2 REYES 17:21 - Biblia Guarani Tumpa Iñee

²¹ Güɨnoe Israel pegua reta David iporookuaía güi yave, Israel pegua reta omboguapɨ juvicha guasurä Jeroboam, Nabat taɨ; kuae mburuvicha guasu omombiauka iYa güi jare oyapouka chupe reta mbaeyoa ikavimbae yae vae.

2 REYES 17:21 ပူးပေါင်းရင်းမြစ်များ

GÉNESIS 20:9

Jaɨkue rupi Abimelec oenɨi Abraham jare jei chupe: —¿Mbae pa reyapo oreve? ¿Oime pa mbae pe cheyoa ndekotɨ, reru vaerä cheré jare cheporookuaía re mbaeyoa tuichagüe yae? Mbaetɨta tëi reyapo vae reyu reyapo che ndive.

1 REYES 11:11

Jáeramo yandeYa jei Salomón pe: “Kuae oyekuaa nderé ramo, jare mbaetɨ reyapo cheporogüɨrökuavee päve jare cheporookuai reta, che royókuai vae ramo, apɨ̈rota ndegüi ndeporookuaía, jare ameeta ndegüi ndeɨvɨrigua pe.

1 REYES 11:31

Jare jei Jeroboam pe: “Eipɨɨ ndeyeupe kuae güi payandepo yemboyao; echa körai jei ndeve yandeYa Israel iTumpa: ‘Mase, ko apɨ̈ro Salomón ipo güi iporookuaía, jare ameeta ndeve payandepo ñemuña;

1 REYES 13:34

Kuae oyapo vae rupi Jeroboam jare iñemuña reta oa mbaeyoa pe, kuae jeko pegua oñemokañɨteiuka ɨvɨ iárambo güi.

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

1 REYES 14:8

Apɨ̈ro mborookuaía David iñemuña güi, jare amee ndeve; jare nde mbaetɨ cherembiokuai David rami, cheporookuai oñovatu vae jare oguata cheróvai opaete ipɨa reve kavi, oyapo reve sɨmbi vae cheresa róvai.

2 REYES 17:22

Jökorai Israel pegua reta omomoe opaete Jeroboam iyoa reta, jare mbaetɨ oyembosɨrɨ jókuae mbaeyoa reta güi.

2 REYES 3:3

Ërei iyoa Jeroboam, Nabat taɨ iyoa rami, Israel iñemuña reta pe oyapouka mbaeyoa vae, jare mbaetɨ oyembosɨrɨ jókuae mbaeyoa güi.

2 CRÓNICAS 11:11

Oyapo kavi vi ñepɨ̈roka reta jare oñono joko pe mburuvicha reta, jare tembíu reta, vino jare olivo iasaite.

2 CRÓNICAS 11:15

Jare jae oñono isacerdoterä mbaemboete renda reta ɨvɨtɨ re ñogüɨnoi vae peguarä, omee vaerä mbaemboete aña reta pe jare toro taɨrusu vae iä reta pe jae oyapo vae pe.

SALMOS 25:11

CheYa Tumpa, neɨ̈ro cheve cheyoa yae vae re, nderee imboetea yae jeko pegua.

ÉXODO 32:21

Jare jei Aarón pe: —¿Mbae pa kuae reta oyapo ndeve, reyapouka vaerä chupe reta mbaeyoa ikavimbae yae ete vae?

ISAÍAS 7:17

YandeYa güeruta nderé, nerëta re jare mburuvicha guasu jo pegua reta re, ara reta mbaetɨi jökorai vae, arakae Efraín oyemboyao Judá güi güive vae.” (Jókuae jae ko mburuvicha guasu Asiria pegua oporepeñata vae.)

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

1 SAMUEL 2:17

Jökorai tuicha yae iyoa kuae kunumi reta yandeYa kotɨ, echa omboeteä mbota reta oñemee yandeYa pe vae.

1 SAMUEL 2:24

Agüɨye, cheraɨ reta, echa che aendu mbaetɨ perërakua ikavigüe pe, echa jökorai peyapouka mbaeyoa yandeYa imbae vae reta pe.