2 REYES 16:4 - Biblia Guarani Tumpa Iñee

⁴ Jaeramiño vi omee mɨmba oyeyukagüe jare oapɨ ikäti kavi vae incienso mbaemboete renda ɨvɨtɨ rupigua reta jare opaete ɨvɨra iküaraɨa kavi yae vae igüɨ rupi.

2 REYES 16:4 ပူးပေါင်းရင်းမြစ်များ

1 REYES 14:23

echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

2 REYES 12:4

Metei ara Joás jei sacerdote reta pe: —Opaete korepoti mbotarä oyereru yandeYa jo pe vae, jare metei ñavo kuimbae ombaemboepɨ vaerä güeru vae, jare opaete korepoti reta metei ñavo ipɨakatu rupi güeru yandeYa jo peguarä vae,

2 REYES 14:4

Ërei ngatu jeseve mbaetɨ omboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

ISAÍAS 65:4

tɨvɨa rupi oguapɨ reta, iköe reta yaikuaambaea rupi; kuchi isoo jou reta, mbaetɨta tëi oyeu vae omotɨnɨe omboyɨ reta iyapepo pe.

ISAÍAS 66:17

YandeYa jei: “Ko raɨ rupi, oyoaɨkue yoaɨkue oñeñono tee jare oyetɨo, omboete vaerä itumpa-raanga reta vae; kuchi jare anguya isoo jou vae reta, jare ïru soo oyeumbae vae jou vae reta, opata amokañɨtei ete voi.” Jei yandeYa.

JEREMÍAS 17:2

Neñemuña reta imaendúa mɨmba oyeyuka oyeapɨ jese vae reta re, jare netumpa-raanga Asera iä reta ɨvɨra iküaraɨa kavi vae reta igüɨ rupi ñogüɨnoi vae re, jare ɨvɨtɨ reta ɨvate vae re,

EZEQUIEL 43:7

jare jei cheve: “Nde kuimbae, kuae ko jae cheguapɨka mborookuaía pegua jenda, chepɨ amombutuúa; kuae pe aikota Israel iñemuña reta ipɨte pe jekuae avei rupi. Ngaraa ye ma Israel iñemuña reta omongɨa cheree ikɨambae, jae reta jare juvicha guasu reta teko pɨ̈chɨi oyapo reta vae rupi, juvicha guasu reta omano yave ave ngaraa ma omopüa reta iägüe.

EZEQUIEL 6:13

Jökorai chekuaata, che jae ko peYa, peecha yave tëogüe reta petumpa-raanga reta ipɨte rupi, mɨmba peyuka peapɨ pemee jese vae iyɨ́vɨri rupi, ɨvɨtɨ raɨ reta ikúa rupi, ɨvɨtɨ reta iyapɨte rupi, ɨvɨra reta iküaraɨa kavía rupi, ɨvɨra encina jee vae igüɨ rupi, ikäti kavi vae incienso peapɨ opaete petumpa-raanga reta pe vaea rupi.

DEUTERONOMIO 12:2

Pemboai opaete mbaemboete renda tëtaguasu reta pepɨ̈rota vae itumpa-raanga reta oyeokuai reta chupe vae jenda; ɨvɨtɨ ɨvate vae re ñogüɨnoi vae, jare jɨsɨ re ñogüɨnoi vae, jare opaete ɨvɨra iküaraɨa kavi yae vae igüɨ rupigua.