2 REYES 1:7 - Biblia Guarani Tumpa Iñee

⁷ Jare mburuvicha guasu oparandu chupe reta: —¿Kërai pa jókuae kuimbae oë perövaiti vae, kuae ñee reta jei peve vae?

2 REYES 1:7 ပူးပေါင်းရင်းမြစ်များ

2 REYES 1:6

Jae reta jei: —Metei kuimbae orerövaiti jare jei oreve: Peyerova ye jókuae mburuvicha guasu pembou vae kotɨ, jare pere chupe: “Körai jei yandeYa: ¿Mbaetɨ pa Israel pe Tumpa, nde remondo vaerä reparandu Baal-zebub tumpa Ecrón pegua pe? Ngaraa ma repüa jókuae nderupa güi, remanota.”

2 REYES 1:8

Jare jae reta jei chupe: —Metei kuimbae jemimonde camello jaagüe pegua, jare ikuakuaa guasupi pegua vae. Jayave mburuvicha guasu jei: —¡Elías Tisbe pegua ko!

JUECES 8:18

Jaɨkue rupi oparandu Zeba jare Zalmuna pe: —¿Kërai pa jókuae kuimbae reta peyuka Tabor pe vae? Jae reta jei chupe: —Nde rami etei reta, metei ñavo mburuvicha taɨ retaecha.

1 SAMUEL 28:14

Jare Saúl oparandu: —¿Kërai pa jókuae reecha vae? —Aecha metei kuimbae indechi vae, jae oñeapeva metei ñeapevaka pe —jei kuña. Jayave Saúl oikuaa jupivei Samuel ko vae, jare oyetavatɨka itindɨasɨ ɨvɨ re omboete reve.