2 REYES 17:17 - Biblia Guarani Tumpa Iñee

¹⁷ Oapɨ reta vi taɨ reta jare tayɨ reta tumpa-raanga pe, jare güɨrovia katu reta mbaekuaa rupi maratuta vae re omombeu vae, jare moroäɨvo reta re, oyapo reta ikavimbae yandeYa jesa róvai vae rupi omboarasɨuka.

2 REYES 17:17 ပူးပေါင်းရင်းမြစ်များ

1 REYES 14:15

YandeYa omokanata Israel ɨ omokana täkuarasɨ reta rami. Güɨnoeta kuae ɨvɨ kavi oñemee iñemuñagüe reta pe vae güi, jare omombota ɨ̈aka Éufrates kutɨ, oyapo reta ramo iyeupe Asera iä reta, pɨpe omboarasɨ yandeYa.

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

1 REYES 21:25

(Mbaetɨ yé kia Acab rami vae, jembireko Jezabel jeigüe rupi ojo, oyapo ikavimbae vaeño yandeYa jesa róvai.

2 REYES 16:3

Omomoe mburuvicha guasu reta Israel pegua jeko, echa taɨ oapɨuka tumpa-raanga pe, tëtaguasu reta, yandeYa güɨnoe omombo Israel iñemuña reta jenonde güi vae jeko pɨ̈chɨi yae rami.

2 REYES 17:11

opaete mbaemboete renda ɨvɨtɨ rupigua rupi oapɨ reta ikäti kavi vae incienso, jae reta jenonde güi yandeYa opa tëi güɨnoe omombo tëtaguasu reta vae jeko rami; ikavimbae yae oyapo reta vae rupi omboarasɨuka reta yandeYa.

2 REYES 17:31

Ava pegua reta oyapo Nibhaz jare Tartac iä, jare Sefarvaim pegua reta oapɨ taɨ reta omboete vaerä itumpa-raanga reta Adramelec jare Anamelec.

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

2 CRÓNICAS 28:3

oapɨ vi ikäti kavi vae incienso ɨvɨtɨ päu ipe kavi vae Hinom pe, jare omee taɨ reta oapɨuka vaerä, ïru tëtaguasu reta ikavimbae yae vae oyapoñoi rami, jókuae yandeYa opa güɨnoe omombo Israel iñemuña reta jenonde güi vae.

2 CRÓNICAS 33:6

Oapɨuka vi taɨ reta ɨvɨtɨ päu Hinom pe; oyemoambeko mbae oikuaa vaerä moroäɨvo rupi, oikuaa vaerä mbaekuaa rupi mbae maratuta vae; jare oparandu maratuta vae imombeúa reta pe jare imbaekuaa vae reta pe. Jökorai jeiete oyapo ikavimbae yandeYa jesa róvai, omboarasɨuka regua.

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

JEREMÍAS 19:5

Omopüa reta vi mbaemboete renda reta Baal peguarä, opaetei oyeapɨ vaerä joko pe imichia reta Baal pe; che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.

JEREMÍAS 25:7

Ërei yandeYa jei añave: ‘Pe reta mbaetɨ peipota peyapo che jae vae; chemboarasɨuka pemboete tumpa reta pe aeño peyapo peyeupe vae rupi; kuae ikavimbae peyapo vae peyeupeguarä aeño ko.’

JEREMÍAS 27:9

Ërei ngatu pe reta agüɨye perovia jókuae ñeemombeúa reta jeigüe re, ani maratuta vae imombeúa re, ani mbaɨu re omombeu vae, ani susere re omombeu vae, ani imbaekuaa vae reta oporomboe jei reve, ngaraa peyeokuai mburuvicha guasu Babilonia pegua pe.

JEREMÍAS 7:31

Jare ɨvɨtɨ päu ipe kavía Ben-hinom jee vae pe omopüa reta mbota reta oyeapɨ jese vae Tofet, jese oapɨ reta vaerä taɨ reta ani tayɨ reta, che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.

EZEQUIEL 16:21

reñaseokɨ̈ti yeti remee cheraɨ reta tumpa-raanga reta pe, mbotarä oyeapɨ vaerä vae re?

EZEQUIEL 20:26

Amaeño jese reta, oyemongɨa reta vaerä mbota omee reta itumpa-raanga reta pe vae rupi, taɨrɨpɨ reta omee oyeapɨ vaerä yave. Kuae ayapo ambopɨatɨtɨ reta vaerä, jare aikuaauka vaerä chupe reta, che jae ko iYa Tumpa vae.’ ”

EZEQUIEL 20:31

Echa pemee mbota reta chupe, peraɨ reta pemee oyeapɨ vaerä, jökorai peyemongɨa itumpa-raanga reta rupi añave regua. Jökorai reve peyu peparandu mbae re cheve Israel iñemuña reta. Che peYa Tumpa jae cheyé aeño peve, ngaraa aendu peve.

EZEQUIEL 23:37

Jae reta mbaetɨ jupi yogüɨreko cheve, oporoyuka reta, omboete reta itumpa-raanga reta. Oapɨ imembɨ reta tumpa-raanga reta pe, jókuae cheve imembɨ reta vae.

EZEQUIEL 23:39

Imembɨ omee oyeapɨ vaerä itumpa-raanga reta pe güire, oike reta vi jókuae ara chero mbaemboetea pegua pe, omongɨa reta vaerä. ¡Jae kuae oyapo reta chetupao pe etei vae!

LEVÍTICO 18:21

Agüɨye kia nunga vae tomee taɨ mbota rami tumpa-raanga Moloc jee vae pe, agüɨye pemongɨa peTumpa jee. Echa che ko peYa.

LEVÍTICO 19:26

Agüɨye peu soo jugüɨ reve. Agüɨye pembaekuaa, ani pemomora peikuaa vaerä mbae maratuta vae.

LEVÍTICO 19:31

Agüɨye pekua imbaekuaa vae reta kotɨ ani mbae outa vae re omombeu vae reta kotɨ. Agüɨye peyemongɨa pɨpe. Che ko peYa Tumpa.

MIQUEAS 5:12

jökoraiño vi opata amboai pegüi imbaekuaa vae reta jare ngaraa ma oime pepɨte rupi mbaekuaa rupi mbae oecha vae reta;

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

Romanos 7:14

Echa yaikuaa mborookuai espíritu pegua ko; ërei che aiko soo jemimbota reño, añemee mbaeyoa pe.

Gálatas 5:26

Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.

DEUTERONOMIO 32:16

Omoägüɨrouka reta tumpa ambuae güɨnoi jeko pegua, omboarasɨuka tumpa-raanga omboete jeko pegua;

DEUTERONOMIO 4:25

Oime ma peraɨ jare perɨmɨmino yave, jare pendechi ma jókuae ɨvɨ pe yave, peyapo yave oipotagüe mbae iä, peyapo ikavimbae yandeYa Tumpa jóvai pemboarasɨuka vaerä yave,