2 REYES 17:25 - Biblia Guarani Tumpa Iñee

²⁵ Jare omboɨpɨ ramo yogüɨreko joko pe yave, jae reta mbaetɨ omboete yandeYa jeko pegua, ombou jeta yaguapope chupe reta, jare oparapiti jese reta.

2 REYES 17:25 ပူးပေါင်းရင်းမြစ်များ

1 REYES 13:24

jare Tumpa iñeemombeúa Judá pegua ojo. Ërei tape rupi oë chupe yaguapope jare oyuka, jare jetegüe oyepɨso oï tape rupi. Imburika jare yaguapope joko pe vi ñogüɨnoi jëogüegüe iyɨpɨ pe.

1 REYES 20:36

Jayave ñeemombeúa jei chupe: —Mbaetɨ reipota reyapo yandeYa jeigüe jeko pegua, resɨrɨ chegüi yave ndeyukata yaguapope. Jare osɨrɨ ñeemombeúa güi yave oë chupe yaguapope jare oyuka.

2 REYES 17:26

Jayave jei reta mburuvicha guasu Asiria pegua pe: “Kuimbae reta reroyakavo Samaria kotɨ vae, reñono tëta guasu reta Samaria pegua pe vae reta, mbaetɨ oikuaa reta jókuae ɨvɨ pegua Tumpa iporookuai ramo, jae ombou jeta yaguapope chupe reta, jókuae yaguapope reta oparapiti ñogüɨnoi, echa jae reta mbaetɨ oikuaa joko pegua Tumpa iporookuai.”

2 REYES 17:28

Jayave Samaria güi sacerdote reta oyererajauka tembipɨɨrä vae güi ou metei sacerdote oñemoëta Bet-el pe; jae omboe reta këraita ko omboete reta yandeYa vae.

2 REYES 17:32

Omboete reta vi yandeYa Tumpa, ërei oiparavo reta sacerdoterä oyougüi aeño, jókuae reta oyapo vaerä mbaravɨkɨ mbaemboete renda reta ɨvɨtɨ rupigua pe.

2 REYES 17:34

Jekuaeñoi añave rupi oyapo reta tenonde rupi oyapo reta rami, mbaetɨ oipoɨu reta yandeYa güi, mbaetɨ oñovatu reta iporookuai, mbaetɨ oyapo reta mborookuai jei rami, yandeYa omee Jacob iñemuña reta pe vae, jae ombojee Jacob, Israel pe vae.

2 REYES 17:41

Echa oipoɨu reta tëi yandeYa güi jare omboete reta vi tumpa-raanga reta. Jökoraiño vi taɨ reta jare jɨmɨmino reta oyapo iñemuñagüe reta rami, añave regua.

2 REYES 2:24

Eliseo oyerova omae jókuae kunumi reta re, jare oyepopeyu jese reta yandeYa jee re. Jökorai rupive oë mboapɨ oso kaa güi, jare opa oyuka cuarenta y dos jókuae kunumi reta güi.

ISAÍAS 15:9

Jare tëta Dimón pegua ɨ̈aka tɨnɨeta tugüɨ pe; echa aruta tëta Dimón re mbae ikavimbae yae vae. Otekuarai tëi Moab güi vae opata jou yaguapope reta, jókuae jembɨreño tëi vae reta.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 15:3

YandeYa jei: “Ambouta jese reta irundɨ tembiporara ambuaeyee yee vae, jae ko: Omano retata ñeraro pe, jare yaɨmba reta opata ombojaɨ jaɨ, chucha reta jouta, jare mbaeporou reta opata jou.

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

EZEQUIEL 14:15

Ambou yave mbaeporou reta metei ɨvɨ pe, opa vaerä jou jókuae ɨvɨ ipo reta jare oeya ipombae, ngaraa etei kia ikɨ̈reɨ oasa jokoropi, okɨɨye ramo mbaeporou reta güi,

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

DANIEL 6:26

Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

JONÁS 1:9

Jare Jonás jei chupe reta: —Hebreo ko che, cheYa Tumpa ara pegua güi oipoɨu vae, ɨguasu jare ɨvɨ iyapoa.

JOSUÉ 22:25

YandeYa oñono ɨvɨ jembeɨrä ɨ̈aka Jordán, roiko tee vaerä pegüi, pe Rubén jare Gad iñemuña reta jare Manasés iñemuña reta oyemboyaogüe; jayave, ¿mbae pa peeka Tumpa oïa pe?” Jökorai peraɨ reta oeyaukata oreraɨ reta pe mboromboete yandeYa kotɨ.