2 REYES 16:3 - Biblia Guarani Tumpa Iñee

³ Omomoe mburuvicha guasu reta Israel pegua jeko, echa taɨ oapɨuka tumpa-raanga pe, tëtaguasu reta, yandeYa güɨnoe omombo Israel iñemuña reta jenonde güi vae jeko pɨ̈chɨi yae rami.

2 REYES 16:3 ပူးပေါင်းရင်းမြစ်များ

1 REYES 14:24

Oime vi kuimbae reta japicha ndive oasa vae rupi ombaemboete vae, ikavimbae oyapo ïru tëta reta rami, jókuae tëtaguasu reta yandeYa opa güɨnoe omombo Israel iñemuña reta jenonde güi vae jeko rami.

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 17:17

Oapɨ reta vi taɨ reta jare tayɨ reta tumpa-raanga pe, jare güɨrovia katu reta mbaekuaa rupi maratuta vae re omombeu vae, jare moroäɨvo reta re, oyapo reta ikavimbae yandeYa jesa róvai vae rupi omboarasɨuka.

2 REYES 17:19

Ërei Judá pegua reta mbaetɨ vi oyapo yandeYa Tumpa iporookuai, echa ko oyapo reta vi Israel pegua reta oyapo mborookuai reta iyeupe vae rupi.

2 REYES 17:8

yogüɨreko, jae reta jenonde güi yandeYa opa omoë omombo tëtaguasu reta vae jeko rupi, jare Israel pegua mburuvicha guasu reta oyapo vae rupi.

2 REYES 21:11

“Manasés mburuvicha guasu Judá pegua oyapo kuae teko pɨ̈chɨi jeko pegua, jare oasa ete oyapo ikavimbae opaete amorreo reta oyapo vae güi, ndei jae oiko mbove yogüɨreko vae reta güi, jare oyapouka vi mbaeyoa Judá pe, itumpa-raanga reta rupi.

2 REYES 21:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami.

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

2 REYES 21:9

Ërei jae reta mbaetɨ oendu. Manasés oasa ete oyapouka ikavimbae chupe reta tëtaguasu pegua reta jeko kavimbae, yandeYa opa omokañɨtei Israel iñemuña reta güi vae güi.

2 REYES 23:10

Josías güɨröɨro güi omboai vi mbaemboete renda reta Tofet pegua, ɨvɨtɨ päu Hinom pe oï vae pegua, agüɨye vaerä ma metei ave oapɨ taɨ ani tayɨ, Moloc pe.

2 REYES 8:18

Omomoe mburuvicha guasu Israel pegua reta jeko, jare Acab iñemuña reta jeko, echa jembireko jae ko Acab iñemuña pegua, jökorai oyapogüe reta mbaetɨ jaekavi yandeYa jesa jóvai.

2 CRÓNICAS 22:3

Jaeramiño vi omomoe Acab jare iñemuña reta jeko, echa ichɨ etei omboarakuaa oyapo vaerä ikavimbae vae.

2 CRÓNICAS 33:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami:

2 CRÓNICAS 33:6

Oapɨuka vi taɨ reta ɨvɨtɨ päu Hinom pe; oyemoambeko mbae oikuaa vaerä moroäɨvo rupi, oikuaa vaerä mbaekuaa rupi mbae maratuta vae; jare oparandu maratuta vae imombeúa reta pe jare imbaekuaa vae reta pe. Jökorai jeiete oyapo ikavimbae yandeYa jesa róvai, omboarasɨuka regua.

SALMOS 106:35

Ërei oyea reta tëtaguasu reta ndive, jare omomoe reta jeko reta:

ISAÍAS 57:5

Peyogüɨroke ɨvɨra iküaraɨa kavi vae igüɨ rupi, jare peyuka michia reta pemee petumpa-raanga reta pe ɨvɨtɨ päu ipe kavía rupi, ɨ̈vavira igüɨ rupi.

JEREMÍAS 32:35

Omopüa reta vi mbaemboete renda reta Baal peguarä, ɨvɨtɨ päu ipe kavi vae Ben-hinom pe, imichia reta oapɨ vaerä jese Moloc pe, jökorai oitɨ reta mbaeyoa pe Judá; mbae ikavimbae yae ko, che mbaetɨ ayókuai jese reta vae jare mbaetɨ vi kërai ave yepe ayemongeta jese vae.

EZEQUIEL 16:21

reñaseokɨ̈ti yeti remee cheraɨ reta tumpa-raanga reta pe, mbotarä oyeapɨ vaerä vae re?

EZEQUIEL 16:47

Nde reiko jae reta yogüɨreko rami, reyapo jae reta oyapo vae. Ërei mbaetɨ ndeangapɨɨ, ndereko oasa ete yé ikaviä chugüi reta.

EZEQUIEL 20:26

Amaeño jese reta, oyemongɨa reta vaerä mbota omee reta itumpa-raanga reta pe vae rupi, taɨrɨpɨ reta omee oyeapɨ vaerä yave. Kuae ayapo ambopɨatɨtɨ reta vaerä, jare aikuaauka vaerä chupe reta, che jae ko iYa Tumpa vae.’ ”

EZEQUIEL 20:31

Echa pemee mbota reta chupe, peraɨ reta pemee oyeapɨ vaerä, jökorai peyemongɨa itumpa-raanga reta rupi añave regua. Jökorai reve peyu peparandu mbae re cheve Israel iñemuña reta. Che peYa Tumpa jae cheyé aeño peve, ngaraa aendu peve.

LEVÍTICO 18:21

Agüɨye kia nunga vae tomee taɨ mbota rami tumpa-raanga Moloc jee vae pe, agüɨye pemongɨa peTumpa jee. Echa che ko peYa.

LEVÍTICO 20:2

“Ere Israel iñemuña reta pe: Oipotagüe Israel iñemuña reta ani ketɨgua reta yogüɨreko pepɨte pe vae omee yave imichia tumpa-raanga Moloc jee vae pe, tomano, jókuae tëtaɨgua reta toyapi toyuka ita pe.

MIQUEAS 6:7

¿YandeYa ipɨakatuta pa omae jeta yeyé vecha kuimbae amee vae re, ani jeta yeyé osɨrɨ olivo iasaite amee vae re? ¿Ameeta pa cheraɨrɨpɨ, chegüi oñemuña vae chepɨarai jare cheyoa jeko pegua?

DEUTERONOMIO 12:31

Agüɨye jökorai peyapo yandeYa Tumpa pe, echa opaete mbae ikavimbae yandeYa güɨröɨro vae, jae reta oyapo itumpa reta pe, echa taɨ jare tayɨ reta ave oapɨ tata pe itumpa reta peguarä.

DEUTERONOMIO 18:10

Agüɨye pegüi reta kia nunga vae toapɨ imichia tata pe, agüɨye vi kia toyemboe oikuaa vaerä mbaekuaa rupi maratuta kuri vae re, agüɨye perovia moroäɨvo re, ani oekɨ suerte vae ani imbaekuaa vae re,