2 REYES 11:19 - Biblia Guarani Tumpa Iñee

¹⁹ Javoi omboatɨ jókuae cien sundaro vae juvicha reta, sundaro ruvicha reta, sundaro öke iyangarekoa reta, jare opaete vae reta, jare güɨnoe reta mburuvicha guasu yandeYa jo güi, güɨraja regua güɨroväe reta mburuvicha guasu jo pe, oike reta sundaro öke iyangarekoa reta ñogüɨnoia rupi. Javoi Joás oguapɨ mburuvicha guasu reta iguapɨa pe,

2 REYES 11:19 ပူးပေါင်းရင်းမြစ်များ

GÉNESIS 37:36

Jare Madián pegua reta güɨraja omee José Egipto pe, mburuvicha Potifar pe, Faraón isundaro reta juvicha.

1 REYES 1:13

Ekua mburuvicha guasu David pɨri, jare ere chupe: “Cheruvicha guasu, ¿rerökuaveeä pa ko cheve Tumpa jee re, chemembɨ Salomón oguapɨ vaerä nderaɨkue rupi? ¿Maera pa jayave Adonías oï?”

1 REYES 14:27

Jókuae reta jekovia pe mburuvicha guasu Roboam oyapo yeopiaka jiero iyu vae pegua, jare omee sundaro öke iyangarekoa reta juvicha reta pe; jókuae mburuvicha jöke re oyangareko vae reta pe.

1 CRÓNICAS 29:23

Jökorai Salomón oguapɨ mburuvicha guasurä yandeYa iporookuaía pe tu David jekovia pe, jare ikavi yae opaete mbae oë chupe. Opaete Israel yogüɨreko jae jeia re.

2 CRÓNICAS 23:19

Oñono vi yandeYa itupao guasu jöke järoa reta, agüɨye vaerä kia oike Tumpa jóvai ikɨa oï reve.

2 CRÓNICAS 23:20

Jaɨkue rupi oenɨi sundaro ruvicha reta, mburuvicha reta, tëta ruvicha reta jare opaete vae, güɨraja reta vaerä mburuvicha guasu tupao guasu güi; oike reta ma öke guasu rupi mburuvicha guasu jo iporookuaía pe yave, omboguapɨ reta mburuvicha guasu iguapɨa pe,

2 CRÓNICAS 23:5

mokoía yemboyao toäro mburuvicha guasu jo iporookuaía pegua; jare mboapɨa yemboyao toäro öke Cimiento jee vae. Jare opaete vae reta toñogüɨnoi yandeYa itupao guasu joka reta rupi.

JEREMÍAS 17:25

Peyapo yave jökorai, oime aveita mburuvicha guasu oguapɨ vaerä David iguapɨa pe, jare oiketa tëta guasu jöke rupi käretou pe jare kavayu re iyɨvɨrigua reta ndive, jare Judá pegua reta jare Jerusalén pe yogüɨreko vae reta ndive. Jare Jerusalén pe oime aveita yogüɨreko vae.

JEREMÍAS 22:30

YandeYa jei: “Pemoapɨta kuae kuimbae jee taɨmbae rami, kuimbae oë kavimbae chupe opaete mbaembae vae rami. Echa metei ave iñemuña reta güi ngaraa oguapɨ David iguapɨa pe, oporookuai pɨau ye vaerä Judá re.”

JEREMÍAS 22:4

Echa kuae che poyókuai vae, añetete peyapo yave, oime aveita mburuvicha guasu oguapɨ vaerä David iguapɨa pe; jae oiketa käretou pe kavayu ndive kuae mburuvicha guasu jo jöke rupi; yogüeru reve jae ndive iyɨvɨrigua reta jare opaete vae reta.

San Mateo 19:28

Jayave Jesús jei jemimboe reta pe: —Añete che jae peve, che Kuimbaerä ayeapo vae aguapɨ yave cheyemboetea, mborookuaía pegua pe, pe reta peyu cherupíe vae peguapɨta vi doce guapɨa pe, pejäa vaerä doce ñemuña Israel pegua reta.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.