2 REYES 15:5 - Biblia Guarani Tumpa Iñee

⁵ Ërei yandeYa oiporarauka mburuvicha guasu pe mbaerasɨ pire ókui vae rupi ojo omano regua, jökorai mburuvicha guasu oiko tee ïru o pe; Jotam, opɨta oyangareko vaerä tu iporookuaía re, oï mburuvicharä opaete vae re.

2 REYES 15:5 ပူးပေါင်းရင်းမြစ်များ

2 SAMUEL 3:29

¡Joab jare tu iñemuña reta re toa teko; toime avei jo pe oiporara tugüɨ vae, ani pire mbaerasɨ ókui vae ani itɨmaka oikomegua vae, ani oyeyukauka vae ani oata tembíu re vae!”

2 SAMUEL 8:15

Jare David oiko mburuvicha guasurä opaete Israel re; jupi rupi jare isɨmbi rupi oyapo mbaembae opaete vae pe.

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

1 REYES 3:9

Emee che nderembiokuai pe chepɨarakuaa katu yae vaerä, aikatu vaerä ajäa ndembae vae reta, jare aikuaa vaerä ikavi vae ikavimbae güi; echa, ¿kia pa ipuereta oporookuai kuae tëta tuicha yae vae re?”

2 REYES 15:32

Peka, mokoía año ma oiko mburuvicha guasurä Israel pe yave, Jotam, Uzías taɨ omboɨpɨ oï mburuvicha guasurä Judá pe.

2 REYES 15:6

Ïru mbaembae Azarías regua, opaete oyapogüe, oyekuatía oï tembikuatía pe, Judá pegua mburuvicha guasu reta regua oyekuatía oïa pe.

2 REYES 5:27

Kuae jeko pegua Naamán ipire mbaerasɨ ókui vae ovata nderé jare neñemuña reta re jekuae avei pegua. Jare Giezi osɨrɨ Eliseo güi yave ipire ókui imbaerasɨ, morotï oyekuaa iroɨ rami.

2 REYES 7:3

Jókuae tëta guasu jöke pe ñogüɨnoi irundɨ kuimbae ipire mbaerasɨ ókui vae, kuae reta jei oyoupe: —¿Maera pa kuae pe yaguapɨ ñaäro ñaï mano?

1 CRÓNICAS 3:12

Joás taɨ jae Amasías, Amasías taɨ jae Azarías, Azarías taɨ jae Jotam,

1 CRÓNICAS 5:17

Opaete kuae reta oñemoapɨta tëtara pegua tembikuatía pe, Jotam mburuvicha guasu Judá pegua iara pe jare Jeroboam mburuvicha guasu Israel pegua iara pe.

JOB 34:19

Jae mbaetɨ oñeñono mburuvicha reta ndive, mbaetɨ vi omborɨ oikokatu vae reta paravete vae reta güi, echa jae jembiapo ko opareve.

SALMOS 72:1

CheRu Tumpa, emee mburuvicha guasu pe neporojäa jupi vae jare sɨmbi vae,

OSEAS 1:1

YandeYa jei Oseas, Beeri taɨ pe. Oiko yave mburuvicha guasurä Judá pe Uzías, jare jei vi mburuvicha guasu Jotam iara pe jare Acaz iara pe jare Ezequías iara pe. Jare Jeroboam, Joás taɨ oiko mburuvicha guasurä Israel pe yave.

LEVÍTICO 13:46

Opaete ara ipere oiko ramboeve topɨta ikavimbae, toiko jaeño teyupa güi ikatu pe.

MIQUEAS 1:1

YandeYa jei Miqueas, Moreset pegua pe, oechauka chupe Samaria jare Jerusalén regua; Judá pe oiko yave mburuvicharä: Jotam iara pe, Acaz iara pe jare Ezequías iara pe.

NÚMEROS 12:10

Jare amapɨtu osɨrɨ tupao guakapi pegua iárambo güi ñoete iroɨ morotï vae rami oë María re pire mbaerasɨ ókui vae; jare Aarón omae María re yave oecha jese pire mbaerasɨ ókui vae.

NÚMEROS 12:14

Jare yandeYa jei Moisés pe: “Tu ondɨvɨ jova re yave, ¿mbaetɨta pa chiu ara imara opɨta? Toñerenoe María teyupa güi ikatu pe chiu ara pegua, jare jaɨkue rupi toyereru ye.”

DEUTERONOMIO 24:8

Oime yave pire mbaerasɨ ókui vae, peyapo opaete sacerdote Leví iñemuña reta jeigüe. Toyeapo che amee mborookuai chupe reta rami.