2 Pedro 2:3 - Biblia Guarani Tumpa Iñee

³ Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

Nuevo Testamento Guaraní Pe

³ Jare oporombotavɨ vae reta oipotata pembaembae jare pembotavɨta opɨro vaera pegüi pembaembae. Erei ɨma ma Tumpa ojaa reta güire. Jae rambue güɨrocomegua retata ɨmambae.

2 Pedro 2:3 ပူးပေါင်းရင်းမြစ်များ

JOB 6:27

¡Pepoki pemee vaerä tɨ̈reɨ, jare pemee vaerä pevɨa-ïru!

SALMOS 18:44

Oendu reta yave cheregua, oyapo reta cheporookuai, ketɨgua reta vi chemboete.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

SALMOS 81:15

YandeYa imotareɨa reta opata tëi ko iñamɨri, jökoraita tëi opɨta reta jekuae avei pegua.

ISAÍAS 5:19

Pe reta pere: “Tumpa toyapo, jae oipota oyapo vae, yaecha vaerä; Israel pegua Tumpa Iyoambae toyapo jarembae pegua iyemongeta, yaikuaa vaerä.”

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

ISAÍAS 60:22

Kuae mbovɨ yae vae, oyembojeta yaeta; kuae tëta michi yae vae, tëtaguasu tuicha yae vaerä ko. Che ndeYa, ameeta oyembopo vaerä jarembae, iara pe kavi.”

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

EZEQUIEL 13:19

Pe reta metei poagua cebada re jare mbovɨ mbɨyape re chemboeteä chembae vae reta jóvai; peyuka kia mbaetɨta tëi omano vae, jare pemaeño oikove jókuae mbaetɨta tëi ma oiko vae. Jökorai pembotavɨ chembae vae reta oyeapɨsaka apu re vae.’

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

HABACUC 3:3

Tumpa ou ɨvɨ Temán güi: Tumpa Iyoambae ou ɨvɨtɨ Parán güi. Iyemboetea oñemoai opaete ara re jare opaete ɨvɨ tɨnɨe imbaemboetea.

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

San Mateo 23:14

¡Paravete pe jova mókoi vae reta! Mborookuai re oporomboe vae reta jare fariseo reta. Echa pepɨ̈ro imemano vae reta güi imbaembae, jare peyereroviauka vaerä puku peyerure Tumpa pe añetegüe nunga. Jáeramo peiporara yaeta ko.

San Lucas 18:8

Che jae peve, jarembae voi ko oepɨ retata. Ërei che Kuimbaerä ayeapo vae ayu ye yave, ¿aväeta ra oporogüɨrovia vae reta?”

San Lucas 20:20

Jare oipïaro reta Jesús. Jáeramo omondo vi ïru vae reta oipïaro vaerä Jesús; jae reta oyeapo jupi vae rami oyavɨuka vaerä chupe iñee rupi aeño, ipuere vaerä omboeterenga mburuvicha ipo pe.

San Lucas 22:47

Jare imiari vɨteri oï ramboeve, oyekuaa jeta vae. Jare Judas, doce vae güi metei vae ou jókuae jeta vae jenonde. Ou oväe Jesús oïa pe yave, oovapɨte.

San Juan 2:16

Jare jei pɨkasu imeea reta pe: —Penoe kuae reta kuae güi. CheRu jo agüɨye peyapo maemee renda.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

1 Tesalonicenses 2:5

Echa mbaetɨ etei ko roiporu ñee-yukɨ, pe peikuaa rami, mbaetɨ vi orembaepotarai vɨari. Tumpa ko orekuaa.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

1 Timoteo 3:8

Jaeramiño vi oporogüɨrovia vae reta imborɨa reta toiko reta jupi rupi kavi, agüɨye toipoepɨ katu iyemongeta, agüɨye tikause, agüɨye tomonganaiño jupimbae reve;

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.

1 Pedro 5:2

Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,

2 Pedro 1:16

Roikuaauka peve yandeYa Jesucristo imbaepuere jare kërai jae ou yeta ko vae, mbaetɨ ko roikuaauka peve arakae ndaye oyeapo katugüe. Echa roecha etei ko yandeYa imbaepuere.

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.

Judas 1:15

ojäata vaerä opaete vae, oiporarauka vaerä opaete iyoa vae jupimbae oyapo vae reta pe, jare opaete ñee ikavimbae vae iyoa vae reta jei ikotɨ vae pe.”

Judas 1:16

Jae reta ko iñeenguru vae reta, oporoangao vae reta, yogüɨreko ipɨa jemimbota reño vae reta. Jae reta imiari oyemboete reve, iñee kavi jaanga reta oipota ïru vae reta omee mbae chupe ramo.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.