2 Pedro 3:7 - Biblia Guarani Tumpa Iñee

⁷ Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

Nuevo Testamento Guaraní Pe

⁷ Erei Tumpa omombeu ñandeve quirai mbaembae ara re añave ñogüɨnoi vae jare ɨvɨ vi oyovaqueñota oi omboai regua tata pe. Echa jocoraita Tumpa oyapo, ojaa mbaeti oyapo jeigüe vae reta yave. Jayave jae omondo retata tata guasu pe.

2 Pedro 3:7 ပူးပေါင်းရင်းမြစ်များ

SALMOS 102:26

Jae reta opata ko okañɨtei, ërei nde reiko aveita; opaete jókuae reta temimonde rami ko indechita; ¡temimonde rami reipoepɨta, jare oyepoepɨ retata!

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

ISAÍAS 51:6

Pemae ara kotɨ, pemae ɨvɨ re; echa ara ipo reta opata okañɨ tätati rami, ɨvɨ indechita temimonde indechi vae rami, jare pɨpegua reta jaeramiño vi opa eteita okañɨtei. Ërei cheporogüɨroasayepe jekuae aveita, jare cheporojäa ngaraai iyapɨ.

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

DANIEL 7:9

Amaeño aiko, opa regua oñeñono guapɨa reta mborookuaía pegua, jare metei Ndechi Tenondegua ete oguapɨ. Jemimonde tïi iroɨ rami, jare ia vecharaagüe ikɨambae rami. Iguapɨa jare iruera reta tata rami.

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Mateo 10:15

Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

San Mateo 11:22

Ërei che jae peve, Tumpa ojäa yave ɨvɨ pegua reta, pe Corazín jare Betsaida peiporara yaeta Tiro jare Sidón oiporara vae güi.

San Mateo 11:24

Ërei che jae peve, Tumpa ojäa ɨvɨ pegua reta yave, Capernaum pegua reta oiporara yaeta Sodoma pegua reta güi.”

San Mateo 12:36

Ërei che jae peve, opaete kia jei jeiiño vae re ave oñejäaukata ko Tumpa iporojäa iara pe.

San Mateo 24:35

Ara jare ɨvɨ opata ko, ërei cheñee reta ngaraa opa.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Marcos 6:11

Jare oime yave kia pe mbaetɨ oipota pemboresive ani oipotaä oyeapɨsaka peré yave, peë joko güi, jare pemotumo pepɨ ɨvɨkúi güi, oikuaa vaerä jae reta ko teko güɨnoi. Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

1 Corintios 3:13

metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.

Filipenses 1:28

jare agüɨye pekɨɨye oyovaicho pekotɨ vae reta güi. Echa kuae oechauka jae reta ko kañɨtei peguarä, ërei peve ko yemboasa peguarä; kuae ko ou Tumpa güi.

2 Tesalonicenses 2:3

Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.

1 Timoteo 6:9

Ërei oipota oikokatu vae reta mbaetɨ ipɨaguasu, oa mbaeyoa pe, jare jeta mbaepotarai ikavimbae vae pe. Jare oñeäka pɨpɨ mbaesusere jare kañɨtei pe.

Hebreos 12:29

echa ñaneTumpa ko tata opaetei oapɨ mbae oeya vae rami vae.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.

2 Pedro 3:10

Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.

2 Pedro 3:12

Peäro peipota yae reve Tumpa iporojäa iara. Echa jayave ara reta jendɨ reve opata oyemboai. Jare opaete mbaembae jendɨ reve tɨkuita.

1 Juan 4:17

Jare kuae re okuakuaa mboroaɨu yanderé, yandepuere vaerä ñaï Tumpa jóvai yakɨɨyembae reve jókuae iporojäa iara pe. Echa kuae ɨvɨ pe yaiko ramboeve, jae rami ko yaiko.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.

Apocalipsis 17:11

Jare jókuae mbaemɨmba guasu oikose ërei mbaetɨ ma oiko vae jae ko juría mburuvicha guasurä vae. Ërei jókuae chiu vae güiño oëta jare jae ojota vi kañɨtei pe.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 21:1

Javoi aecha ara ipɨau vae jare ɨvɨ ipɨau vae. Echa ara jare ɨvɨ tenonde oiko vae opa oasa, jaeramiño vi mbaetɨ ma ɨguasu.