2 REYES 10:29 - Biblia Guarani Tumpa Iñee

²⁹ Ërei ngatu Jehú mbaetɨ oyembosɨrɨ amogüe Jeroboam Nabat taɨ iyoa reta güi, Israel iñemuña reta pe oyapouka mbaeyoa vae güi, echa jekuaeñoi omboete toro taɨrusu vae iägüe oro pegua, Bet-el pe jare Dan pe oï reta vae.

2 REYES 10:29 ပူးပေါင်းရင်းမြစ်များ

GÉNESIS 20:9

Jaɨkue rupi Abimelec oenɨi Abraham jare jei chupe: —¿Mbae pa reyapo oreve? ¿Oime pa mbae pe cheyoa ndekotɨ, reru vaerä cheré jare cheporookuaía re mbaeyoa tuichagüe yae? Mbaetɨta tëi reyapo vae reyu reyapo che ndive.

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

2 REYES 10:28

Jökorai Jehú omboai Israel güi Baal.

2 REYES 10:31

Ërei ngatu Jehú mbaetɨ oñemokɨ̈reɨ oguata vaerä Israel iYa Tumpa iporookuai rupi opaete ipɨa ndive, mbaetɨ oyembosɨrɨ Jeroboam iyoa reta güi, Israel iñemuña reta pe oyapouka mbaeyoa vae güi.

2 REYES 13:11

Jare oyapo ikavimbae yandeYa jesa róvai; mbaetɨ oyembosɨrɨ opaete Jeroboam, Nabat taɨ iyoa reta güi, Israel iñemuña reta pe oyapouka mbaeyoa vae güi, echa jókuae mbaeyoa omomoe.

2 REYES 13:2

Ërei oyapo ikavimbae yandeYa jesa róvai, echa omomoe Jeroboam, Nabat taɨ iyoa reta, Israel iñemuña reta pe oyapouka mbaeyoa vae güi, mbaetɨ oyembosɨrɨ jókuae mbaeyoa güi.

2 REYES 14:24

Ërei oyapo ikavimbae yandeYa jesa róvai, mbaetɨ oyembosɨrɨ Jeroboam, Nabat taɨ iyoa güi, Israel iñemuña reta pe oyavɨuka vae güi.

2 REYES 15:18

Oyapo ikavimbae yandeYa jesa róvai; opaete ara jae mburuvicha guasurä oiko ramboeve mbaetɨ oyembosɨrɨ Jeroboam, Nabat taɨ iyoa reta güi, Israel iñemuña reta pe mbaeyoa oyapouka vae güi,

2 REYES 15:24

Oyapo ikavimbae yandeYa jesa róvai, mbaetɨ oyembosɨrɨ Jeroboam, Nabat taɨ iyoa reta güi, Israel iñemuña reta pe mbaeyoa oyapouka vae güi.

2 REYES 15:28

Oyapo ikavimbae yandeYa jesa róvai, mbaetɨ oyembosɨrɨ Jeroboam, Nabat taɨ iyoa reta güi, Israel iñemuña reta pe mbaeyoa oyapouka vae güi.

2 REYES 15:9

Ërei oyapo ikavimbae yandeYa jesa róvai, iñemuñagüe reta oyapo rami; mbaetɨ oyembosɨrɨ Jeroboam, Nabat taɨ iyoa reta güi, Israel iñemuña reta pe mbaeyoa oyapouka vae güi.

2 REYES 17:22

Jökorai Israel pegua reta omomoe opaete Jeroboam iyoa reta, jare mbaetɨ oyembosɨrɨ jókuae mbaeyoa reta güi.

2 REYES 3:3

Ërei iyoa Jeroboam, Nabat taɨ iyoa rami, Israel iñemuña reta pe oyapouka mbaeyoa vae, jare mbaetɨ oyembosɨrɨ jókuae mbaeyoa güi.

ÉXODO 32:21

Jare jei Aarón pe: —¿Mbae pa kuae reta oyapo ndeve, reyapouka vaerä chupe reta mbaeyoa ikavimbae yae ete vae?

ÉXODO 32:4

Aarón oipɨɨ chugüi reta, jare omondɨkui oro, jare oyasɨa jiero iyasɨaa pe, oyapo kavi regua metei toro taɨrusu vae iä. Jayave opaete reve jei reta. —¡Israel iñemuña reta, kuae ko jae petumpa, ɨvɨ Egipto güi perenoe vae!

EZEQUIEL 23:8

Egipto pe omboɨpɨ iyaguasa pota vae mbaetɨ oeya. Taɨrusu güive oyapakua kuimbae ndive jare oasa jae ndive, jökorai oyeapo iyaguasa pota yae vaerä.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

1 SAMUEL 2:24

Agüɨye, cheraɨ reta, echa che aendu mbaetɨ perërakua ikavigüe pe, echa jökorai peyapouka mbaeyoa yandeYa imbae vae reta pe.