2 REYES 13:4 - Biblia Guarani Tumpa Iñee

⁴ Jayave Joacaz oyerure yandeYa pe, jare yandeYa oendu chupe iyerure, echa omae Israel iñemuña reta ipɨatɨtɨ yae vae re, oecha kërai mburuvicha guasu Siria pegua oiporarauka yae Israel iñemuña pe reta vae.

2 REYES 13:4 ပူးပေါင်းရင်းမြစ်များ

GÉNESIS 21:17

Jare Tumpa oendu kunumi raɨ jäse vae; jare Tumpa iAraɨgua oenɨi ara güi Agar, jare jei chupe: “¿Maratu pa reiko Agar? Agüɨye ekɨɨye, echa Tumpa oendu kunumi raɨ jäse vae jókuae oïa güi.

GÉNESIS 31:42

Abraham iTumpa jare cheru Isaac oipoɨu chugüi vae mbaetɨ ko oiko che ndive yave, chepogüɨraita tëi ko chembou; ërei ngatu Tumpa oecha aiporaragüe jare cheparavɨkɨ ramo pɨare oñeengata ndeve.

2 REYES 13:22

Hazael, mburuvicha guasu Siria pegua, oiporarauka Israel pegua reta pe, opaete ara Joacaz oiko ramboeve mburuvicha guasurä.

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

2 REYES 14:26

Echa yandeYa oecha Israel iñemuña reta oiporara yae ete vae; mbaetɨ etei kia ave ojoyepe, mbaetɨ kia omborɨ reta vaerä.

2 CRÓNICAS 33:19

Iyerure kërai oyemboyevɨ chupe vae, opaete iyoa regua, imbaeyavɨ regua jare mbaemboete renda ɨvɨtɨ rupigua reta omopüa vae, jare Asera iä reta oyapo vae jare tumpa-raanga reta, ndei oñemomichi Tumpa jóvai mbove vae regua, oime oyekuatía oï mbae re oecha voi vae reta jembikuatía pe.

ESDRAS 8:23

Royekuaku tembíu güi, jare royerure oreTumpa pe jókuae re, jare jae oendu oreve.

JOB 22:27

Reyerure yave jae oenduta ndeve, jare nde remeeta reñererökuavee vae.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 78:34

Tumpa ombou chupe reta mano yave, jayave oyerova reta ikotɨ jare oeka reta ikueraimbae.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ÉXODO 3:9

Israel iñemuña reta iyerure ou aendu, jare aecha vi Egiptoɨgua reta oiporarauka chupe vae.

ISAÍAS 26:16

CheYa, reiporarauka oreve yave, roeka, orenupa yave, royerure.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

JEREMÍAS 2:27

echa metei ɨvɨra pe ave jei reta: ‘Nde ko cheru’, jare metei ita pe: ‘Nde ko chesɨ.’ Javoi cheve ikupe omee reta, mbaetɨ jova. Ërei ngatu, mbaesusere ou chupe reta yave, jei reta cheve: ‘¡Eyu orereepɨ!’

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

NÚMEROS 21:7

Jayave opaete vae yogüeru Moisés oïa pe, jare jei reta chupe: —¡Oreyoa, romoë ramo oreñee yandeYa kotɨ jare nde kotɨ! ¡Eyerure yandeYa pe oekɨ vaerä oregüi kuae mboi reta! Moisés oyerure opaete vae re,

JUECES 10:10

Jayave oyerure reta yandeYa pe omborɨ reta vaerä, jare jei reta: “OreTumpa, oreyoa ndekotɨ, echa rosɨrɨ ndegüi jare rojo romboete jare royeokuai baal reta pe.”