2 REYES 17:20 - Biblia Guarani Tumpa Iñee

²⁰ YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

2 REYES 17:20 ပူးပေါင်းရင်းမြစ်များ

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

2 REYES 13:3

Jare yandeYa iyarasɨ Israel kotɨ, omee Hazael mburuvicha guasu Siria pegua ipo pe jare Ben-adad, Hazael taɨ ipo pe ɨma año rupi.

2 REYES 13:7

Echa jókuae kuimbae oporoepɨ vae ndei ou mbove, mburuvicha guasu Joacaz pe mbaetɨ ma jeta jembɨre sundaro, jaeño ma jembɨre chupe cincuenta kuimbae kavayu regua reta, payandepo käretou ñeraro pegua, jare diez mil kuimbae ɨvɨ rupigua, echa mburuvicha guasu Siria pegua opa oyuka, jare opa oeya ɨvɨkúi rami.

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

2 REYES 17:18

Jáeramo yandeYa iyarasɨ yae ete Israel pegua reta kotɨ, jare opa omombo iyeugüi; jare mbaetɨ etei opɨta vae, jaeño opɨta Judá pegua reta.

2 REYES 18:9

Ezequías irundɨa año ma oiko mburuvicha guasurä Judá pe yave, jare Oseas, Ela taɨ, chiúa año ma oiko mburuvicha guasurä Israel pe yave, Salmanasar, Asiria pegua reta juvicha guasu oporepeña Samaria re jare opa oñova.

2 REYES 21:14

Jare opaete chembae vae reta jembɨregüe aeyata iyangarekoambae, ameeta jovaicho reta ipo pe, opa vaerä oyemombouka opaete jovaicho reta pe.

2 REYES 23:27

Jáeramo yandeYa jei omombo vaerä matɨ iyeugüi Judá, Israel omombo iyeugüi rami, güɨröɨro vaerä tëta Jerusalén, jae oiparavo iyeupe vae, o jae jee oñono tëi joko pe vae.

2 REYES 24:3

Opaete kuaekuae reta ou Judá kotɨ yandeYa iporookuai rupi, ombosɨrɨ vaerä iyeugüi, Manasés imbaeyoa reta jeko pegua, opaete jae oyapogüe re;

1 CRÓNICAS 16:13

pe jembiokuai Israel iñemuña reta, pe jembiparavo Jacob iñemuña reta.

NEHEMÍAS 9:2

jare opaete Israel iñemuña reta oyembosɨrɨ ma yepe ketɨgua reta güi; jare oyemboɨ reve oyemombeu reta iyoa reta re jare iñemuñagüe reta iyoa re vi.

SALMOS 51:13

Jayave amboeta iyoa vae reta nderemimbota re, jare iyoa vae reta oyepoepɨta ndekotɨ.

SALMOS 53:5

Joko pe oime kɨɨye yavaetegüe, yepe tëi mbaetɨ mbae jeko pegua okɨɨye vaerä. Echa Tumpa opa omoai perovaicho reta ikägüe, ñemomarai pe opɨtata, echa Tumpa güɨröɨro reta.

SALMOS 80:13

Taitetu opaetei omopë mopë; ¡jare mɨmba ñana rupigua opa jou!

ISAÍAS 2:6

CheYa, añetete reeya kuae tëta ndembae vae, Jacob iñemuña reta, echa kuae ɨvɨ pe tɨnɨe oï teko oyereru kuaraɨ oëa kotɨ güi vae, jare omomora reta susere oimeta vae re omombeu reta, filisteo reta rami, jare oyapo reta ñererökuavee päve ketɨgua reta ndive.

ISAÍAS 45:25

Cheré opaete Israel iñemuña reta oyembojupita jare oyemboeteta.”

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 46:28

Che peYa jae: Cherembiokuai Jacob agüɨye ekɨɨye, echa che ko aï nde ndive. Amokañɨteita opaete tëtaguasu reta jókuae opa romoai moai jupi vae. Ërei nde mbaetɨta romokañɨtei opaetei, jaeño ronupata ndereko oï rupi, ngaraa roeya reiporarambae.”

JEREMÍAS 52:3

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Jaɨkue rupi Sedequías oñemopüa mburuvicha guasu Babilonia pegua re.

JEREMÍAS 6:30

Ikavi ko oyembojee “jatɨgüegüe”, echa nde cheYa ko, reröɨro.

JEREMÍAS 7:15

Pomombota cheyeugüi, opaete perëtara reta Efraín iñemuña amombo rami.’

OSEAS 1:6

Gomer ipurúa ye, jare oa imembɨ kuña. Jare Tumpa jei Oseas pe: “Embojee Lo-ruhama, echa mbaetɨta ma aiparareko Israel pegua reta, opata amboai.

OSEAS 12:3

Jacob, ichɨ jɨe peve oipɨtapɨɨ tɨkeɨ, okuakuaa ma yave oñoïraro araɨgua ndive.

JONÁS 1:10

Jare jókuae kuimbae reta okɨɨye yae, jare jei reta chupe: —¿Maera pa ko kuae reyapo? Echa jae reta oikuaa, otekuarai ko yandeYa güi vae, echa jae etei yepe omombeu chupe reta.

JONÁS 1:3

Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

DEUTERONOMIO 11:12

Jae ko ɨvɨ yandeYa Tumpa etei oyangareko jese vae, año oyemboɨpɨ güive año opa regua.

DEUTERONOMIO 32:20

jare jei: ‘Ayerovata chugüi reta, ¡yaecha maratu oasa reta! Echa kuimbae jeko kavimbae reta ko, cheraɨ jupimbae reta ko.

2 Tesalonicenses 1:9

Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,

JOSUÉ 23:13

peikuaa voi, yandeYa ngaraa ye ma oekɨ güɨnoe omombo perenonde güi kuae tëtaguasu reta, yogüɨreko retata peve ñuai rami, pepɨ̈sa-yeyuka rami jese reta vaerä, yogüɨreko retata chikote rami peve, yogüɨreko retata peve ñurati rami peresa peguarä, opa regua pekañɨtei kuae ɨvɨ kavi yandeYa Tumpa omee peve vae güi.

JUECES 18:30

Joko pe Dan iñemuña reta oñono tumpa-raanga reta oñemopöra oyeapo vae omboete reta vaerä, jare isacerdote jae ko Jonatán, Gersón taɨ, Moisés jɨmɨmino. Jaɨkue rupi Jonatán iñemuña reta yogüɨreko Dan iñemuña reta isacerdoterä, oyererajauka reta regua tembipɨɨrä.

JUECES 2:14

Jáeramo yandeYa iyarasɨ Israel iñemuña reta kotɨ, omee imonda vae reta opɨ̈ro vaerä chugüi reta imbaembae, jare omee vi jovaicho reta iyɨvɨrigua reta pe, jare mbaetɨ ma ipuere jovaicho reta re.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”

1 SAMUEL 15:26

Jare Samuel jei Saúl pe: —Ngaraa ma aja nde ndive; echa reröɨro yandeYa iñee, jare yandeYa nereröɨro ma agüɨye vaerä reiko mburuvicha guasurä Israel iñemuña reta re.

1 SAMUEL 16:1

YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.