2 REYES 11:18 - Biblia Guarani Tumpa Iñee

¹⁸ Javoi yogüɨraja opaete vae omboai Baal itupao, jökoraiño vi omboai reta opaetei mɨmba oyeyuka oyeapɨ jese vae jare mbae iä reta; oyuka reta Matán, Baal isacerdote mɨmba oyeyuka oyeapɨ jese vae jóvai. Javoi sacerdote tenondegua Joiada oñono yandeYa jo re oyangareko vaerä vae reta.

2 REYES 11:18 ပူးပေါင်းရင်းမြစ်များ

1 REYES 18:40

Jayave Elías jei chupe reta: —¡Peipɨɨ Baal regua omoërakua vae reta! ¡Agüɨye metei ave tojoyepe! Jare jae reta opa oipɨɨ; jare Elías güɨraja reta ɨ̈aka raɨ Cisón jee vae kotɨ, joko pe opa oñaseokɨ̈ti.

2 REYES 10:21

Jaɨkue rupi Jehú omondo ñee jerajaa opaete ɨvɨ Israel rupi jare yogüeru opaete Baal omboete vae reta, jökorai mbaetɨ metei ave oumbae vae. Jare oike reta Baal itupao pe jare Baal itupao opaetei tɨnɨeasɨ yeyé.

2 REYES 10:25

Opa ma omee reta mɨmba oyeyukagüe opaetei oyeapɨ vae, Jehú jei jókuae ikatu pe ñogüɨnoi vae reta pe jare mburuvicha reta pe: —¡Peike jare opa peyuka! ¡Agüɨye totekuarai metei ave! Jare oyuka reta kɨsepuku pe jare oipɨso oeya reta öke rupi. Jaɨkue rupi oike reta o mbaemboetea pe, Baal itupao pe,

2 REYES 10:26

jare güɨnoe reta mbae iägüe Baal itupao güi, jare opa oapɨ reta.

2 REYES 10:27

Oyoka reta vi Baal iä, omboai reta Baal itupao, jare opɨta mañakarä; jökorai opɨta añave rupi.

2 REYES 18:4

Omboai opaete mbaemboete renda ɨvɨtɨ rupigua reta, oyoka mbae iä reta, oyasɨa Asera iä reta, opa omboai mboi iä jiero iyu vae pegua Moisés oyapo vae, echa jókuae ara rupi Israel iñemuña reta oapɨ ma chupe ikäti kavi vae incienso, jare ombojee reta Nehustán.

2 REYES 23:10

Josías güɨröɨro güi omboai vi mbaemboete renda reta Tofet pegua, ɨvɨtɨ päu Hinom pe oï vae pegua, agüɨye vaerä ma metei ave oapɨ taɨ ani tayɨ, Moloc pe.

2 REYES 23:14

Oyoka vi tumpa-raanga reta iä ita pegua jare opa oyasɨa Asera iä reta ɨvɨra pegua, jókuae reta jendagüe opa omotɨnɨe kuimbae reta ikägüegüe pe.

2 REYES 23:20

Oyuka vi mɨmba oyeyuka oyeapɨ jese vae re opaete sacerdoterä ñogüɨnoi mbaemboete renda ɨvɨtɨ rupigua rupi vae, oapɨ jese reta ïru sacerdote reta ikägüegüe. Javoi oyerova ye Jerusalén kotɨ.

2 CRÓNICAS 21:17

Oporepeña reta Judá re jare opɨ̈ro iɨvɨ, jare güɨraja opaete mburuvicha guasu imbaembae reta jo iporookuaía pegua, taɨ reta jare jembireko reta. Jaeñoete opɨta taɨ taɨkuegua ete Joacaz.

2 CRÓNICAS 34:4

jare opa oyemboai jae jóvai opaete mɨmba oyeyuka oyeapɨ jese Baal pe vae reta. Opa vi oyokauka kuaraɨ iä reta mɨmba oyeyuka oyeapɨ jese vae güi ɨvate oï jare Asera iä reta jare mbae iä reta oyemondɨkui oyeapo vae; opa omongúi, jare opa omoai jókuae mɨmba oyuka omee chupe vae reta jɨvɨa re.

2 CRÓNICAS 34:7

Omboai mɨmba oyeyuka oyeapɨ jese vae reta, Asera iä reta jare tumpa-raanga reta, opaetei omongúi regua, jare omboai opaete ikäti kavi vae incienso oyeapɨ jese vae reta opaete ɨvɨ Israel pe yave. Javoi oyerova ye Jerusalén kotɨ.

ÉXODO 32:20

oipɨɨ jókuae toro taɨrusu vae iä jare oitɨ tata pe, jare opa omongúi omombɨuasɨ regua jare oitɨ ɨ pe, jare jókuae ɨ jouuka Israel iñemuña reta pe.

ISAÍAS 2:18

jare opaeteita omboai tumpa-raanga reta jókuae ara.

DEUTERONOMIO 12:2

Pemboai opaete mbaemboete renda tëtaguasu reta pepɨ̈rota vae itumpa-raanga reta oyeokuai reta chupe vae jenda; ɨvɨtɨ ɨvate vae re ñogüɨnoi vae, jare jɨsɨ re ñogüɨnoi vae, jare opaete ɨvɨra iküaraɨa kavi yae vae igüɨ rupigua.

DEUTERONOMIO 12:3

Pemboai mɨmba oyeyuka oyeapɨ jese vae jae reta imbae jare peyoka itumpa-raanga reta, peapɨ tata pe Asera iä, jare opa pemboai omopöra tumpa-raanga oyapogüe iä, jare opa pemokañɨtei jee joko güi.

DEUTERONOMIO 13:10

Peyapi ita pe omano regua, oipota nemombia ndeYa Tumpa güi jeko pegua, nerenoe ɨvɨ Egipto güi, yeokuaiasɨ katu güi vae.

DEUTERONOMIO 13:5

Jare jókuae ñeemombeúa ani ipaɨu katu vae tomano, echa pemboarakuaa peyemboyovaicho vaerä yandeYa Tumpa kotɨ, perenoe ɨvɨ Egipto güi jare pereepɨ yeokuaiasɨ katu güi vae, jare pemoñera pepia vaerä yandeYa Tumpa peokuai peyapo vaerä vae güi. Jökorai peekɨ ikavimbae pepɨte güi.

DEUTERONOMIO 13:6

Ërei nemoñera yave, nderɨkeɨ ani nderɨvɨ, ndesɨ imembɨraɨe, ani nderaɨ, nderayɨ ani nderembireko, ani ndevɨa-ïru, jei vɨari reve ndeve, reo vaerä remboete tumpa ambuae reta, nde reikuaambae jare neñemuñagüe reta oikuaambae vae,

DEUTERONOMIO 13:9

eyuka jókuae nunga. Jare nde tenonde epüa jese reyuka vaerä, jare nderaɨkue rupi opaete vae toyapi vi.