2 REYES 12:21 - Biblia Guarani Tumpa Iñee

²¹ Iyɨvɨrigua reta Josacar, Simeat taɨ jare Jozabad, Somer taɨ ko ombopere, jökorai omano. Oñotɨ reta iñemuñagüe reta oñeotɨa pe, David Jëta guasu pe; jare taɨ Amasías oguapɨ jekovia pe mburuvicha guasurä.

2 REYES 12:21 ပူးပေါင်းရင်းမြစ်များ

2 SAMUEL 5:9

David oñemoëta joko pe, jare ombojee David Jëta guasu; jare oyapo ikësearä opaete iyɨ́vɨri rupi, Milo güive japɨpe kotɨ.

1 REYES 15:27

Jara Baasa, Ahías taɨ, jae ko Isacar iñemuña pegua, jae oñemopüa Nadab kotɨ, jare oyuka Gibetón pe, filisteo reta jëta pe, echa joko pe Nadab jare sundaro reta Israel pegua oñova ñogüɨnoi tëta Gibetón.

2 REYES 10:9

Pɨareve pe Jehú oë omae jare oyemboɨ reveño jei opaete vae pe: —Pe reta ko jupi, che ko añemopüa cheruvicha re jare ayukauka; ërei, ¿kia pa oyuka opaete kuae reta?

2 REYES 13:1

Joás, Ocozías taɨ veintitré año ma oiko mburuvicha guasurä Judá pe yave, Joacaz, Jehú taɨ omboɨpɨ oï mburuvicha guasurä ɨvɨ Israel re; oiko mburuvicha guasurä diecisiete año Samaria pe.

2 REYES 14:1

Joás, Joacaz taɨ mókoi año ma oiko mburuvicha guasurä Israel pe yave, Amasías, Joás Judá pegua taɨ omboɨpɨ oï mburuvicha guasurä Judá pe.

2 REYES 14:19

Jerusalén pegua reta oñemopüa Amasías kotɨ, jare jae otekuarai Laquis kotɨ; ërei oaɨkuemoña reta jókuae tëta guasu kotɨ, joko pe oyuka reta.

2 REYES 14:5

Amasías oñemomɨ̈rata kavi ma mburuvicha guasurä yave, oyuka opaete jókuae tu iyukaa reta.

2 REYES 15:10

Javoi Salum, Jabes taɨ oñemopüa Zacarías kotɨ, jare oyuka opaete vae reta jóvai; jae oguapɨ jekovia pe mburuvicha guasurä.

2 REYES 9:14

Jehú, Josafat taɨ, Nimsi jɨmɨmino oñemopüa Joram kotɨ. Joram ojo opaete Israel pegua ndive Ramot pe, ɨvɨ Galaad pe, oepɨ vaerä Hazael mburuvicha guasu Siria pegua güi.

2 REYES 9:27

Ocozías, mburuvicha guasu Judá pegua oecha yave kuae oasagüe, otekuarai Bet-hagan kotɨ. Ërei Jehú oaɨkuemoña, jei: —¡Peyuka vi ikäretou pe! Ombopere reta ɨvɨtɨ Gur re yayeupía pe Ibleam jóvai, ërei jae otekuarai Meguido pe oväe regua. Joko pe omano.

2 CRÓNICAS 24:25

Jare Siriaɨgua reta opa ye yogüɨraja yave, imbaerasɨ yae opɨta; jare iyɨvɨrigua reta oyovaicho ikotɨ sacerdote Joiada taɨ imano re, jare oyuka reta jupa pe aeño. Jare oñotɨ reta David Jëta guasu pe, ërei mbaetɨ oñotɨ reta mburuvicha guasu reta jɨvɨa oïa pe.