2 REYES 13:25 - Biblia Guarani Tumpa Iñee

²⁵ Jayave Joás, Joacaz taɨ opɨ̈ro ye Ben-adad, Hazael taɨ güi tëta guasu reta ñeraro pe opɨ̈ro tu Joacaz güi vae. Joás omoamɨri mboapɨ ye Ben-adad, jare opɨ̈ro ye tëta guasu reta ɨvɨ Israel pegua.

2 REYES 13:25 ပူးပေါင်းရင်းမြစ်များ

1 REYES 20:29

Chiu ara, Siriaɨgua jare Israel iñemuña reta oyóvai ñogüɨnoi jeyupa rupi, chiúa ara pe oñeraro reta. Jókuae ara Israel iñemuña reta oyuka cien mil sundaro Siriaɨgua ipɨ regua.

2 REYES 10:32

Jókuae ara rupi yandeYa omboɨpɨ omomichi ɨvɨ Israel. Hazael omoamɨri Israel iñemuña reta opaete ɨvɨ jembeɨ rupi:

2 REYES 10:33

Jordán güive kuaraɨ oëa kotɨ, opaete ɨvɨ Galaad, Gad, Rubén jare Manasés iñemuña reta iɨvɨ, Aroer oï ɨ̈aka raɨ Arnón iyɨpɨ pe vae güive, Galaad jare Basán kotɨ oväe regua.

2 REYES 13:24

Hazael, mburuvicha guasu Siria pegua omano yave; taɨ Ben-adad oguapɨ jekovia pe mburuvicha guasurä.

2 REYES 13:3

Jare yandeYa iyarasɨ Israel kotɨ, omee Hazael mburuvicha guasu Siria pegua ipo pe jare Ben-adad, Hazael taɨ ipo pe ɨma año rupi.

2 REYES 13:5

Javoi yandeYa oñono Israel pe metei kuimbae oporoepɨ vae, jökorai Israel iñemuña reta oasayepe Siriaɨgua reta güi; jare yogüɨreko pɨagüive ye jo reta rupi, tenonde rupi rami.

2 REYES 14:25

Jeroboam opɨ̈ro ye ɨvɨ Israel jembeɨ reta, ɨvɨ Hamat pe yaikea güive ojo oväe regua ɨguasu Arabá pegua pe, yandeYa Israel iTumpa jei rami, omoërakua jembiokuai Jonás, Amitai taɨ rupi vae, ñeemombeúa Gat-hefer pegua.