2 Pedro 3:10 - Biblia Guarani Tumpa Iñee

¹⁰ Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.

Nuevo Testamento Guaraní Pe

¹⁰ Erei ñandeYa iara outa co metei imonda vae pɨtu yave ou mbaembae oñomi vaera rami. Jare ñandeYa iara pe opaete mbaembae ara re añave yaecha vae oñemboaita jɨapu yae reve. Jacu yaeta co jare opaete mbaembae opata ócai. Ɨvɨ vi jare opaete mbaembae ɨvɨ pe ñogüɨnoi vae ocaita co.

2 Pedro 3:10 ပူးပေါင်းရင်းမြစ်များ

SALMOS 102:26

Jae reta opata ko okañɨtei, ërei nde reiko aveita; opaete jókuae reta temimonde rami ko indechita; ¡temimonde rami reipoepɨta, jare oyepoepɨ retata!

SALMOS 46:6

Jäsémbai tëtaguasu pegua reta, orɨrɨi mborookuaía reta, iñee omoë yave, ɨvɨ opa tɨkui.

SALMOS 97:5

Ɨvɨtɨ guasu reta tɨkui iraitɨ rami yandeYa jóvai, kuae ɨvɨ iya jóvai.

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 24:19

Ɨvɨ okanata täta yae, opaeteita oyemboai, okanata jare opaeteita jaɨ jaɨ.

ISAÍAS 34:4

Jare opaete ara ipo reta, opata oyemboai, ara opata yapúa tupapire rami, jare yasɨtata reta opata oa, uva joogüe osururu rami ani ɨva joogüe osururu rami.

ISAÍAS 51:6

Pemae ara kotɨ, pemae ɨvɨ re; echa ara ipo reta opata okañɨ tätati rami, ɨvɨ indechita temimonde indechi vae rami, jare pɨpegua reta jaeramiño vi opa eteita okañɨtei. Ërei cheporogüɨroasayepe jekuae aveita, jare cheporojäa ngaraai iyapɨ.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

JOEL 2:1

Pemoñee mimbɨguasu ɨvɨtɨ Sión pe; pemoñee yemombarandu cheɨvɨtɨ oñeñono tee vae re, perɨrɨi opaete, pe kuae ɨvɨ ipo reta, echa yandeYa iporojäa iara köi ma oï.

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

JOEL 3:14

Jeta yae vae ou ɨvɨtɨ päu ipe kavi vae Kïreɨ jee vae pe, echa köi yae ma oï yandeYa iporojäa iara.

AMÓS 9:13

YandeYa jei: “¡Mase! Outa oväe metei ara, oimeño vɨteri mbaarɨvo ramboeve, oväe yeta ma ɨvɨ oyeara vaerä, jare uva ndeiño opa oñetɨami ramboeve oväe yeta ma maetɨ iara; jare ɨvɨtɨ rupi jeta yaeta oñemuña uva.

AMÓS 9:5

Tumpa, yandeYa Imbaepuere yae ete vae opoko ɨvɨ re yave, ɨvɨ tɨkui, jare oyaeo opaete pɨpegua reta; ¡tuichata ɨ ɨ̈aka pe rami, jare jagüeta ɨ̈aka Egipto pegua rami!

MIQUEAS 1:4

Jare jókuae ɨvɨtɨ guasu reta opata tɨkui iraitɨ tata pe oï rami, jare ɨvɨtɨ päu ipe kavi vae reta opata oñemoɨ̈aka-soro, ɨ oa ɨ̈vavira rupi rami.

NAHUM 1:5

Ɨvɨtɨ guasu reta okana jae jóvai; ɨ̈vavira reta opa tɨkui jae jóvai. Opaete ɨvɨ jare opaete yogüɨreko pɨpe vae ipɨakɨɨye yae oyekuaa yave.

MALAQUÍAS 4:5

Mase, ambouta peve ñeemombeúa Elías, ndei ou mbove yandeYa iporojäa iara, tuicha yae jare yavaete yaeta vae.

San Mateo 24:35

Ara jare ɨvɨ opata ko, ërei cheñee reta ngaraa opa.

San Marcos 13:31

Ara jare ɨvɨ opata ko, ërei cheñee reta ngaraa opa.

San Lucas 12:39

Mase: Metei o iya oikuaa yave mona mbae ora pe outa imonda vae omaeñomi, oärota tëi ko jare ngaraa ko omaeño imonda vae omaeño oike jo pe.

Romanos 8:20

Echa Tumpa jembiapo ikavi yae vae opa oikomegua, ërei iyeugüi aeñoä jökorai opɨta; echa Tumpa ngaraa omaeño jökorai opɨta;

1 Corintios 1:8

Tumpa jekuaeño tapemomɨ̈rata jae ou ye regua, agüɨye vaerä kia ipuere pemboeko mbae re Jesucristo iväea iara pe.

1 Corintios 5:5

jókuae kuimbae toñemee Satanás ipo pe okañɨtei vaerä jete, jare jekove oyemboasaukata yandeYa ou ye yave.

2 Corintios 1:14

echa pe reta peyerovia oreré. Jaeramiño vi ore royeroviata peré yandeYa Jesús ou ye yave.

1 Tesalonicenses 5:2

Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,

1 Tesalonicenses 5:4

Ërei pe cherɨvɨ reta mbaetɨ ko peï pɨtumimbi pe, jókuae ara peresapɨa vaerä imonda vae rami.

2 Pedro 3:11

Jare peikuaa ma opaete mbaembae añave yaecha vae opata oyemboai, jáeramo ¡ikavi ko peiko vaerä peyoambae reve, Tumpa pemboete reve!

2 Pedro 3:12

Peäro peipota yae reve Tumpa iporojäa iara. Echa jayave ara reta jendɨ reve opata oyemboai. Jare opaete mbaembae jendɨ reve tɨkuita.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

Judas 1:6

Jare araɨgua reta mbaetɨ opɨta Tumpa oñonoa pe vae, jaeño oeya reta oikoa, jáeramo Tumpa oyokenda oñono reta pɨtumimbi pe, tembipɨɨrɨru opambae pe, Tumpa iporojäa iara peguarä.

Apocalipsis 16:15

YandeYa jei: “Mase, ko ayu imonda vae rami, oyerovia ko jókuae oñemokätɨro vae, jare jemimonde omongɨambae vae, agüɨye vaerä inandi reta jare güɨromara inandi.”

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 21:1

Javoi aecha ara ipɨau vae jare ɨvɨ ipɨau vae. Echa ara jare ɨvɨ tenonde oiko vae opa oasa, jaeramiño vi mbaetɨ ma ɨguasu.

Apocalipsis 3:3

Jáeramo, nemaendúa Tumpa güi remboresive jare reendu vae re. Eñemomɨ̈rata jókuae re, jare eeya ndeyemongeta ikavimbae vae ndepɨa pe oï vae. Echa mbaetɨ resareko reï yave, ayuta ndeve imonda vae rami, jare ngaraa reikuaa kërai yave ra ayuta ndeve.

Apocalipsis 6:14

Jare ara opa yapúa tupapire rami; jare opaete ɨvɨtɨ reta jare ɨguasu päu pegua ɨvɨ reta oyembosɨrɨ jenda güi.