2 REYES 11:10 - Biblia Guarani Tumpa Iñee

¹⁰ Jare jókuae sacerdote omee cien sundaro vae juvicha reta pe mii jare yeopiaka reta mburuvicha guasu David imbaegüe reta, yandeYa jo pe oï vae.

2 REYES 11:10 ပူးပေါင်းရင်းမြစ်များ

2 SAMUEL 8:7

David opa opɨ̈ro yeopiaka reta oro pegua, Hadad-ezer isundaro ruvicha reta imbae, jare opa güɨraja Jerusalén pe.

2 REYES 11:11

Jare sundaro reta opa oñeñono tupao iyɨ́vɨri, tupao iyakatu kotɨgua güive ojoi oväe iyasu kotɨgua jembeɨ iyapɨ pe, jare mɨmba oyeyuka oyeapɨ jese vae iyɨ́vɨri rupi, güɨnoi reve metei ñavo ipo pe tembiporu ñeraro pegua, jökorai oyangareko reta vaerä mburuvicha guasu re.

1 CRÓNICAS 18:7

David opɨ̈ro vi yeopiaka reta oro pegua Hadad-ezer iyɨvɨrigua reta jembiporu, jare güeru Jerusalén pe.

2 CRÓNICAS 5:1

Jare Salomón opa oyapo mbaembae yandeYa itupao guasu peguarä yave, güɨroike mbaembae jepɨ vae oñeñovatúa pe tu David oñono tee mbaembae yandeYa peguarä vae: Korepoti, oro jare opaete tembiporu reta.

1 SAMUEL 21:9

Jare Sacerdote jei chupe: —Oime anoi Goliat filisteo ikɨsepukugüe, nde reyuka ɨvɨtɨ päu Ela pe vae. Oime oï temimonde iyɨvambae sacerdote pegua ikupe pe, oñeoma oï asoya pe. Jókuae ndepuere reraja echa mbaetɨ yé ïru anoi. Jayave David jei: —Emee cheve, echa mbaetɨ yé ïru jókuae nunga.