2 Pedro 3:3 - Biblia Guarani Tumpa Iñee

³ Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,

Nuevo Testamento Guaraní Pe

³ Aipota peicuaa vaera cuae rani: Ara taɨcuegua reta pe amogüe vae oyoyaita Tumpa iñee omombeu vae reta. Yogüɨrecota jemimbota reño.

2 Pedro 3:3 ပူးပေါင်းရင်းမြစ်များ

PROVERBIOS 1:22

“Pe, yarakuaambae reta, peporoyóyai yóyai vae reta, ¿kërai yave regua pa peröɨrota arakuaa katu? ¿Kërai yave regua pa peporoyóyai yoyaita?

PROVERBIOS 14:6

Oporoyóyai yóyai vae, oeka arakuaa katu, ërei mbaetɨ ipuere oväe; ërei yarakuaa katu vae pe, mbaetɨ etei yavai.

PROVERBIOS 3:34

Añetete jae oyóyai yoyaita oporoyóyai yóyai vae reta, ërei ipɨakavi oñemomichi vae reta pe.

ISAÍAS 28:14

Jáeramo, peyeapɨsaka yandeYa iñee re, pe, kuimbae oporoyóyai yóyai vae reta, kuae tëta Jerusalén juvicha reta.

ISAÍAS 29:20

Echa opata ipɨarai vae reta, jare ipɨayemboete vae reta opata, jare opata okañɨ ikavimbaeño oyemongeta oyapo vaerä vae reta,

ISAÍAS 5:19

Pe reta pere: “Tumpa toyapo, jae oipota oyapo vae, yaecha vaerä; Israel pegua Tumpa Iyoambae toyapo jarembae pegua iyemongeta, yaikuaa vaerä.”

OSEAS 7:5

Yanderuvicha guasu iaño iara pe, mburuvicha reta ombosavaɨpo juvicha guasu ivino pe. ¡Javoi mburuvicha guasu oñemoïru oporoyóyai yóyai vae reta ndive!

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

2 Timoteo 3:1

Aipota vi reikuaa kavi kuae: Ara taɨkuegua reta pe, mbaetɨ eteita ikavi teko reta.

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

2 Pedro 1:20

ërei peikuaa kavi, kërai Tumpa Iñee pe oñemoërakua vae ikuatiaa iyeugüi aeñoä ko oikuatía;

2 Pedro 2:10

Jae ko omomoe soo jemimbota pɨ̈chɨi vae oyapo vae reta jare güɨröɨro reta yandeYa imbaepuere. Ipɨayemboete reta jare ñäteɨ oyapo mburuvicha reta jei vae, mbaetɨ oipoɨu reta jei vaerä ikavimbae vae Tumpa iaraɨgua reta kotɨ;

1 Juan 2:18

Cheraɨ aaɨu vae reta, oväe ara taɨkuegua. Peendu kërai Cristo re oyemboyovaicho vae oime ou, ërei añave oime ñogüɨnoi jeta Cristo re oyemboyovaicho vae reta. Jáeramo yaikuaa ou ma ko oväe ara taɨkuegua.

Judas 1:16

Jae reta ko iñeenguru vae reta, oporoangao vae reta, yogüɨreko ipɨa jemimbota reño vae reta. Jae reta imiari oyemboete reve, iñee kavi jaanga reta oipota ïru vae reta omee mbae chupe ramo.

Judas 1:18

echa jae reta jei yepi peve: “Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño vae yogüɨreko vae reta.”