2 REYES 11:14 - Biblia Guarani Tumpa Iñee

¹⁴ Oecha joko pe mburuvicha guasu oyemboɨ oï, okɨta iyɨpɨ pe, oyeapoñoi rami. Iyɨ́vɨri ñogüɨnoi mburuvicha reta jare temimbɨguasu imoñeea reta, jare opaete oyerovia yae, jare omoñee reta temimbɨguasu. Jayave Atalía omondoro jemimonde jare osapúkai. —¡Ikavimbae yae ko kuae! ¡Ikavimbae yae ko kuae!

2 REYES 11:14 ပူးပေါင်းရင်းမြစ်များ

GÉNESIS 37:29

Jaɨkue rupi Rubén ojo ye omae ɨvɨkua re, jare oecha José mbaetɨ ma oï pɨpe yave omondoro jemimonde ipɨatɨtɨ güi.

GÉNESIS 44:13

Jayave jae reta omondoro jemimonde, jare ombovoɨta reta imburika jare opa oyerova ye tëta guasu kotɨ.

1 REYES 1:25

Echa kuae ara ogüeyɨ oyuka toro jare toro taɨrusu vae jare jeta vecha, jare oparea nderaɨ reta pe, sundaro ruvicha reta pe, jare sacerdote Abiatar pe. Jare joko okaru jare vino jou reta ñogüɨnoi jae ndive, jare osapúkai jare oyepopete reta ñogüɨnoi Adonías re.

2 REYES 11:15

Ërei sacerdote tenondegua Joiada oyókuai cien sundaro vae juvicha reta, sundaro iyangarekoa reta, jei chupe reta: —¡Penoe jókuae kuña pepɨte güi, jare oñemoïru jae ndive vae reta, opa peyuka kɨsepuku pe! Sacerdote oyókuai agüɨye vaerä oyuka reta yandeYa jo pe jeko pegua,

2 REYES 23:3

Javoi mburuvicha guasu oyemboɨ okɨta iyɨpɨ pe oyapo morogüɨrökuavee päve yandeYa jóvai, yogüɨreko vaerä jae jeia re, oyapo reta vaerä iporookuai reta jupi rupi kavi opaete ipɨa ndive, opaete jekove ndive, oyapo reta vaerä opaete ñee reta morogüɨrökuavee päve pegua oyekuatía oï jókuae tembikuatía pe vae. Opaete tëta pegua reta opɨta vi ipɨakatu reve kuae morogüɨrökuavee päve oyeapo vae re.

2 REYES 9:13

Jökorai jei rupive metei ñavo jókuae mburuvicha guasu imborɨa reta oipɨɨ ñeapevaka jare oipɨso reta mburuvicha guasu iguapɨa pe ɨvate, javoi omoñee reta temimbɨ vecha kuimbae-räti pegua, jare osapúkai reta: “¡Jehú jae ko mburuvicha guasu!”

2 REYES 9:23

Jayave jupivei oyerova otekuarai, jare jei Ocozías pe: —¡Oporombotavɨ vae yepe pea, Ocozías!

1 CRÓNICAS 12:40

Jëta-ɨpɨ rupigua reta, jare Isacar iñemuña reta, Zabulón jare Neftalí iñemuña reta ave, güɨraja tembíu chupe mburika re, camello re, mburika guasu jare güeye re. Oipotagüe tembíu güɨraja reta jeta: Trigokúi, ɨva oyemboipe oñemotinigüe, uva oñemotinigüe, vino, asaite, toro jare vecha; echa oime yerovia tuichagüe Israel pe.

2 CRÓNICAS 34:31

Javoi mburuvicha guasu opüa oyemboɨ okɨta iyɨpɨ pe oyapo morogüɨrökuavee päve yandeYa jóvai, oiko vaerä jae jeia re, oyapo vaerä iporookuai reta jupi rupi kavi opaete ipɨa ndive, opaete jekove ndive, oyapo vaerä opaete ñee reta morogüɨrökuavee päve pegua pe, oyekuatía oï jókuae tembikuatía pe vae.

PROVERBIOS 29:2

Jupi vae reta ñogüɨnoi mburuvicharä yave, tëta pegua reta oyerovia katu, ërei jupimbae reta ñogüɨnoi mburuvicharä yave, tëta pegua reta oiporara yae.

San Lucas 19:37

Jare omboɨpɨ reta ogüeyɨ ɨvɨtɨ Olivo güi. Köiño ma yogüeru Jerusalén güi. Jayave opaete Jesús jupiegua reta omboɨpɨ oyerovia. Omboete reta Tumpa osapúkai reve opaete mɨakañɨ oecha Jesús oyapogüe re,