28 Jökorai Jehú omboai Israel güi Baal.
Oyoka reta vi Baal iä, omboai reta Baal itupao, jare opɨta mañakarä; jökorai opɨta añave rupi.
Ërei ngatu Jehú mbaetɨ oyembosɨrɨ amogüe Jeroboam Nabat taɨ iyoa reta güi, Israel iñemuña reta pe oyapouka mbaeyoa vae güi, echa jekuaeñoi omboete toro taɨrusu vae iägüe oro pegua, Bet-el pe jare Dan pe oï reta vae.
Aiporaraukata chupe ara reta oasagüe re oapɨ ikäti kavi vae incienso baal reta pe vae re, oñemopöra yave moäka-vera pe jare mboɨ pe, ojo iyaguasa reta jupíe jare ñakañɨ chegüi. Jei yandeYa.
