2 REYES 11:11 - Biblia Guarani Tumpa Iñee

¹¹ Jare sundaro reta opa oñeñono tupao iyɨ́vɨri, tupao iyakatu kotɨgua güive ojoi oväe iyasu kotɨgua jembeɨ iyapɨ pe, jare mɨmba oyeyuka oyeapɨ jese vae iyɨ́vɨri rupi, güɨnoi reve metei ñavo ipo pe tembiporu ñeraro pegua, jökorai oyangareko reta vaerä mburuvicha guasu re.

2 REYES 11:11 ပူးပေါင်းရင်းမြစ်များ

2 REYES 11:10

Jare jókuae sacerdote omee cien sundaro vae juvicha reta pe mii jare yeopiaka reta mburuvicha guasu David imbaegüe reta, yandeYa jo pe oï vae.

2 REYES 11:12

Jayave Joiada güɨnoe mburuvicha guasu taɨ, oñono jese äka-regua jare omee chupe tembikuatía mborookuai güɨnoi vae, jare opɨyere asaite jese jökorai oñono mburuvicha guasurä. Javoi opaete vae oyepopete jare osapúkai jese reta.

2 REYES 11:8

Pe reta peïta mburuvicha guasu iyɨ́vɨri rupi, metei ñavo togüɨnoi ipo pe tembiporu ñeraro pegua, jare oipotagüe oike pota yave pepɨte pe, tomano. Peyangareko mburuvicha guasu re, jae ojoa rupi ou ye regua.”

2 CRÓNICAS 6:12

Javoi Salomón oñeñono mɨmba oyeyuka oyeapɨ jese vae yandeYa imbae jóvai, opaete Israel iñemuña reta jóvai, jare omopüa ipo.

ÉXODO 40:6

Jaɨkue rupi eñono mɨmba oyeyukagüe opaetei oyeapɨ jese vae, tupao guakapi pegua jöke re katu.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

San Mateo 23:35

Jare pe reta penoita teko opaete jekombae reta imano re, jupi vae Abel oyeyukauka güive Berequías taɨ Zacarías oyeyukauka vae pe. Echa peyuka Zacarías mɨmba oyeyukagüe oyeapɨ jese vae jare tupao ipäu pe.

San Lucas 11:51

Abel oyeyukauka güive Zacarías oyeyukauka vae pe. Jókuae Zacarías omano mɨmba oyeyukagüe oyeapɨ jese vae jare tupao ipäu pe vae. Añete che jae peve, kuae reta imano re pe reta peiporarata.