2 REYES 13:6 - Biblia Guarani Tumpa Iñee

⁶ Ërei ngatu mbaetɨ oyembosɨrɨ reta Jeroboam iñemuña reta mbaeyoa oyapogüe güi, Israel pe oyapouka mbaeyoa vae, echa jókuae omomoe reta; Asera iä oimeño Samaria pe.

2 REYES 13:6 ပူးပေါင်းရင်းမြစ်များ

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

1 REYES 15:3

Jare oyapo opaete mbaeyoa reta tu tenonde yave oyapo vae; jare mbaetɨ ipɨa jupi iYa Tumpa kotɨ, iñemuñagüe David ipɨa rami.

1 REYES 16:26

echa omomoe opaete Jeroboam, Nabat taɨ jeko, Israel iñemuña reta pe oyapouka mbaeyoa vae rupi, jökorai itumpa-raanga pota rupi omboarasɨuka reta yandeYa Israel iTumpa.

1 REYES 16:33

Oyapo vi Asera iä, jökorai oasa ete oyapo Acab opaete ïru mburuvicha guasu reta Israel pegua güi, tenonde yogüɨreko chugüi vae reta güi, jökorai omboarasɨuka yandeYa Israel iTumpa.

2 REYES 10:29

Ërei ngatu Jehú mbaetɨ oyembosɨrɨ amogüe Jeroboam Nabat taɨ iyoa reta güi, Israel iñemuña reta pe oyapouka mbaeyoa vae güi, echa jekuaeñoi omboete toro taɨrusu vae iägüe oro pegua, Bet-el pe jare Dan pe oï reta vae.

2 REYES 13:11

Jare oyapo ikavimbae yandeYa jesa róvai; mbaetɨ oyembosɨrɨ opaete Jeroboam, Nabat taɨ iyoa reta güi, Israel iñemuña reta pe oyapouka mbaeyoa vae güi, echa jókuae mbaeyoa omomoe.

2 REYES 13:2

Ërei oyapo ikavimbae yandeYa jesa róvai, echa omomoe Jeroboam, Nabat taɨ iyoa reta, Israel iñemuña reta pe oyapouka mbaeyoa vae güi, mbaetɨ oyembosɨrɨ jókuae mbaeyoa güi.

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 18:4

Omboai opaete mbaemboete renda ɨvɨtɨ rupigua reta, oyoka mbae iä reta, oyasɨa Asera iä reta, opa omboai mboi iä jiero iyu vae pegua Moisés oyapo vae, echa jókuae ara rupi Israel iñemuña reta oapɨ ma chupe ikäti kavi vae incienso, jare ombojee reta Nehustán.

2 REYES 21:3

Echa omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae reta Baal pe jare oyapo metei Asera iä, Acab, mburuvicha guasu Israel pegua oyapo rami, jare omboete opaete ara ipo reta,

2 REYES 23:4

Jayave mburuvicha guasu oyókuai sacerdote tenondegua Hilcías, jare taɨkuegua sacerdote reta jare öke iyangarekoa reta, güɨnoe vaerä yandeYa jo güi opaete mbaembae oyeapo tumpa-raanga Baal jare Asera, jare opaete ara ipo reta peguarä vae; jare oapɨ reta Jerusalén güi ikatu pe, Cedrón jee vae pe, javoi itanimbugüe güɨrajauka reta Bet-el pe.

ISAÍAS 26:10

Yepe tëi renoi mboroparareko jupimbae reta re, ërei jae reta ngaraai omomoe jupi vae, jekuae ñotai ko oyapo reta ikavimbae, isɨmbi vae reta ñogüɨnoia pe, echa mbaetɨ oipoɨu reta ndegüi cheYa.

DEUTERONOMIO 7:5

Peyapota chupe reta vae jae kuae: Mɨmba oyeyuka oyeapɨ jese vae jae reta imbae pemboai, jare peyoka mbae iä oyapogüe, jare Asera iä peyasɨa, jare peapɨ tata pe opaete mbae iä oyapogüe reta.