2 REYES 10:11 - Biblia Guarani Tumpa Iñee

¹¹ Jökorai Jehú oyukauka opaete Acab iñemuña reta Jezreel pe opɨtagüe, opaete juvicha reta, opaete jëtara reta, jare isacerdote reta, mbaetɨ etei metei ave jembɨre.

2 REYES 10:11 ပူးပေါင်းရင်းမြစ်များ

1 REYES 14:10

jáeramo, ko che aru Jeroboam jo pegua reta re mbae ikavimbae, jare amboaita Jeroboam güi opaete kuimbae reta, tembiokuai reta ani tembiokuaimbae reta Israel pegua; atupeita Jeroboam iñemuña re tepoti oyetupei rami, opa regua.

1 REYES 15:29

Jare jae omboɨpɨ oï yave, oyuka opaete Jeroboam iñemuña reta, mbaetɨ etei oeya kia ave jekove ndive Jeroboam imbae vae reta güi, opaetei omokañɨtei, yandeYa jei rami jembiokuai Ahías, Silo pegua rupi.

1 REYES 16:11

Zimri oguapɨ rupive, opa oyuka Baasa iñemuña reta, oeyambae reve metei ave kuimbae ani ivɨa-ïru yepe, oyepɨ vaerä chupe.

1 REYES 18:19

Emondo añave emboatɨuka opaete Israel pegua reta ɨvɨtɨ Carmelo re, jare cuatrociento cincuenta Baal regua omoërakua vae reta, jare cuatrociento Asera regua omoërakua vae reta, Jezabel ndive okaru vae reta.

1 REYES 18:40

Jayave Elías jei chupe reta: —¡Peipɨɨ Baal regua omoërakua vae reta! ¡Agüɨye metei ave tojoyepe! Jare jae reta opa oipɨɨ; jare Elías güɨraja reta ɨ̈aka raɨ Cisón jee vae kotɨ, joko pe opa oñaseokɨ̈ti.

1 REYES 21:22

Kuae ayapota neñemuña reta pe, Jeroboam, Nabat taɨ pe ayapo rami etei, jare Baasa, Ahías taɨ pe rami, echa chemboarasɨuka reyapogüe jare reyapouka mbaeyoa Israel pe vae.”

1 REYES 21:29

“¿Reecha pa Acab kërai oñemomichi cheróvai? Oñemomichi vae jeko pegua mbaetɨta ambou jese ikavimbae oikove oiko ramboeve, iñemuña reta re ambouta kuri ikavimbae.”

1 REYES 22:6

Mburuvicha guasu Israel pegua omboatɨ opaete ñeemombeúa reta, oupitɨ cuatrociento rupi, jare oparandu chupe reta: —¿Jaekavi pa aporepeña vaerä tëta Ramot re ɨvɨ Galaad pe ani mbaetɨ pa? Jayave jae reta jei: —Eporepeña jese, echa yandeYa omeeta ndepo pe.

2 REYES 10:12

Javoi opüa joko güi ojo Samaria kotɨ; jare tape rupi ma oiko yave, ojo oväe vecha iyangarekoa reta omaeapía pe,

2 REYES 23:20

Oyuka vi mɨmba oyeyuka oyeapɨ jese vae re opaete sacerdoterä ñogüɨnoi mbaemboete renda ɨvɨtɨ rupigua rupi vae, oapɨ jese reta ïru sacerdote reta ikägüegüe. Javoi oyerova ye Jerusalén kotɨ.

2 REYES 9:7

Nde opata nderuvicha Acad iñemuña reta remboai, jökorai reyepɨta cheñeemombeúa reta jare opaete ïru cherembiokuai reta imano re, Jezabel oyukagüe reta.

2 REYES 9:9

Ayapota Acab iñemuña reta pe Jeroboam, Nabat taɨ iñemuña reta pe ayapo rami etei, jare Baasa, Ahías taɨ iñemuña reta pe ayapo rami.

2 CRÓNICAS 22:7

Ërei Tumpa etei oyapo jökorai omano vaerä Ocozías ojo ramboeve opou Joram pɨri. Ojo oväe rupive Joram ndive ñogüɨnoe Jehú pe, Nimsi jɨmɨmino pe. Ërei Tumpa yepe oiparavo Jehú opa vaerä omokañɨtei Acab iñemuña reta.

2 CRÓNICAS 22:8

Jehú oyuka ramboeve güɨnoi Acab iñemuña reta oväe Judá pegua mburuvicha reta, jare Ocozías jëtara reta taɨ oyeokuai chupe vae, jare opa oyuka.

JOB 18:19

Tëta pe mbaetɨta taɨ ani jɨmɨmino yepe, ani kia opɨta jekovia pe jo pe.

SALMOS 109:13

Topa tokañɨtei iñemuña reta, topaetei tokañɨtei jee.

SALMOS 125:5

ërei opia teko ikavimbae rupi vae reta, yandeYa güɨrajata jeko ikavimbae reta ndive. ¡Mbɨakatu toï Israel pe!

PROVERBIOS 13:20

Yarakuaa vae reta ndive oñemoïru vae, yarakuaata; ërei yarakuaambae reta ndive oñemoïru vae, oiporarata.

OSEAS 1:4

Jare yandeYa jei chupe: “Embojee Jezreel, echa jokoño ma aiporarauka Jehú iñemuña reta pe, Jezreel pe oporoyuka vae jeko pegua, amboapɨta mborookuaía Israel pe.

JOSUÉ 10:30

YandeYa omee Israel iñemuña reta ipo pe, kuae tëta guasu joko pegua mburuvicha guasu ndive, jare oyuka reta kɨsepuku pe opaete joko pe yogüɨreko vae reta, oeyambae reve metei ave, jare oyapo mburuvicha guasu Libna pegua pe, jare Jericó pegua pe oyapo rami.

JOSUÉ 11:8

javoi yandeYa omee Israel iñemuña reta ipo pe, jare oyuka reta jare oaɨkuemoña reta güɨraja tëta guasu Sidón kotɨ, Misrefot-maim kotɨ, ɨvɨpe kavi Mizpa kotɨ, kuaraɨ oëa kotɨ jare oyuka reta oeyambae reve metei ave.

JOSUÉ 15:56

Jezreel, Jocdeam, Zanoa,

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.