2 REYES 15:29 - Biblia Guarani Tumpa Iñee

²⁹ Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 15:29 ပူးပေါင်းရင်းမြစ်များ

1 REYES 14:15

YandeYa omokanata Israel ɨ omokana täkuarasɨ reta rami. Güɨnoeta kuae ɨvɨ kavi oñemee iñemuñagüe reta pe vae güi, jare omombota ɨ̈aka Éufrates kutɨ, oyapo reta ramo iyeupe Asera iä reta, pɨpe omboarasɨ yandeYa.

1 REYES 15:20

Ben-adad omokɨ̈reɨ, jókuae mburuvicha guasu Asa jei chupe vae, jayave omondo isundaro itenondegua reta oporepeña Israel pegua tëta guasu reta re. Jökorai opɨ̈ro Ijón, Dan, Abel-bet-maaca, jare opaete Cineret, jare opaete ɨvɨ Neftalí.

1 REYES 9:11

opaete kuae reta reguarä omee Hiram mburuvicha guasu Tiro pegua, ɨ̈vɨrare jare pino, jare opaete oro jae oipota rami. Mburuvicha guasu Salomón omee vi Hiram pe veinte tëta guasu ɨvɨ Galilea pe.

2 REYES 15:19

jae oiko mburuvicha guasurä yave, ou Pul, mburuvicha guasu Asiria pegua oporepeña jókuae ɨvɨ re, jare Manahem omee treinta y tres mil kilo korepoti, omborɨ vaerä oñemomɨ̈rata mburuvicha guasurä,

2 REYES 15:20

omboepɨ vaerä jókuae oñererökuavee mburuvicha guasu Siria pegua pe vae, Manahem omee mborookuai ombaemboepɨ vaerä oikokatu vae reta medio kilo oasa rupi korepoti. Jökorai mburuvicha guasu Asiria pegua ojo ye iɨvɨ kotɨ jare mbaetɨ ye opɨta jókuae ɨvɨ pe.

2 REYES 15:28

Oyapo ikavimbae yandeYa jesa róvai, mbaetɨ oyembosɨrɨ Jeroboam, Nabat taɨ iyoa reta güi, Israel iñemuña reta pe mbaeyoa oyapouka vae güi.

2 REYES 15:30

Jayave Oseas, Ela taɨ oñemopüa Peka, Remalías taɨ kotɨ jare oyuka, jare jae oguapɨ jekovia pe mburuvicha guasurä, Jotam, Uzías taɨ veinte año ma oiko mburuvicha guasurä yave.

2 REYES 16:10

Jaɨkue rupi mburuvicha guasu Acaz ojo oövaiti vaerä Damasco pe Tiglat-pileser mburuvicha guasu Asiria pegua. Acaz oecha yave mɨmba oyeyuka oyeapɨ jese vae Damasco pegua, omondo sacerdote Urías pe jókuae iä, kërai etei ko oyeapo vae.

2 REYES 16:7

Jayave Acaz omondo jekovia pe kuimbae reta imiari vaerä Tiglat-pileser mburuvicha guasu Asiria pegua ndive, jei chupe körai: “Che ko metei nderembiokuai, metei nderaɨ rami ko, kuae jeko pegua eyu chereepɨ mburuvicha guasu Siria pegua güi, jare Israel pegua reta cheïraro ñogüɨnoi vae güi.”

2 REYES 17:20

YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 REYES 18:11

Mburuvicha guasu Asiria pegua güɨraja tembipɨɨrä Israel iñemuña reta Asiria pe; opa güɨraja oñono reta tëta Halah pe, ɨvɨ Habor pe, ɨ̈aka Gozán jembeɨ pe, jare tëta guasu reta ɨvɨ Media pegua rupi;

2 REYES 19:11

Nde reikuaa mburuvicha guasu reta Asiria pegua oyapo vae, opaete tëtaguasu reta omboai vae reta ndive vae. Jare ¿nde reyereroasayepeta ra?

2 REYES 8:11

Jare Tumpa iñeemombeúa omae ngatu Hazael re, omomarai regua; javoi Tumpa iñeemombeúa oyaeo,

1 CRÓNICAS 5:22

Jeta yae omano tovaicho, echa Tumpa etei ko oñeraro. Jare oñemoëta reta joko pe, tembipɨɨrä opa oyererajauka regua.

1 CRÓNICAS 5:26

Jókuae jeko pegua, Israel iTumpa ombopɨa-kɨ̈reɨ Pul, mburuvicha guasu Asiria pegua, jae ko Tiglat-pileser, jae opa güɨnoe Rubén iñemuña reta jare Gad iñemuña reta jare Manasés iñemuña reta oyemboyaogüe iɨvɨ güi; jare opa güɨraja reta Halah pe, Habor, Hara jare ɨ̈aka Gozán pe, añave yogüɨrekoa pe.

2 CRÓNICAS 16:4

Jare Ben-adad ikɨ̈reɨ omborɨ mburuvicha guasu Asa, jare omondo isundaro ruvicha reta oporepeña vaerä tëta guasu reta ɨvɨ Israel pegua re. Jökorai opɨ̈ro reta Ijón, Dan, Abel-maim jare opaete tëta guasu reta tembíu oñeñovatúa Neftalí pegua.

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

ISAÍAS 1:7

Peɨvɨ reta opa opɨta ipombae, perëta guasu reta opa oyeapɨ, ketɨgua reta perovakei opa jou peremitɨ, tovaicho reta opa omboai oeya rami oï perëta.

ISAÍAS 37:18

Añete cheYa Tumpa, mburuvicha guasu reta Asiria pegua opaetei omboai tëtaguasu jare iɨvɨ ñavo,

ISAÍAS 7:16

Echa michia raɨ ndei oikuaa güɨröɨro ikavimbae vae jare oiparavo ikavi vae mbove, mókoi mburuvicha guasu reta rekɨɨye chugüi vae reta iɨvɨ oyeeyata ipombae.

ISAÍAS 7:20

Jókuae ara rupi yandeYa oiporuta mburuvicha guasu Asiria pegua, metei kɨse raɨ jaimbe yae vae rami, matɨ ɨ̈aka Éufrates jovaicho kotɨ güi; pɨpe oñapita Israel iñemuña reta ia, itɨmaka-raa jare jendɨvaa.

EZEQUIEL 23:9

Jáeramo amee iyaguasa Asiriaɨgua reta ipo pe, jókuae jae iporopota jese vae pe.

LEVÍTICO 26:32

Amokañɨteita opaete mbae peɨvɨ pe, perovaicho reta yogüɨrekota peɨvɨ pe vae ipɨakañɨta opɨta.

AMÓS 1:13

YandeYa jei körai: “Amón iñemuña reta iyoa yae jeko pegua, mbaetɨta cheɨ̈ro chupe reta; echa oipota reta iɨvɨ ombotuicha jeko pegua, opa oipeka kuña Galaad pegua ipurúa vae reta jɨe.

AMÓS 1:3

YandeYa jei körai: “Damascoɨgua reta jeta yae iyoa jeko pegua, mbaetɨta cheɨ̈ro chupe reta; echa tëta Galaad ipo opa oyuka reta tembiporu jiero pegua pe.

AMÓS 5:27

Jáeramo, mombɨrɨ pogüɨrajaukata, Damasco güi kutɨ ye.” Jei yandeYa, jae ko jee Tumpa Imbaepuere yae ete vae.

AMÓS 6:14

Mase, Israel iñemuña reta, yandeYa Tumpa Imbaepuere yae ete vae jei: “Amopüata pekotɨ metei tëtaguasu oiporarauka peve vaerä, Hamat pe yaikea güive ɨvɨ Arabá kotɨ.”

NÚMEROS 32:1

Rubén jare Gad iñemuña reta güɨnoi jeta yae mɨmba; oecha reta ɨvɨ Jazer jare Galaad, ikavi yae chupe reta mɨmba peguarä.

NÚMEROS 32:40

Jare Moisés omee Maquir, Manasés taɨ iñemuña reta pe ɨvɨ Galaad, jare yogüɨreko pɨpe.

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.

DEUTERONOMIO 3:15

Jare ɨvɨ Galaad amee Maquir pe.

JOSUÉ 11:1

Jabín, mburuvicha guasu Hazor pegua oikuaa yave opaete kuae oasagüe re, omondo ñee Jobab, mburuvicha guasu Madón pegua pe, mburuvicha guasu Simrón pegua pe jare mburuvicha guasu Acsaf pegua pe,

JOSUÉ 11:10

Josué oyerova ye yave, opɨ̈ro tëta guasu Hazor jare oyuka kɨsepuku pe joko pegua mburuvicha guasu; kuae tëta guasu Hazor jae ko tenondegua opaete jae ndive oñemoïru vae reta pe.

JOSUÉ 11:13

Ërei opaete tëta guasu reta ɨvɨtɨ re ñogüɨnoi vae, Israel iñemuña reta mbaetɨ oapɨ; jaeño tëta guasu Hazor opa oapɨ Josué.

JOSUÉ 12:19

Madón pegua, Hazor pegua,

JOSUÉ 16:6

Joko güi oasa ɨguasu kotɨ, jare Micmetat kotɨ ɨvɨtuguasu kotɨ, jare oasa kuaraɨ oëa kotɨ Taanat-silo kotɨ jare jókuae güi oasa Janoa kotɨ.

JOSUÉ 19:35

Jare tëta guasu reta oñekëse kavi vae jae: Sidim, Zer, Hamat, Racat, Cineret,

JOSUÉ 19:37

Cedes, Edrei, En-hazor,

JOSUÉ 20:7

Jayave oiparavo reta tëta guasu Cedes, Galilea pe, Neftalí iñemuña reta iɨvɨtɨ guasu re, tëta guasu Siquem, Efraín iñemuña reta iɨvɨtɨ guasu re jare tëta guasu Quiriat-arba (jae ko Hebrón) Judá iñemuña reta iɨvɨtɨ re.

JUECES 18:30

Joko pe Dan iñemuña reta oñono tumpa-raanga reta oñemopöra oyeapo vae omboete reta vaerä, jare isacerdote jae ko Jonatán, Gersón taɨ, Moisés jɨmɨmino. Jaɨkue rupi Jonatán iñemuña reta yogüɨreko Dan iñemuña reta isacerdoterä, oyererajauka reta regua tembipɨɨrä.

JUECES 4:2

jare yandeYa omee reta Jabín mburuvicha guasu Canaán pegua ipo pe, oporookuai tëta Hazor pe vae. Isundaro reta juvicha ko jae Sísara, jae oiko Haroset-goim pe.