REYES 17:6 ပူးပေါင်းရင်းမြစ်များ

GÉNESIS 10:2

Jafet taɨ reta jae: Gomer, Magog, Madai, Javán, Tubal, Mesec jare Tiras.

1 REYES 8:46

Iyoa reta ndekotɨ yave, echa mbaetɨta ko kia iyoambae, jare kuae re ndearasɨ chupe reta jare remee jovaicho reta ipo pe yave, güɨraja vaerä tembipɨɨrä köiño ani mombɨrɨ,

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 18:34

¿Ketɨ pa oime oï tëta Hamat jare Arfad itumpa reta? ¿Ketɨ pa oime oï tëta Sefarvaim, Hena, jare Iva itumpa reta? ¿Kuae tumpa reta oepɨ pa tëta guasu Samaria chembaepuere güi?

2 REYES 19:12

¿Güɨroasayepe yera tumpa-raanga reta jëtaguasu reta cheñemuñagüe reta opa omboai vae: Tëta Gozán, Harán, Resef jare Edén pegua reta Telasar pe yogüɨreko vae?

2 REYES 21:13

Ajäata Jerusalén, Samaria ajäa rami etei, jare Acab iñemuña reta ajäa rami; aeyata ikɨambae, metei ñae oyeyoe yave oyembovapɨ oñeñono rami.

1 CRÓNICAS 5:22

Jeta yae omano tovaicho, echa Tumpa etei ko oñeraro. Jare oñemoëta reta joko pe, tembipɨɨrä opa oyererajauka regua.

1 CRÓNICAS 5:26

Jókuae jeko pegua, Israel iTumpa ombopɨa-kɨ̈reɨ Pul, mburuvicha guasu Asiria pegua, jae ko Tiglat-pileser, jae opa güɨnoe Rubén iñemuña reta jare Gad iñemuña reta jare Manasés iñemuña reta oyemboyaogüe iɨvɨ güi; jare opa güɨraja reta Halah pe, Habor, Hara jare ɨ̈aka Gozán pe, añave yogüɨrekoa pe.

ESDRAS 6:2

jare oñeväe chupe tëta guasu Acmeta pe mburuvicha guasu jo ɨvɨ Media pe oï vae pe, metei tembikuatía pe oyekuatía oï pɨpe körai yemomaendúa:

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

ISAÍAS 10:9

Cheveguarä, oyovakeño ko tëta guasu Calno tëta guasu Carquemis ndive, tëta guasu Hamat oyovake ko tëta guasu Arfad ndive, tëta guasu Samaria oyovakeño ko tëta guasu Damasco ndive, tëta guasu amoamɨrigüe reta.

ISAÍAS 13:17

Ambouta ikotɨ reta tëtaguasu Media pegua reta, mbaetɨ oipotarai oro ani korepoti vae reta.

ISAÍAS 17:4

Jókuae ara Israel iyemboetea jagüeta, mbaetɨta ma ikɨra oiko.

ISAÍAS 21:2

Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 36:17

Ou regua pereraja metei ɨvɨ, kuae peɨvɨ rami vae pe, ɨvɨ kavi trigo peguarä jare uva peguarä vae pe, tembíu katúa pe.

ISAÍAS 36:19

¿Jama pa tëta guasu Hamat itumpa-raanga, ani tëta guasu Arfad itumpa-raanga? ¿Jama pa tëta guasu Sefarvaim itumpa-raanga reta? ¿Tumpa-raanga reta Samaria pegua, oepɨ vi pa mburuvicha guasu Asiria pegua ipo güi?

ISAÍAS 37:18

Añete cheYa Tumpa, mburuvicha guasu reta Asiria pegua opaetei omboai tëtaguasu jare iɨvɨ ñavo,

ISAÍAS 8:4

Echa kuae michia raɨ ndei oikatu ‘papa’ jare ‘mama’ jei mbove: Oñepɨ̈rota Damasco jare Samaria güi imbaembae ikavigüe; mburuvicha guasu Asiria pegua opata opɨ̈ro.”

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

DANIEL 5:28

PERES: Ndeporookuaía oyemboyao ma, jare oñemee Media jare Persia pegua reta pe.

OSEAS 1:4

Jare yandeYa jei chupe: “Embojee Jezreel, echa jokoño ma aiporarauka Jehú iñemuña reta pe, Jezreel pe oporoyuka vae jeko pegua, amboapɨta mborookuaía Israel pe.

OSEAS 1:6

Gomer ipurúa ye, jare oa imembɨ kuña. Jare Tumpa jei Oseas pe: “Embojee Lo-ruhama, echa mbaetɨta ma aiparareko Israel pegua reta, opata amboai.

OSEAS 1:9

Jare Tumpa jei Oseas pe: “Embojee, Lo-ammi, echa pe reta mbaetɨ ma ko tëta chembae, jare che mbaetɨ ma vi aiko peTumparä.”

OSEAS 13:16

Samaria oiporarata jeko re, echa oyembopɨapochɨ iTumpa kotɨ. Omano retata ñeraro pe, imichia reta oyererokuaukata ɨvɨ re, ikuña reta ipurúa ñogüɨnoi vae oipekata jɨe chugüi.

OSEAS 8:8

¡Israel pegua reta, pekañɨteita aramoete pegua! Ïru tëtaguasu pegua reta mbaeä eteita omae peré,

OSEAS 9:3

Efraín pegua reta yogüɨraja yeta Egipto pe jare Asiria pe, joko pe jou retata tembíu mbaetɨta tëi oyeu vae. Mbaetɨta opɨta reta yandeYa iɨvɨ pe,

LEVÍTICO 26:38

Jare opata pekañɨtei ïru tëtaguasu reta rupi, perovaicho reta iɨvɨ pe opata pekañɨtei.

AMÓS 5:27

Jáeramo, mombɨrɨ pogüɨrajaukata, Damasco güi kutɨ ye.” Jei yandeYa, jae ko jee Tumpa Imbaepuere yae ete vae.

AMÓS 7:17

Jáeramo körai jei yandeYa: “Nderembireko oikota aguasa rupi kuae tëta guasu pe, nderaɨ reta jare nderayɨ reta omanota kɨsepuku pe, jare pe reta jare opaete Israel oyererajaukata tembipɨɨrä matɨ kuae peɨvɨ güi.”

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.

DEUTERONOMIO 30:18

tamombeu kavi voi peve añave: Opata ko pemano; mbaetɨta amaeño peré, peiko puku jókuae ɨvɨ peota peiko pɨpe vae pe, ɨ̈aka Jordán jovaicho kotɨ.