2 REYES 13:23 - Biblia Guarani Tumpa Iñee

²³ Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

2 REYES 13:23 ပူးပေါင်းရင်းမြစ်များ

GÉNESIS 6:3

Jare yandeYa jei: “Mbaetɨta amaeño kuimbae oikove jekuae avei, echa jae ko sooño; jáeramo jaeño oikoveta ciento veinte año.”

1 REYES 8:28

Ërei jeseve, reenduta kuae nderembiokuai iyerure jare iporomoñera chupe; cheYa Tumpa, eendu nderembiokuai isapúkai jare iyerure, añave oyapo oï nderóvai vae;

2 REYES 13:24

Hazael, mburuvicha guasu Siria pegua omano yave; taɨ Ben-adad oguapɨ jekovia pe mburuvicha guasurä.

2 REYES 13:4

Jayave Joacaz oyerure yandeYa pe, jare yandeYa oendu chupe iyerure, echa omae Israel iñemuña reta ipɨatɨtɨ yae vae re, oecha kërai mburuvicha guasu Siria pegua oiporarauka yae Israel iñemuña pe reta vae.

2 REYES 14:26

Echa yandeYa oecha Israel iñemuña reta oiporara yae ete vae; mbaetɨ etei kia ave ojoyepe, mbaetɨ kia omborɨ reta vaerä.

2 REYES 14:27

YandeYa mbaetɨ jei opa vaerä omokañɨtei Israel jee kuae ɨvɨ güi; jáeramo oepɨ reta Jeroboam, Joás taɨ rupi.

2 REYES 17:18

Jáeramo yandeYa iyarasɨ yae ete Israel pegua reta kotɨ, jare opa omombo iyeugüi; jare mbaetɨ etei opɨta vae, jaeño opɨta Judá pegua reta.

2 REYES 17:20

YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 24:20

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Sedequías oñemopüa mburuvicha guasu Babilonia pegua re.

SALMOS 105:8

Jae imaendúa avei iporogüɨrökuavee päve re, jókuae jekuae avei pegua oyapo vae re,

SALMOS 105:9

jókuae morogüɨrökuavee päve oyapo Abraham ndive vae, jókuae jee re aeño oñererökuavee Isaac pe vae re;

SALMOS 106:45

imaendúa morogüɨrökuavee päve oyapo jae reta ndive vae re, jare oipoepɨ iyemongeta, iporoparareko yae jeko pegua.

SALMOS 51:11

Agüɨye chemombo nderóvai güi, jare agüɨye eekɨ chegüi ndeEspíritu ikɨambae.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

ÉXODO 33:19

Jayave yandeYa jei chupe: —Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.

JEREMÍAS 12:15

Ërei anoe güire cheporoparareko yeta jese reta, aroyerova reta yeta iɨvɨ ae ae pe jare jëta jëta ae pe.

LAMENTACIONES 3:32

Yepe tëi oiporarauka, ërei iporoparareko vi; echa iporoparareko tuicha yae ko.

LEVÍTICO 26:42

che chemaenduata morogüɨrökuavee päve ayapo Jacob ndive, Isaac ndive, jare Abraham ndive vae re, jare chemaenduata vi peɨvɨ re.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

2 Tesalonicenses 1:9

Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.