2 REYES 1:3 - Biblia Guarani Tumpa Iñee

³ Jayave yandeYa iaraɨgua jei Elías Tisbe pegua pe: “Epüa ekua eövaiti mburuvicha guasu Samaria pegua iñee jerajaa reta, jare ere chupe reta: ¿Mbaetɨ pa Israel pe Tumpa, peo vaerä peparandu Baal-zebub tumpa Ecrón pegua pe?

2 REYES 1:3 ပူးပေါင်းရင်းမြစ်များ

1 REYES 11:33

chereeya reta vae jeko pegua, jare omboete reta Astoret, Sidón pegua reta itumpa kuña, jare Quemos Moab pegua reta itumpa, jare Moloc Amón iñemuña reta itumpa; mbaetɨ oguata reta cheremimbota rupi, oyapo reta vaerä sɨmbi vae cheresa róvai, jare cheporookuai reta, tu David oyapo rami.

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

1 REYES 18:1

Mboapɨ añoa ma oasa yave, yandeYa jei Elías pe: “Ekua eyeechauka Acab pe, jare che amongɨta ɨvɨ iárambo.”

1 REYES 18:36

Jare ou ma oväe oñemee vaerä mɨmba oyeyukagüe opaetei oyeapɨ vaerä yave, ñeemombeúa Elías oya katu jese, jare jei: “¡CheYa, Abraham iTumpa, Isaac jare Israel iTumpa, toyekuaa añave, oime ko reiko Israel iñemuña reta ndive vae, jare che ko nderembiokuai vae, jare ndeporookuai rupi ayapo opaete kuae mbaembae reta vae!

1 REYES 19:5

Jare oyapakua ɨvɨra igüɨ pe jare oke; jare ɨma katu yave ou metei araɨgua oñátai, jare jei chupe: “Epüa ekaru.”

1 REYES 19:7

Jare ou ye yandeYa iaraɨgua mokoía ma, oñátai jare jei chupe: “Epüa ekaru, echa mombɨrɨ ko oï reguata vaerä.”

1 REYES 21:17

Jayave yandeYa imiari Elías, Tisbe pegua pe, jei reve:

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

2 REYES 1:6

Jae reta jei: —Metei kuimbae orerövaiti jare jei oreve: Peyerova ye jókuae mburuvicha guasu pembou vae kotɨ, jare pere chupe: “Körai jei yandeYa: ¿Mbaetɨ pa Israel pe Tumpa, nde remondo vaerä reparandu Baal-zebub tumpa Ecrón pegua pe? Ngaraa ma repüa jókuae nderupa güi, remanota.”

2 REYES 1:8

Jare jae reta jei chupe: —Metei kuimbae jemimonde camello jaagüe pegua, jare ikuakuaa guasupi pegua vae. Jayave mburuvicha guasu jei: —¡Elías Tisbe pegua ko!

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

2 REYES 5:8

Eliseo, Tumpa iñeemombeúa oikuaa mburuvicha guasu Israel pegua omondoro jemimonde yave, omondo jeiuka mburuvicha guasu pe: “¡Remondoroiño ma nderemimonde! Tou jókuae kuimbae chekotɨ, oikuaa vaerä oime ko ñeemombeúa Israel pe vae.”

SALMOS 76:1

Tumpa regua, Judá pegua reta oikuaa kavi yae; Israel pe jërakua yae ko jee.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

JONÁS 2:8

Ikavimbae omomoe vae reta ndeporoparareko güi ko osɨrɨ reta.

San Marcos 3:22

Jare mborookuai re oporomboe vae yogüeru Jerusalén güi vae reta jei: “Aña guasu Beelzebú jee vae oya ma jese, jae aña guasu imbaepuere rupi ko ombosɨrɨ aña reta oya jese vae reta güi.”

Hechos 8:26

Jayave metei yandeYa iaraɨgua jei Felipe pe: “Epüa ekua arayevɨ kotɨ tape Jerusalén güi ojo Gaza kotɨ vae rupi.” Kuae tape oasa ñuu rupi.

1 SAMUEL 17:46

Jae nemeeta añave chepo pe, che romoamɨrita jare neäka ayasɨata, jare ameeta añave nderete jare filisteo reta jetegüe chucha reta pe jare mbaeporou reta ñana rupigua pe; jökorai opaete ɨvɨ ipo reta oikuaata Tumpa oime ko Israel iñemuña reta ndive vae.