2 REYES 17:13 - Biblia Guarani Tumpa Iñee

¹³ Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 REYES 17:13 ပူးပေါင်းရင်းမြစ်များ

1 REYES 16:1

Jayave yandeYa jei Jehú, Hanani taɨ pe, jei vaerä Baasa kotɨ körai:

1 REYES 16:7

Ñeemombeúa Jehú, Hanani taɨ rupi, yandeYa jei Baasa kotɨ jare opaete iñemuña reta kotɨ, ikavimbae oyapo yandeYa jesa róvai jeko pegua; echa omboarasɨuka ikavimbae oyapo Jeroboam jare opaete iñemuña reta rami, jókuae jae opa omokañɨtei vae reta.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 18:6

Echa oiko yandeYa jeia re, mbaetɨ oyembosɨrɨ chugüi, oyapo yandeYa omee mborookuai reta Moisés pe vae.

2 REYES 21:10

Jáeramo yandeYa imiari jembiokuai ñeemombeúa reta rupi, jei reve:

1 CRÓNICAS 29:29

Mburuvicha guasu David regua, iyɨpɨ güive iyapɨ pe oyekuatía oï mbae re oecha voi vae Samuel jembikuatía pe, jare Tumpa iñeemombeúa Natán jembikuatía pe jare mbae re oecha voi vae Gad jembikuatía pe,

JOB 11:14

Mbae nunga mbaeyoa renoi vae, rembosɨrɨ yave ndeyeugüi; jare mbaetɨ remaeño ndero pe oï jupimbae yave.

JOB 36:10

Imiari chupe reta oyembosɨmbi vaerä, jare jei chupe reta oyepoepɨ vaerä iyoa reta güi.

SALMOS 50:7

“Eyeapɨsaka tëta chembae, chemiarita; eyeapɨsaka tëta Israel, amoërakuata mbae ndekotɨ. ¡Che ko jae neTumpa!

JEREMÍAS 11:7

Peñemuñagüe reta anoe Egipto güi rupive, amombeu kavi voi chupe reta oendu katu vaerä che jae vae; jayave güive añave regua, jekuae avei amombeu chupe reta oendu vaerä che jae vae.

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 25:3

“Josías, Amón taɨ trece año ma oiko mburuvicha guasurä Judá pe yave güive añave regua, yandeYa imiari cheve, jae ko veintitré año ma, jare che chemiari voi peve cheapɨmbae reve, ërei mbaetɨ peendu cheve.

JEREMÍAS 3:7

Ayemongeta ko kuae teko opa oyapo yave, oyerova yeta chekotɨ; ërei mbaetɨ oyerova. Jare ipɨkɨɨ ipɨapochɨ vae Judá oecha jókuae;

JEREMÍAS 34:14

chiu año oväe ñavo oyora reta vaerä oipotagüe jëtara hebreo oñemee jembiokuairä vae, jare oyeokuai chupe ova año vae. Ërei ngatu peñemuñagüe reta mbaetɨ oendu jare mbaetɨ oyapo reta che jae vae.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 42:19

YandeYa jei pe Judá pe perembɨregüe reta pe, agüɨye vaerä peo Egipto kotɨ. Peikuaa kavi añave amombeu kavi voi peve vae.

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

EZEQUIEL 3:19

Ërei nde remboarakuaa tëi reve, jae mbaetɨ oeya jeko kavimbae yave, omanota iyoa jeko peguai, ërei nde reroasayepeta nderekove.

DANIEL 9:10

jare mbaetɨ roendu neñee oreYa Tumpa, mbaetɨ vi royapo ndeporomboe nderembiokuai ñeemombeúa reta rupi remee oreve vae.

OSEAS 11:2

Ërei jeiete aenɨi yave, jeiete osɨrɨ reta chegüi. Baal reta pe omee mɨmba oyeyukagüe, tumpa-raanga reta pe oapɨ reta ikäti kavi incienso.

OSEAS 12:10

Che amomiari ñeemombeúa reta, jeta aechauka chupe reta, jupi reta chemiari ambojaanga reve.

OSEAS 12:11

Galaad pe oime tumpa reta, ërei tumpa-raanga retaño ko. Gilgal pe oyuka reta toro; mɨmba oyeyuka oyeapɨ jese vae jae reta imbae, kó rupi jeta ita yatɨ yatɨ temitɨ pɨte rupi rami ko.”

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

OSEAS 4:15

Pe Israel pegua reta, peyoa ko yave, pe Judá pegua reta, agüɨye peyoa. ¡Agüɨye pekua Gilgal pe ani Bet-avén pe, agüɨye peñererökuavee mbae peyapo vaerä yandeYa jee re!

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

DEUTERONOMIO 31:21

Ërei ou ma jeta ikavimbae jare mbɨatɨtɨ chupe reta yave, jayave kuae tairari jeita chupe reta etei cheregua, echa iñemuña reta imaenduata jese jare otairari retata; echa che aikuaa voi ma iyemongeta ndei aroike reta mbove jókuae ɨvɨ pe.”

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.

DEUTERONOMIO 8:19

Ërei ngatu peakañɨ yave yandeYa Tumpa güi, peguata yave tumpa ambuae ndive, peyeokuai chupe jare petindɨ pemboete vaerä yave, tamombeu kavi voi peve, opata pemokañɨtei.

JOSUÉ 23:16

perokomegua yave yandeYa Tumpa iporogüɨrökuavee päve rupi peokuai vae, peo jare pemboete yave tumpa ambuae reta, jare peyetavatɨka yave jae reta jóvai. Jayave yandeYa iyarasɨta pekotɨ, jare ɨmambae pekañɨteita kuae ɨvɨ kavi jae omee peve vae güi.”

2 Pedro 3:9

YandeYa oipotaíä ko ndeiño ombopo iñee, echa yandeYa ipɨaguasu ko yandeve, mbaetɨ ramo oipota metei ave okañɨtei, jae oipota opaete oyerova ikotɨ vae.

JUECES 6:10

Jare jae ko peve reta, che ko jae peYa Tumpa, agüɨye pekɨɨye amorreo reta itumpa reta güi iɨvɨ pe añave peï vae; ërei pe reta mbaetɨ peyapo che jaegüe.’ ”

JUECES 6:8

YandeYa ombou metei ñeemombeúa Israel iñemuña reta pe, jare jei chupe reta: “Körai jei yandeYa Israel iñemuña reta iTumpa: ‘Che ko pogüɨnoe ɨvɨ Egipto güi yeokuaiasɨ katu güi,

1 SAMUEL 9:9

(Arakae ete kia ojo oparandu Tumpa pe yave jei körai: “Peyu yaja mbae re oecha voi vae pɨri.” Echa añave oyembojee ñeemombeúa vae, jayave rupi jee yepi mbae re oecha voi vae.)