2 REYES 1:2 - Biblia Guarani Tumpa Iñee

² Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

2 REYES 1:2 ပူးပေါင်းရင်းမြစ်များ

1 REYES 11:33

chereeya reta vae jeko pegua, jare omboete reta Astoret, Sidón pegua reta itumpa kuña, jare Quemos Moab pegua reta itumpa, jare Moloc Amón iñemuña reta itumpa; mbaetɨ oguata reta cheremimbota rupi, oyapo reta vaerä sɨmbi vae cheresa róvai, jare cheporookuai reta, tu David oyapo rami.

1 REYES 14:3

Jare eraja ndepo pe payandepo mbɨyape, jare torta, jare metei jɨru ei, jare ekua ikotɨ, omombeu vaerä ndeve maratuta ra kuae michia vae.

1 REYES 22:34

Ërei metei sundaro omondo juvɨ güɨramoi pegua, jare ombopere mburuvicha guasu Israel pegua, jemimonde ipäu rupi. Jayave jei ikäretou imboguataa pe: —Eroyerova käretou, cherenoe kuae ñeraroa güi, tuicha yae chepere.

1 REYES 22:40

Acab omano, jare taɨ Ocozías oguapɨ jekovia pe mburuvicha guasurä.

2 REYES 1:16

jare jei chupe: —Körai jei yandeYa: “Remondo ñee jerajaa reta oparandu vaerä Baal-zebub tumpa Ecrón pegua pe, ¿mbaetɨ pa Israel pe Tumpa, reparandu vaerä chupe? Kuae jeko pegua ngaraa ma repüa jókuae nderupa güi, echa remanota.”

2 REYES 1:3

Jayave yandeYa iaraɨgua jei Elías Tisbe pegua pe: “Epüa ekua eövaiti mburuvicha guasu Samaria pegua iñee jerajaa reta, jare ere chupe reta: ¿Mbaetɨ pa Israel pe Tumpa, peo vaerä peparandu Baal-zebub tumpa Ecrón pegua pe?

2 REYES 1:6

Jae reta jei: —Metei kuimbae orerövaiti jare jei oreve: Peyerova ye jókuae mburuvicha guasu pembou vae kotɨ, jare pere chupe: “Körai jei yandeYa: ¿Mbaetɨ pa Israel pe Tumpa, nde remondo vaerä reparandu Baal-zebub tumpa Ecrón pegua pe? Ngaraa ma repüa jókuae nderupa güi, remanota.”

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

JOB 31:3

¿Jeko pɨ̈chɨi vae retaä yera osusereta, ani iyoa vae reta?

CANTARES 2:9

Aaɨu vae, guasu ani guasukaka taɨrusu vae rami ko. ¡Mase, ko ma okupe pe oï, omae ventana rupi, omae vɨari ventana re oyeasa vae reta ipäu rupi!

ISAÍAS 19:3

Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

ISAÍAS 2:6

CheYa, añetete reeya kuae tëta ndembae vae, Jacob iñemuña reta, echa kuae ɨvɨ pe tɨnɨe oï teko oyereru kuaraɨ oëa kotɨ güi vae, jare omomora reta susere oimeta vae re omombeu reta, filisteo reta rami, jare oyapo reta ñererökuavee päve ketɨgua reta ndive.

ISAÍAS 37:12

¿Cheñemuñagüe reta opa omboai tëtaguasu reta vae oepɨ yera itumpa-raanga reta? ¿Oepɨ yera tëta Gozán, Harán, Resef jare Edén pegua reta yogüɨreko Telasar pe vae?

ISAÍAS 37:19

jare opa jókuae tëtaguasu reta itumpa-raanga reta oapɨ oeya, echa tumpa eteä, kuimbae reta ipo pe oyapogüeño, ɨvɨra jare ita peguaño ko. Jáeramo ko opa reta omboai.

San Mateo 10:25

Jaekaviño ko oyemboe, imboea ramiño. Jare jaekaviño vi ko tembiokuai, iya ramiño. Metei o pe tenondegua vae pe ‘Beelzebú’ jei vae yave, vɨtei pa taɨ reta pe.

San Marcos 3:22

Jare mborookuai re oporomboe vae yogüeru Jerusalén güi vae reta jei: “Aña guasu Beelzebú jee vae oya ma jese, jae aña guasu imbaepuere rupi ko ombosɨrɨ aña reta oya jese vae reta güi.”

San Lucas 11:15

Ërei amogüe vae jei: “Añaguasu Beelzebú imbaepuere rupi ko ombosɨrɨ aña reta oya jese vae reta güi.”

Hechos 20:9

jare metei kunumi Eutico jee vae oguapɨ oï ventana pe, jare täta jopeɨ oï, Pablo jeiete puku oporomboe ramo kunumi oke jare oa jókuae o mboapɨ yoaramboa güi oka kotɨ ɨvɨ pe. Jare omopüa reta jëogüegüe.

JOSUÉ 15:11

javoi oë ɨvɨtɨ ikúa rupi, Ecrón güi ɨvɨtuguasu kotɨ, jare oyere Sicrón kotɨ, jare oasa ɨvɨtɨ Baala rupi, jare oë Jabneel rupi ojo iyapɨ ɨguasu pe.

JUECES 11:24

Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.

JUECES 5:28

Sísara ichɨ oyemoambeko, omae ventana rupi, jare jei: ‘¿Maera ra ikäretou mbaetɨño ou oväe? ¿Maera ra ikäretou ñeraro pegua ou raiviä?’

1 SAMUEL 5:10

Jayave güɨroyakavo reta yandeYa ikäjou tëta Ecrón pe, jare joko pe yogüɨreko vae reta osapúkai jei: “¡Güeru reta Israel iñemuña reta iTumpa ikäjou yandeve opa vaerä yandeyukauka!”