2 REYES 15:12 - Biblia Guarani Tumpa Iñee

¹² Körai oyeapo yandeYa jei Jehú pe vae, jei yave chupe: “Nderaɨ reta yogüɨrekota mburuvicha guasurä Israel pe irundɨ ñemuña regua.”

2 REYES 15:12 ပူးပေါင်းရင်းမြစ်များ

2 REYES 10:10

Peikuaa kavi peï, mbaetɨ eteita yandeYa imiari Acab iñemuña reta kotɨ vae opɨta oyeapombae. YandeYa etei oyapo jembiokuai Elías rupi omombeu vae.

2 REYES 10:30

YandeYa jei Jehú pe: “Reyapo jupi vae cheresa jóvai jeko pegua, reyapo Acab iñemuña reta pe opaete chepɨa rupi ayemongeta rami kavi, nderaɨ reta oguapɨta mburuvicha guasurä Israel pe irundɨ ñemuña reta regua.”

2 REYES 13:1

Joás, Ocozías taɨ veintitré año ma oiko mburuvicha guasurä Judá pe yave, Joacaz, Jehú taɨ omboɨpɨ oï mburuvicha guasurä ɨvɨ Israel re; oiko mburuvicha guasurä diecisiete año Samaria pe.

2 REYES 13:10

Joás, Ocozías taɨ treinta y siete año ma oiko mburuvicha guasurä Judá pe yave, Joás, Joacaz taɨ omboɨpɨ oï mburuvicha guasurä ɨvɨ Israel re, jare oiko mburuvicha guasurä Samaria pe diecisei año.

2 REYES 13:13

Joás omano yave oñotɨ reta Samaria pe, Israel pegua mburuvicha guasu reta oñeotɨa pe. Jeroboam oguapɨ jekovia pe mburuvicha guasurä.

2 REYES 14:29

Jeroboam omano yave, oñotɨ reta iñemuñagüe mburuvicha guasu reta Israel pegua oñeotɨa pe; jare taɨ Zacarías oguapɨ jekovia pe mburuvicha guasurä.

2 REYES 15:11

Ïru mbaembae Zacarías regua oyekuatía oï tembikuatía pe, Israel pegua mburuvicha guasu reta regua oyekuatía oïa pe.

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Marcos 13:31

Ara jare ɨvɨ opata ko, ërei cheñee reta ngaraa opa.

San Juan 10:35

Echa Tumpa iñee ou chupe reta vae pe, jae etei ombojee tumpa reta vae. Jare Tumpa Iñee pe oyekuatía oï vae añete ko.

San Juan 19:24

Jayave sundaro reta jei oyoupe: —Agüɨye yamondoro, yayembosuerte jese, yaikuaa vaerä kia ra güɨrajata vae. Körai oyeapo Tumpa Iñee pe oyekuatía oï vae oyembopo vaerä. Echa oyekuatía oï körai: “Omboyao reta oyoupe cheremimonde; jare cheremimonde re oyombosuerte reta.” Jökorai oyapo sundaro reta.

Hechos 1:16

“Cherɨvɨ reta, jupi ko oyembopo vaerä Espíritu Santo jei David rupi Tumpa Iñee pe Judas re vae. Kërai Judas güɨraja kuimbae reta Jesús oïa pe oipɨɨuka vaerä.

1 SAMUEL 3:19

Jare Samuel okuakuaa, jare yandeYa oï jae ndive, mbaetɨ iñee oasaiño ombopombae reve.