2 REYES 12:8 - Biblia Guarani Tumpa Iñee

⁸ Sacerdote reta ikɨ̈reɨ agüɨye vaerä ma omboresive tëta pegua reta güi ikorepoti, jare mbaetɨta ma vi jae reta ñogüɨnoi oyapo kavi vaerä tupao jovapetea oyeka yekagüe.

2 REYES 12:8 ပူးပေါင်းရင်းမြစ်များ

2 REYES 12:7

Jayave mburuvicha guasu Joás oenɨi sacerdote tenondegua Joiada jare ïru sacerdote reta, jare jei chupe reta: —¿Maera pa mbaetɨño peñono kavi tupao jovapetea oyeka yekagüe? Añave, agüɨye ye mo peipɨɨ peyeupe korepoti perëtara reta güi; pemee tupao jovapetea oyeka yekagüe oyeapo kavi vaerä.

2 REYES 12:9

Jayave sacerdote tenondegua Joiada oipɨɨ metei käjou jare itapa omombu, jare oñono mɨmba oyeyuka oyeapɨ jese vae iyɨke pe, iyakatu kotɨ, jökorai yandeYa itupao pe oike vae, jare sacerdote reta öke järoa oñono joko pe opaete korepoti oñemee yandeYa jo pe vae.

2 REYES 22:4

—Ekua sacerdote tenondegua Hilcías pɨri, ere chupe tomboatɨ opaete korepoti yandeYa jo pe oyererugüe, öke iyangarekoa reta omboatɨ opaete tëta pegua reta güi vae,

2 CRÓNICAS 24:8

Jayave mburuvicha guasu oyapouka käjou jare jókuae käjou oñono reta ikatu pe, yandeYa jo jöke pe,