2 REYES 17:23 - Biblia Guarani Tumpa Iñee

²³ Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 17:23 ပူးပေါင်းရင်းမြစ်များ

1 REYES 13:2

Jae iñeeäta reve jei Tumpa iñee, ikäti kavi vae incienso oyeapɨ jese vae kotɨ: “Mbota oyeapɨ jese vae, mbota oyeapɨ jese vae, körai jei yandeYa: ‘Mase, ko David jëtara güi oata metei michia raɨ, jeeta Josías, jae oapɨta nderé mbaemboetea pegua sacerdote reta ikäti kavi vae incienso oapɨ nderé vae reta; nderé oapɨta kuimbae ikägüegüe.’ ”

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 REYES 17:18

Jáeramo yandeYa iyarasɨ yae ete Israel pegua reta kotɨ, jare opa omombo iyeugüi; jare mbaetɨ etei opɨta vae, jaeño opɨta Judá pegua reta.

2 REYES 17:20

YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

2 REYES 17:22

Jökorai Israel pegua reta omomoe opaete Jeroboam iyoa reta, jare mbaetɨ oyembosɨrɨ jókuae mbaeyoa reta güi.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 REYES 21:14

Jare opaete chembae vae reta jembɨregüe aeyata iyangarekoambae, ameeta jovaicho reta ipo pe, opa vaerä oyemombouka opaete jovaicho reta pe.

2 REYES 23:27

Jáeramo yandeYa jei omombo vaerä matɨ iyeugüi Judá, Israel omombo iyeugüi rami, güɨröɨro vaerä tëta Jerusalén, jae oiparavo iyeupe vae, o jae jee oñono tëi joko pe vae.

2 REYES 24:3

Opaete kuaekuae reta ou Judá kotɨ yandeYa iporookuai rupi, ombosɨrɨ vaerä iyeugüi, Manasés imbaeyoa reta jeko pegua, opaete jae oyapogüe re;

2 REYES 25:21

Joko pe mburuvicha guasu Babilonia pegua oyukauka reta, ɨvɨ Hamat pe. Jökorai tëta Judá oyererajauka tembipɨɨrä iɨvɨ güi.

2 REYES 3:3

Ërei iyoa Jeroboam, Nabat taɨ iyoa rami, Israel iñemuña reta pe oyapouka mbaeyoa vae, jare mbaetɨ oyembosɨrɨ jókuae mbaeyoa güi.

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

SALMOS 51:13

Jayave amboeta iyoa vae reta nderemimbota re, jare iyoa vae reta oyepoepɨta ndekotɨ.

ISAÍAS 7:8

Tëta Damasco, jae ko kuae tëta guasu güi mburuvicha reta oporookuai vae, tëtaguasu Siria re. Jare mburuvicha guasu Rezín ko oï tëta guasu Damasco pe. Ërei sesenta y cinco año pe tëtaguasu Efraín mbaetɨta ma oiko.

JEREMÍAS 52:3

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Jaɨkue rupi Sedequías oñemopüa mburuvicha guasu Babilonia pegua re.

JEREMÍAS 7:15

Pomombota cheyeugüi, opaete perëtara reta Efraín iñemuña amombo rami.’

OSEAS 12:3

Jacob, ichɨ jɨe peve oipɨtapɨɨ tɨkeɨ, okuakuaa ma yave oñoïraro araɨgua ndive.

AMÓS 5:27

Jáeramo, mombɨrɨ pogüɨrajaukata, Damasco güi kutɨ ye.” Jei yandeYa, jae ko jee Tumpa Imbaepuere yae ete vae.

MIQUEAS 1:5

Opaete kuaekuae, Jacob iñemuña reta ipɨarai jare iyoa jeko pegua. ¿Mbae pa jae Jacob ipɨarai? ¿Jaeä pa tëta Samaria? ¿Kia pa jae Judá pegua mɨmba oyeyuka oyeapɨ jese vae reta? ¿Jaeä pa tëta Jerusalén?

MIQUEAS 1:6

Jáeramo yandeYa jei: “Opaeteita amboai mboai tëta Samaria, uvaruparäño ikavita; opata amoai chugüi ita reta ɨvɨtɨ päu rupi, tëta iguapɨa opata oyemboyekuaa chugüi.

MIQUEAS 2:5

Jáeramo mbaetɨta ma penoi ɨvɨ, yandeYa imbae vae reta ipɨte pe.

DEUTERONOMIO 32:20

jare jei: ‘Ayerovata chugüi reta, ¡yaecha maratu oasa reta! Echa kuimbae jeko kavimbae reta ko, cheraɨ jupimbae reta ko.

JOSUÉ 23:13

peikuaa voi, yandeYa ngaraa ye ma oekɨ güɨnoe omombo perenonde güi kuae tëtaguasu reta, yogüɨreko retata peve ñuai rami, pepɨ̈sa-yeyuka rami jese reta vaerä, yogüɨreko retata chikote rami peve, yogüɨreko retata peve ñurati rami peresa peguarä, opa regua pekañɨtei kuae ɨvɨ kavi yandeYa Tumpa omee peve vae güi.

JUECES 18:30

Joko pe Dan iñemuña reta oñono tumpa-raanga reta oñemopöra oyeapo vae omboete reta vaerä, jare isacerdote jae ko Jonatán, Gersón taɨ, Moisés jɨmɨmino. Jaɨkue rupi Jonatán iñemuña reta yogüɨreko Dan iñemuña reta isacerdoterä, oyererajauka reta regua tembipɨɨrä.