2 REYES 1:8 - Biblia Guarani Tumpa Iñee

⁸ Jare jae reta jei chupe: —Metei kuimbae jemimonde camello jaagüe pegua, jare ikuakuaa guasupi pegua vae. Jayave mburuvicha guasu jei: —¡Elías Tisbe pegua ko!

2 REYES 1:8 ပူးပေါင်းရင်းမြစ်များ

1 REYES 18:46

Jare yandeYa imbaepuere oï Elías re, jae oyeumbɨkua täta, jare osɨi Acab jenonde ojo regua oväe Jezreel pe jae räri.

2 REYES 1:7

Jare mburuvicha guasu oparandu chupe reta: —¿Kërai pa jókuae kuimbae oë perövaiti vae, kuae ñee reta jei peve vae?

ISAÍAS 20:2

Jókuae ara rupi yandeYa imiari ñeemombeúa Isaías, Amoz taɨ pe, jei chupe körai: “Emboi ndeyeugüi jókuae temimonde mbɨatɨtɨ pegua jare emboi vi ndepɨapaa.” Jökorai oyapo Isaías, jare oguata ipɨgüɨrai jare omboi jókuae jemimonde mbɨatɨtɨ pegua.

ZACARÍAS 13:4

Jókuae ara imarata opaete ñeemombeúa reta imiari oechagüe re, metei ave mbaetɨta ma omonde mbae ipiregüe javuku vae, iyapu vaerä.

San Mateo 11:8

¿Kia re pa ko peo pemae? ¿Kuimbae oyemonde kavi vae re pa? Mase, temimonde ipöra vae omonde vae reta, yogüɨreko mburuvicha guasu reta jo pe.

San Mateo 3:4

Juan jemimonde mɨmba camello jaagüe pegua ko, jare ikuakuaa guasupi pegua ko. Jare jembíu ko jae tuku jare ei ñana rupigua.

San Marcos 1:6

Juan jemimonde mɨmba camello jaagüe pegua ko, jare ikuakuaa guasupi pegua ko. Jare jembíu ko jae tuku jare ei ñana rupigua.

San Lucas 1:17

Ojota yandeYa jenonde Elías mbaepuere güɨnoi rami, oaɨuuka vaerä tu reta pe imichia reta jare Tumpa kotɨ oyembopɨapochɨ vae reta yogüɨreko vaerä jupi vae reta rami. Jökorai Israel pegua reta oäro vaerä yandeYa.

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”