2 Pedro 3:11 - Biblia Guarani Tumpa Iñee

¹¹ Jare peikuaa ma opaete mbaembae añave yaecha vae opata oyemboai, jáeramo ¡ikavi ko peiko vaerä peyoambae reve, Tumpa pemboete reve!

Nuevo Testamento Guaraní Pe

¹¹ Jae rambue peico cavi peyoa mbae reve jare jecuaeño peyapo Tumpa jeigüe. Echa peicuaa opaete mbaembae añave yaecha vae opata ócai.

2 Pedro 3:11 ပူးပေါင်းရင်းမြစ်များ

SALMOS 37:14

Iyoa vae reta güɨnoe ikɨsepuku jɨru güi jare omoata igüɨrapa, oyuka vaerä paravete vae jare mbae oata chupe vae, ¡oyuka vaerä jeko kavi vae reta!

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

SALMOS 75:3

Ɨvɨ okana opaete pɨpe yogüɨreko vae reta ndive yave, che ko ayoko iguapɨka reta.”

ISAÍAS 14:31

¡Neräse tëta guasu jöke, pesapúkai, tëta guasu reta Filistea pegua! Echa ɨvɨtuguasu kotɨ güi outa tätati rami sundaro reta; chugüi reta mbaetɨta metei ave ipɨtu vae.

ISAÍAS 24:19

Ɨvɨ okanata täta yae, opaeteita oyemboai, okanata jare opaeteita jaɨ jaɨ.

ISAÍAS 34:4

Jare opaete ara ipo reta, opata oyemboai, ara opata yapúa tupapire rami, jare yasɨtata reta opata oa, uva joogüe osururu rami ani ɨva joogüe osururu rami.

San Mateo 8:27

Jare jemimboe reta ipɨakañɨ reve jei: —¿Mbae nunga kuimbae pa kuae? Ɨvɨtu jare ɨguasu ave oyapo jae oyokuaigüe.

Romanos 13:11

Pemae mbae ara pe ma yaiko, jare peikuaa oväe ma ko ara ñaïndaivi vaerä, echa köiño yae ma oï yandemboasa ete vaerä, yaporogüɨrovia ramo yave vae güi,

Romanos 13:12

Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 3:20

Ërei ñanerëta ara pe ko oï, jare ñaäro ñaï joko güi ou vaerä Yandemboasa vae, jae ko yandeYa Jesucristo,

1 Tesalonicenses 1:5

Echa ñee ikavi vae romombeu peve yave mbaetɨ romombeu peve ñee rupiño, Espíritu Santo imbaepuere rupi ko jare roikuaa kavi añetete ko ñee ikavi vae. Jare peikuaa kavi kërai rojo pepɨte pe, mboroaɨu reve.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

1 Timoteo 6:3

Kia oporomboe ambuae mboromboe re, jare mbaetɨ güɨrovia mboromboe añete vae yandeYa Jesucristo regua jare mboromboe añete vae kërai yamboete vaerä Tumpa vae,

1 Timoteo 6:6

Ërei yamboete Tumpa jare yandepɨakatu vae ko, ngana tuichagüe;

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

Santiago 1:24

Omae iyé jare ojo, ërei joko güi ojo ñoete, ñakañɨ kërai ko jova vae güi.

Santiago 3:13

Oime yave kia pepɨte pe iyarakuaa vae, toiko kavi. Toechauka jembiapo reta rupi jeko kavi oñemomichi reve kavi.

1 Pedro 1:15

ërei peiko iyoambae, jókuae pereenɨi vae iyoambae vae rami; peiko peyoambae opaete mbae peyapo vae rupi;

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

2 Pedro 1:3

Tumpa omee yandeve imbaepuere rupi yaiko vaerä jare yamboete vaerä; jare opaete kuae ñanoi yaikuaa ramo jókuae yandeparavo iyemboetea jare tuichagüe yae rupi vae.

2 Pedro 1:6

arakuaa katu pemomɨ̈rata yeopia soo jemimbota pe; yeopia soo jemimbota pemomɨ̈rata mbɨaguasu pe; mbɨaguasu pemomɨ̈rata Tumpa imboete pe;

2 Pedro 3:10

Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.

2 Pedro 3:12

Peäro peipota yae reve Tumpa iporojäa iara. Echa jayave ara reta jendɨ reve opata oyemboai. Jare opaete mbaembae jendɨ reve tɨkuita.