2 REYES 16:14 - Biblia Guarani Tumpa Iñee

¹⁴ Jare mɨmba oyeyuka oyeapɨ jese vae jiero iyu vae pegua yandeYa jo jóvai oï vae, Acaz ombosɨrɨ jare oñono ɨvɨtuguasu kotɨ mɨmba oyeyuka oyeapɨ jese vae ipɨau vae iyɨke pe, echa tupao güi jare jae oyapouka ramo vae güi ipäu pei ma opɨta.

2 REYES 16:14 ပူးပေါင်းရင်းမြစ်များ

2 REYES 16:11

Jare Urías omopüa mɨmba oyeyuka oyeapɨ jese vae, mburuvicha guasu Acaz ombou iä chupe Damasco güi rami kavi, jökorai opa oyapo sacerdote Urías, ndei mburuvicha guasu Acaz ou ye Damasco güi mbove.

2 REYES 16:13

Oapɨ jese mɨmba oyeyuka opaetei oyeapɨ vae jare mbota temitɨ jäɨgüe; jare opɨyere jese vino mbota oyepɨyere vae, jare oñapiramo iyɨ́vɨri mɨmba oyeyuka yembopɨakatu pegua vae jugüɨgüe.

2 REYES 16:15

Jare mburuvicha guasu Acaz oyókuai sacerdote Urías, jei: “Kuae mɨmba oyeyuka oyeapɨ jese vae tuicha vae re toyeapɨ mɨmba oyeyukagüe opaetei oyeapɨ vae ndeimbove yave, jare mbota temitɨ jäɨgüe kaaru yave; jare mɨmba oyeyukagüe opaetei oyeapɨ vae jare mbota temitɨ jäɨgüe jare vino mbota oyepɨyere vae chembae, jökorai vi opaete tëta pegua reta re oñemee vae; reñapiramota vi opaete mɨmba oyeyukagüe opaetei oyeapɨ vae jare ïru mɨmba oyeyuka vae jugüɨgüe pe. Ërei mɨmba oyeyuka oyeapɨ jese vae jiero iyu vae pegua toiko chembaeräño, chemiari vaerä Tumpa ndive.”

2 CRÓNICAS 1:5

Jókuae tupao guakapi pegua yandeYa imbae jóvai oï mɨmba oyeyuka oyeapɨ jese vae jiero iyu vae pegua Bezaleel, Uri taɨ, Hur jɨmɨmino oyapogüe. Joko pe Salomón jeta vae reta ndive yogüɨraja oparandu Tumpa pe.

2 CRÓNICAS 29:19

Jaeramiño vi royapo kavi jare roñono tee Tumpa peguarä opaete tembiporu reta, Acaz mburuvicha guasurä oiko yave, mbaetɨ iporogüɨrovia kavi jeko pegua opa omboai vae, añave oime oï yandeYa pe mɨmba oyeyuka oyeapɨ jese vae jóvai.”

2 CRÓNICAS 4:1

Salomón oyapo vi mɨmba oyeyuka oyeapɨ jese vae jiero iyu vae pegua, chau metro güɨnoi ipukugüe jare ipɨgüe, jare ɨvategüe güɨnoi irundɨ metro y medio.

ÉXODO 27:1

Toyapo reta vi mɨmba oyeyuka oyeapɨ jese vae ɨvɨra käti pegua, ipɨgüe togüɨnoi mókoi metro veinticinco centímetro päve irundɨ reve iyɨke, jare ɨvategüe togüɨnoi metei metro veinticinco centímetro.

ÉXODO 27:2

Jare irundɨ iekina ñavo re, toyapo reta chupe guakarätiecha vae, metei güiño toyeapo mɨmba oyeyuka oyeapɨ jese vae ndive jókuae guakarätiecha vae reta, jókuae mɨmba oyeyuka oyeapɨ jese vae toñova reta jiero iyu vae pe.

ÉXODO 40:29

jare oñono mɨmba oyeyukagüe opaetei oyeapɨ jese vae, tupao guakapi pegua jöke re katu, jare omee jese mɨmba oyeyukagüe opaetei oyeapɨ vae jare mbota temitɨ iagüe, yandeYa oyókuai Moisés vae rami.

ÉXODO 40:6

Jaɨkue rupi eñono mɨmba oyeyukagüe opaetei oyeapɨ jese vae, tupao guakapi pegua jöke re katu.

EZEQUIEL 43:8

Omopüa reta jo kavi reta yave, omopüa reta chero iyɨpɨ pe etei, jaeño ete metei ovapetea oï mbɨte pe oreve oremboyao vaerä. Jae reta omongɨa cheree ikɨambae, pɨ̈chɨi vae oyapo reta vae rupi; jáeramo opa amokañɨtei reta chearasɨ yae rupi.

San Mateo 23:35

Jare pe reta penoita teko opaete jekombae reta imano re, jupi vae Abel oyeyukauka güive Berequías taɨ Zacarías oyeyukauka vae pe. Echa peyuka Zacarías mɨmba oyeyukagüe oyeapɨ jese vae jare tupao ipäu pe.