2 REYES 17:10 - Biblia Guarani Tumpa Iñee

¹⁰ omopüa reta mbae iä jare Asera iä opaete ɨvɨtɨ ɨvate vae ñavo re, opaete ɨvɨra iküaraɨa kavi yae vae igüɨ ñavo rupi,

2 REYES 17:10 ပူးပေါင်းရင်းမြစ်များ

1 REYES 14:23

echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

2 REYES 16:4

Jaeramiño vi omee mɨmba oyeyukagüe jare oapɨ ikäti kavi vae incienso mbaemboete renda ɨvɨtɨ rupigua reta jare opaete ɨvɨra iküaraɨa kavi yae vae igüɨ rupi.

2 REYES 17:11

opaete mbaemboete renda ɨvɨtɨ rupigua rupi oapɨ reta ikäti kavi vae incienso, jae reta jenonde güi yandeYa opa tëi güɨnoe omombo tëtaguasu reta vae jeko rami; ikavimbae yae oyapo reta vae rupi omboarasɨuka reta yandeYa.

ÉXODO 34:12

Agüɨye peyapo ñemoïru jókuae ɨvɨ peiketa pɨpe vae pe yogüɨreko vae reta ndive, agüɨye vaerä pemomoe jae reta jeko.

ÉXODO 34:13

Jɨmba oyuka oapɨ jese vae reta opa pemboai chugüi, opa peyoka mbae iä reta jare Asera iä reta.

ISAÍAS 2:8

¡Ërei tɨnɨe vi oï tumpa-raanga reta pe! Oyetavatɨka reta omboete jembiapo, ipo pe oyapogüe.

ISAÍAS 57:5

Peyogüɨroke ɨvɨra iküaraɨa kavi vae igüɨ rupi, jare peyuka michia reta pemee petumpa-raanga reta pe ɨvɨtɨ päu ipe kavía rupi, ɨ̈vavira igüɨ rupi.

JEREMÍAS 3:6

Josías mburuvicha guasurä oiko yave, yandeYa jei cheve: “¿Reecha pa ipɨapochɨ vae Israel oyapogüe? Jae ojo jare oñemee oyapo vaerä aguasa, opaete ɨvɨtɨ reta rupi jare ɨvɨra iküaraɨa kavi vae igüɨ rupi.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

LEVÍTICO 26:1

Agüɨye peyapo tumpa-raanga reta pemboete vaerä, agüɨye pemopüa peyeupe mbae iägüe pemboete vaerä, peɨvɨ pe ave agüɨye pemopöra peñopa ita peyetavatɨka jóvai vaerä, echa che ko peYa Tumpa.

MIQUEAS 5:14

Amboaita Asera iä reta pepɨte güi, jare opata vi amboai perëta guasu reta.

DEUTERONOMIO 16:21

Agüɨye peñotɨ ɨvɨra tumpa-raanga Asera pemboete vaerä, agüɨye vi peñono yandeYa Tumpa pegua mɨmba oyeyuka oyeapɨ jese vae iyɨpɨ pe.

DEUTERONOMIO 16:22

Agüɨye vi pemopüa peyeupe mbae iä, jókuae nunga yandeYa Tumpa omotareɨ ko.