2 REYES 17:36 - Biblia Guarani Tumpa Iñee

³⁶ che peYa, pogüɨnoe ɨvɨ Egipto güi mbaepuere yae ndive, chegüi peipoɨu, chemboete jare cheve pemee mɨmba oyeyukagüe.

2 REYES 17:36 ပူးပေါင်းရင်းမြစ်များ

1 REYES 8:42

jare oyerure kuae tupao pe yave (echa oikuaa nderee tuicha yae vae ko jare ndembaepuere tuicha yae vae),

2 REYES 17:39

Jaeño chemboete che peYa Tumpa, jare pogüɨroasayepeta opaete perovaicho reta güi.”

SALMOS 136:12

imbaepuere yae rupi güɨnoe vae, echa iporoparareko jekuae avei vae ko.

ÉXODO 14:15

Jayave yandeYa jei Moisés pe: —¿Maera pa peeka yemborɨ cheve? Ere Israel iñemuña reta pe toguata.

ÉXODO 6:6

Jáeramo, rereta Israel iñemuña reta pe: —Che ko peYa; che pogüɨnoeta mbaravɨkɨ ipoɨgüe peyapo Egipto pe vae güi, poyorata yeokuaiasɨ katu güi, che poepɨta morojäa tuichagüe rupi.

ÉXODO 9:15

Echa, añave ambouta ndeve, reiporara vaerä jare nerëta pegua reta re, metei mbaerasɨ pɨ̈chɨi vae jare rekañɨteita ɨvɨ güi;

JEREMÍAS 32:21

Renoe ɨvɨ Egipto güi Israel iñemuña reta; renoe ndembaepuere pe mɨakañɨ reta tuichagüe ndive, remongɨɨye yae reve opaete vae.

LEVÍTICO 19:32

Peyemboɨ jare pemboete ndechi reta, peipoɨu peTumpa güi. Che ko peYa.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

Hechos 4:30

Jare eechauka ndembaepuere rupi oporombogüera reta vaerä, eyapo vi mɨakañɨ reta ndeRaɨ iyoambae Jesús jee re.”

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 5:15

Pemaendúa peikose tembiokuai ɨvɨ Egipto pe vae re, jare peYa Tumpa perenoe joko güi imbaepuere pe, jáeramo peYa Tumpa peokuai peñovatu vaerä ara mbutuu pegua.

DEUTERONOMIO 6:12

peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”