2 REYES 13:17 - Biblia Guarani Tumpa Iñee

¹⁷ jare jei chupe: —Eipea ventana kuaraɨ oëa kotɨgua. Jare mburuvicha guasu oipea, javoi Eliseo jei chupe: —¡Añave emondo! Jare mburuvicha guasu omondo uvɨ. Jayave Eliseo osapúkai: —¡Uvɨ yandeYa oporoepɨ pɨpe vae! ¡Uvɨ oporoepɨ Siria pegua reta güi vae! ¡Nde remoamɨrita Siriaɨgua reta Afec pe, jare opata reyuka reta!

2 REYES 13:17 ပူးပေါင်းရင်းမြစ်များ

2 SAMUEL 5:24

Reendu ɨvɨra reta jäka rupi jɨapu vae yave, eë chupe reta, echa che ajata nderenonde amoamɨri vaerä sundaro filisteo reta.

1 REYES 20:26

Metei año jaɨkue rupi, Ben-adad omae jare oipapa kavi Siriaɨgua reta, jare ou Afec pe oñoraro vaerä Israel iñemuña reta ndive.

1 REYES 20:29

Chiu ara, Siriaɨgua jare Israel iñemuña reta oyóvai ñogüɨnoi jeyupa rupi, chiúa ara pe oñeraro reta. Jókuae ara Israel iñemuña reta oyuka cien mil sundaro Siriaɨgua ipɨ regua.

2 REYES 13:16

Jayave Eliseo jei chupe: —Eyeapo kavi remondo vaerä metei uvɨ. Jare mburuvicha guasu oyapo ramboeve jókuae, Eliseo oñono ipo mburuvicha guasu ipo re,

2 REYES 13:18

Jaɨkue rupi jei ye mburuvicha guasu pe: —Eipɨɨ uvɨ reta. Mburuvicha guasu oipɨɨ ramboeve, Eliseo jei chupe: —Añave eiporu ɨvɨ re. Mburuvicha guasu oiporu ɨvɨ re mboapɨ ye, jare opɨta.

ÉXODO 4:17

Eraja ndeyeupe kuae popoka, pɨpe reyapota mɨakañɨ reta.

ÉXODO 4:2

Jayave yandeYa jei chupe: —¿Mbae pa ko jókuae ndepo pe renoi vae? Moisés jei: —Metei popoka.

1 Corintios 1:18

Echa ñee Cristo ikurusu regua mbokere ko, kañɨtei pe yogüɨrajata vae reta peguarä. Ërei yande yayemboasauka vae reta peguarä ko Tumpa imbaepuere.

JOSUÉ 12:18

Afec pegua, Sarón pegua,

1 SAMUEL 4:1

Jare Samuel imiari opaete Israel iñemuña reta pe. Jókuae ara rupi Israel iñemuña reta ñogüɨnoe oövaiti filisteo reta, oñoraro vaerä jae reta ndive, jare oyembojeyupa reta Eben-ezer pe, jare filisteo reta oyembojeyupa Afec pe;