2 REYES 17:32 - Biblia Guarani Tumpa Iñee

³² Omboete reta vi yandeYa Tumpa, ërei oiparavo reta sacerdoterä oyougüi aeño, jókuae reta oyapo vaerä mbaravɨkɨ mbaemboete renda reta ɨvɨtɨ rupigua pe.

2 REYES 17:32 ပူးပေါင်းရင်းမြစ်များ

1 REYES 12:31

Jare oyapouka vi mbaemboete renda ɨvɨtɨ ñavo re, jare oñonouka sacerdoterä tëta pegua reta ipɨte güi, Leví iñemuña peguambae vae güi.

1 REYES 12:33

Jökorai jókuae ara quince ara yasɨ juría pe, Jeroboam omee mɨmba oyeyukagüe, mɨmba oyeyuka oyeapɨ jese vae re, jókuae oyapo Bet-el pe vae pe. Kuae jae yasɨ arete pegua jae iyemongeta ae rupi oyapo vae, oyapo arete Israel iñemuña reta peguarä. Jókuae yasɨ oyeupi reta oapɨ ikäti kavi vae incienso.

1 REYES 13:31

Opa oñotɨ yave jei taɨ reta pe: —Che amano yave, cheötɨ kuri tëogüe-rɨru jókuae Tumpa iñeemombeúa oñeotɨa pe. Cheretegüe peñono kuri jae ndive,

1 REYES 13:33

Opaete kuae mbaembae reta reve Jeroboam mbaetɨ oeya jeko kavimbae, jekuae oñono sacerdote reta tëta pe tumpa-raanga iyemboete renda peguarä jae oipota vae. Jeroboam oiparavo sacerdote kuae nunga mbaemboetea reta peguarä.

2 REYES 17:25

Jare omboɨpɨ ramo yogüɨreko joko pe yave, jae reta mbaetɨ omboete yandeYa jeko pegua, ombou jeta yaguapope chupe reta, jare oparapiti jese reta.

2 REYES 17:29

Echa tëtaguasu pegua ñavo oyapo iyeupe itumpa ae ae iä reta, jare oñono reta tupao reta mbaemboete renda ɨvɨtɨ rupigua rupi, Samaria pegua reta oyapogüe pe. Tëtaguasu ñavo yogüeru oñemoëtaa rupi.

2 REYES 17:33

Oipoɨu reta tëi yandeYa güi, ërei omboete reta vi itumpa ae ae reta, tëtaguasu reta oyereroyakavoa güi vae jeko reta rami aeño.

2 REYES 17:41

Echa oipoɨu reta tëi yandeYa güi jare omboete reta vi tumpa-raanga reta. Jökoraiño vi taɨ reta jare jɨmɨmino reta oyapo iñemuñagüe reta rami, añave regua.

2 REYES 23:19

Jare opaete mbaemboete renda ɨvɨtɨ rupigua reta, tëta guasu reta ɨvɨ Samaria pe oï vae reta; kuaekuae oyapo Israel pegua mburuvicha guasu reta vae rupi omboarasɨuka yandeYa. Josías opa vi omboai, Bet-el pe oyapo rami etei.

ESDRAS 4:2

yogüeru Zorobabel pɨri jare metei tëtara vae reta itenondegua reta pɨri, jare jei reta chupe reta: —Topomborɨ ñamopüa o pe reta ndive, echa pe reta rami vi ko royeokuai peTumpa pe, jare chupe romee mɨmba oyeyukagüe, Esar-hadón mburuvicha guasu Asiria pegua oiko güive mburuvicharä, jae orembou kuae pe roiko vaerä vae.

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.