2 REYES 11:1 - Biblia Guarani Tumpa Iñee

¹ Atalía oikuaa omano imembɨraɨe Ocozías yave, ojo oyuka opaete mburuvicha iñemuña reta.

2 REYES 11:1 ပူးပေါင်းရင်းမြစ်များ

GÉNESIS 9:5

Echa che añetete ayepɨta ko perugüɨ re; opaete mbaemɨmba re jare kuimbae re. Kuimbae ñavo re ayepɨta japicha jekove re chupe.”

GÉNESIS 9:6

“Kia ñavo japicha oyuka yave, jae tomano vi japicha ipo pe. Echa kuimbae, Tumpa rami ko ayapo.

1 REYES 1:12

Eyeapɨsaka cheporomboarakuaa re, reroasayepe vaerä nderekove jare nemembɨraɨe Salomón jekove.

1 REYES 2:44

Nde reikuaa kavi yae ikavimbae reyapo cheru David pe vae. Jáeramo yandeYa omee jókuae ikavimbae reyapo vae oyerova ndekotɨ.

2 REYES 10:36

Jehú oiko mburuvicha guasurä ɨvɨ Israel pe, tëta guasu Samaria pe vae, jae ko veintiocho año.

2 REYES 10:7

Jayave kuae tupapire omboresive reta yave, oipɨɨ reta jókuae setenta vae mburuvicha guasu taɨ reta, jare oñaseokɨ̈ti reta; javoi iñäkagüe reta oñono reta kanata pe jare omondo reta tëta guasu Jezreel pe,

2 REYES 12:1

Jehú, chiúa año ma oiko mburuvicha guasurä yave, Joás omboɨpɨ oï mburuvicha guasurä; oiko mburuvicha guasurä cuarenta año Jerusalén pe. Ichɨ jee Sibia, jae ko Beerseba pegua.

2 REYES 25:25

Ërei chiúa yasɨ pe ou Ismael, Netanías taɨ, Elisama jɨmɨmino, jae ko Judá pegua mburuvicha iñemuña, güeru jupíe payandepo kuimbae, jare oyuka reta Gedalías; oyuka reta vi Judá pegua reta jare Caldeaɨgua reta jae ndive ñogüɨnoi Mizpa pe vae.

2 REYES 8:26

Veintidó año güɨnoi Ocozías omboɨpɨ oï mburuvicha guasurä yave, jare metei año oiko mburuvicha guasurä Jerusalén pe. Ichɨ jee Atalía, Omri mburuvicha guasugüe Israel pegua jɨmɨmino.

2 REYES 9:27

Ocozías, mburuvicha guasu Judá pegua oecha yave kuae oasagüe, otekuarai Bet-hagan kotɨ. Ërei Jehú oaɨkuemoña, jei: —¡Peyuka vi ikäretou pe! Ombopere reta ɨvɨtɨ Gur re yayeupía pe Ibleam jóvai, ërei jae otekuarai Meguido pe oväe regua. Joko pe omano.

2 CRÓNICAS 24:7

Echa Atalía jeko kavimbae jare jupiegua reta güɨrokomegua Tumpa jo jare güɨnoe vi itumpa reta peguarä opaete mbaembae oñeñono tee yandeYa jo pe vae.

JEREMÍAS 41:1

Chiúa yasɨ pe, Ismael, Netanías taɨ, Elisama jɨmɨmino, mburuvicha iñemuña pegua, ojo Mizpa pe oñoväe vaerä Gedalías, Ahicam taɨ ndive, ojo payandepo kuimbae ndive. Jare jókuae Mizpa pe okaru päve ñogüɨnoi ramboeve,

San Mateo 2:13

Jare jókuae kuimbae reta yasɨtata re oyemboe vae reta yogüɨraja ma yave, metei araɨgua yandeYa pe oyeokuai vae oyekuaa José pe ipaɨu pe jare jei chupe: “Epüa, jare eraja michia jare ichɨ Egipto kotɨ. Pepɨta joko pe amombeu ye ndeve regua. Echa Herodes oekata michia Oyuka vaerä.”

San Mateo 2:16

Jayave Herodes oikuaa jókuae yasɨtata re oyemboe vae reta mbaetɨ oyapo jae jei vae, iyarasɨ yae, jare omondo sundaro reta oyuka vaerä opaete michia kuimbae Belén pe jare Belén iyɨpɨ rupi ñogüɨnoi vae reta ndei mókoi año güɨnoi vae güi ɨ́vɨkotɨ. Yasɨtata re oyemboe vae reta omombeu Herodes pe kërai yave güi ma ko oecha reta yasɨtata vae rami.

JUECES 9:5

jare yogüɨraja reta jupíe Ofra pe, tu Jerobaal oikosea pe, jare opa oyuka tɨkeɨ setenta vae reta meteia ita reño; ërei Jotam oñemi jare oasayepe, jae ko Jerobaal taɨ taɨkuegua ete.