2 REYES 10:15 - Biblia Guarani Tumpa Iñee

¹⁵ Jehú ojo joko güi yave, oñoväe Jonadab, Recab taɨ ndive, jese ojo omae vae, Jehú oyapo chupe maraetei, jare jei chupe: —¿Ikavi pa ndeyemongeta chekotɨ, che cheyemongeta ndekotɨ rami? —¡Jökorai ko! —jei Jonadab. —Jökorai ko yave, emee cheve ndepo —jei Jehú. Jonadab omee chupe ipo, jare Jehú omboyeupi ikäretou pe,

2 REYES 10:15 ပူးပေါင်းရင်းမြစ်များ

GÉNESIS 31:55

Ndeimbove yave Labán opüa oovapɨte tayɨ reta jare jɨmɨmino reta jare opa jei ñee kavi chupe reta yave, oyerova ye joko güi iɨvɨ kotɨ.

GÉNESIS 47:10

Jaɨkue rupi Jacob oyupavo Faraón pe jare oë ojo jóvai güi.

GÉNESIS 47:7

José güɨraja vi tu Jacob oikuaauka vaerä Faraón pe, Jacob oyapo maraetei Faraón pe omboete reve,

1 REYES 20:33

Kuimbae reta pe kuae ñee ikavi yae, jare jei voi reta: —¡Ben-adad tëtara rami yepe ndeve! Acab jei: —¡Pekua peru! Jayave Ben-adad ou Acab jóvai, jare Acab omboyeupi ikäretou pe,

2 REYES 10:13

joko pe oväe chupe Ocozías, mburuvicha guasu Judá pegua jëtaragüe reta. Jehú oparandu chupe reta: —¿Kia pa pe reta? Jae reta jei: —Ocozías jëtaragüe reta ko ore, royu ko romae mburuvicha guasu taɨ reta re jare jembireko imembɨ reta re.

2 REYES 10:14

Jayave Jehú jei jupiegua reta pe: —Peipɨɨ kuae reta jekove reve. Jare oipɨɨ reta güire, oñaseokɨ̈ti reta vecha iyangarekoa reta omaeapía pe iɨkua iyɨpɨ pe cuarenta y dos kuimbae, oeyambae reve metei ave.

2 REYES 9:21

Jayave Joram jei: —¡Peyokua chekäretou ñeraro pegua! Oñono kavi reta chupe ikäretou, jare Joram, mburuvicha guasu Israel pegua, jare Ocozías, mburuvicha guasu Judá pegua, metei ñavo ikäretou pe ae yogüɨraja oövaiti Jehú. Jare oövaiti reta Nabot iɨvɨ pe, Jezreel pe.

1 CRÓNICAS 2:55

jare ombaekuatía vae reta yogüɨreko Jabes pe vae, jae ko tirateo reta, simeateo reta jare sucateo reta. Jae ko kuae reta Ceneo reta Hamat güi oñemuñagüe reta, Recab tu.

ESDRAS 10:19

Kuae reta oñererökuavee omombo vaerä jembireko reta, jare omee reta mbota iyoa re metei vecha kuimbae jɨmba reta güi.

NEHEMÍAS 3:14

Malquías, mburuvicha ɨvɨ Bet-haquerem pegua, Recab taɨ omopüa ye, öke Ɨtɨapɨ Röke jee vae; oyapo ye öke reta iyokendaka reve reve.

SALMOS 94:16

¿Kia pa chereepɨta jeko kavimbae reta güi? ¿Kia pa chereepɨta ikavimbae iyapoa reta güi?

JEREMÍAS 35:2

“Ekua Recab iñemuña reta jëta pe jare nemiari jae reta ndive. Eroike reta yandeYa itupao pe metei cuarto pe jare emee tou reta vino.”

EZEQUIEL 17:18

Echa mbaetɨ ombopo iñee jare omboeteä morogüɨrökuavee päve; jae yepe oñererökuavee tëi, ërei oyapo ye kuae mbaembae reta. Jáeramo ngaraa oasayepe.

Hechos 8:31

Jare eunuco jei Felipe pe: —¿Këraita pa aikuaa, mbaetɨ yave kia chemboe jese? Jare omoñera Felipe oyeupi vaerä ikäretou pe oguapɨ jae ndive.

Gálatas 2:9

Jáeramo oporogüɨrovia vae reta itenondegua Jacobo, Cefas jare Juan oikuaa reta kërai Tumpa ko omee cheve kuae mbaravɨkɨ. Jare oechauka vaerä ore ko jae jae reta iñeïru vae, orepopɨɨ che jare Bernabé; rojo vaerä judiombae vae reta pɨri jare jae reta yogüɨraja vaerä judío reta pɨri.

Gálatas 4:12

Cherɨvɨ reta, pomoñera peyapo vaerä che ayapo rami. Echa che ayeapo vi pe rami. Mbaetɨ etei mbae ikavimbae vae peyapo chekotɨ.