2 REYES 17:15 - Biblia Guarani Tumpa Iñee

¹⁵ güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

2 REYES 17:15 ပူးပေါင်းရင်းမြစ်များ

1 REYES 11:11

Jáeramo yandeYa jei Salomón pe: “Kuae oyekuaa nderé ramo, jare mbaetɨ reyapo cheporogüɨrökuavee päve jare cheporookuai reta, che royókuai vae ramo, apɨ̈rota ndegüi ndeporookuaía, jare ameeta ndegüi ndeɨvɨrigua pe.

1 REYES 16:13

opaete Baasa jare taɨ Ela oyapo ikavimbae vae jeko pegua, echa jókuae mbaeyoa rupi oyapouka vi mbaeyoa Israel iñemuña reta pe, jökorai itumpa-raanga pota rupi omboarasɨuka reta yandeYa Israel iTumpa.

2 REYES 17:8

yogüɨreko, jae reta jenonde güi yandeYa opa omoë omombo tëtaguasu reta vae jeko rupi, jare Israel pegua mburuvicha guasu reta oyapo vae rupi.

2 CRÓNICAS 24:19

Jare yandeYa ombou chupe reta ñeemombeúa reta omboyerova reta ye vaerä ikotɨ. Ërei jae reta mbaetɨ oyeapɨsaka ñeemombeúa reta iporomboarakuaa re.

2 CRÓNICAS 33:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami:

2 CRÓNICAS 33:9

Ërei Manasés jeiete oyapouka ikavimbae Judá pegua reta pe jare Jerusalén pegua reta pe, oasa ete Israel iñemuña reta jenonde güi yandeYa opa omoë omombo tëtaguasu reta vae güi, ikavimbae oyapo reta vae.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

SALMOS 115:8

Jae reta rami etei ko iyapoa reta, jare vi güɨrovia jese vae reta.

SALMOS 78:10

mbaetɨ omboete reta Tumpa iporogüɨrökuavee päve, mbaetɨ vi oipota reta oyapo jae iporookuai,

ÉXODO 16:28

Jayave yandeYa jei Moisés pe: —¿Kërai yave regua pa mbaetɨta perovia cheporookuai reta?

JEREMÍAS 10:15

jaanga retaño ko. YandeYa iporojäa iara pe, opaeteita ko oyemboai reta.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 2:5

YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

JEREMÍAS 44:23

Kuae susere ou peré añave vae ko pe reta peapɨ ikäti kavi vae incienso tumpa-raanga reta pe jeko pegua, peyoa ko jökorai yandeYa kotɨ, echa mbaetɨ peendu iñee reta jare mbaetɨ peyapo mborookuai reta peokuai tëi peyapo vaerä vae.

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

JEREMÍAS 44:8

¿Maera pa chemboarasɨuka perembiapo reta rupi? Peapɨ ikäti kavi vae incienso tumpa ambuae reta kuae Egipto pegua pe, peyu peiko pɨpe vae. Jókuae rupi peru peyeupe aeño kañɨtei, peiko vaerä yepopeyu rupi jare yeyóyai yoyairä, opaete tëtaguasu reta ɨvɨ pe ñogüɨnoi vae reta peguarä.

JEREMÍAS 7:26

Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

JEREMÍAS 8:9

Ërei jókuae yarakuaa yae vae reta oñemomichita opɨta, okɨɨye yae retata, mɨmba ñuai pe oï vae rami. Güɨröɨro reta cheñee yave, ¿ketɨ pa oime oï iyarakuaa?

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 2:3

jei cheve: “Nde kuimbae, romondota Israel iñemuña reta pɨri, metei tëta iñeereendumbae, oyembopɨapochɨ chekotɨ vae reta kotɨ. Jae reta jare iñemuñagüe reta oyembopɨapochɨ ckekotɨ añave regua.

LEVÍTICO 26:15

peröɨro yave che jae vae, jare pepɨa etei güɨröɨro yave cheporookuai reta, peyapombae vaerä, jare mbaetɨ pemboete cheporogüɨrökuavee päve,

JONÁS 2:8

Ikavimbae omomoe vae reta ndeporoparareko güi ko osɨrɨ reta.

San Juan 2:8

Jesús jei chupe reta: —Añave peyara peraja tembiokuai ruvicha pe. Jare jökorai oyapo reta.

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

DEUTERONOMIO 18:10

Agüɨye pegüi reta kia nunga vae toapɨ imichia tata pe, agüɨye vi kia toyemboe oikuaa vaerä mbaekuaa rupi maratuta kuri vae re, agüɨye perovia moroäɨvo re, ani oekɨ suerte vae ani imbaekuaa vae re,

DEUTERONOMIO 29:24

Jayave opaete tëtaguasu pegua reta jeita: ‘¿Maera ra Tumpa jökorai oyapo kuae ɨvɨ? ¿Mbae re ra iyarasɨ mbatee?’

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!

DEUTERONOMIO 32:31

Echa jae reta jeepɨa ita guasu rami vae, mbaetɨ ko Ita guasu yandereepɨa rami, jae reta oikuaa kavi yae ko jókuae.

1 SAMUEL 12:21

Agüɨye pemboete tumpa-raanga, echa mbaetɨ ipuere oporomborɨ ani oporoepɨ echa jaangaño ko.