2 Pedro 2:2 - Biblia Guarani Tumpa Iñee

² Jare jeta vae omomoeta jae reta iporomboe kavimbae, jae jeko pegua ïru vae reta jeita ñee ikavimbae mboromboe añete vae kotɨ.

Nuevo Testamento Guaraní Pe

² Jare jeta vae oyapota pochɨi vae oporombotavɨ vae reta omombeuta chupe reta oyapo vaera vae. Jare cuae jeco pegua iru vae reta jeita icavi mbae vae moromboe añete vae cotɨ.

2 Pedro 2:2 ပူးပေါင်းရင်းမြစ်များ

GÉNESIS 19:5

Jare oenɨi reta Lot, jare jei reta chupe: —¿Jama pa jókuae kuimbae reta yogüeru kuae pɨ̈tu ndépɨri vae? Enoe oreve, orekɨ̈reɨ roikuaa.

SALMOS 18:21

echa che aiko yandeYa jemimbota rupi, ¡mbaetɨ ayembosɨrɨ mbaeyoa rupi cheTumpa güi!

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 7:14

Echa ipɨmii ko öke jare tape ojo tekove opambae kotɨ. Jare mbovɨ yae ko oväe jókuae öke vae.

San Marcos 12:14

Jare yogüeru oväe yave, jei Jesús pe: —Oporomboe vae, roikuaa nde rere vae añete ko. Nde mbaetɨ reipoɨu kia güi ave, echa nde mbaetɨ remae kuimbae jova reño. Nde reporomboe kavi Tumpa jemimbota re. ¿César okovara vae jupi pa yamboepɨ vaerä?, ani ¿mbaetɨ pa? ¿Yamboepɨta pa chupe?, ani ¿mbaetɨta pa?

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

Hechos 13:10

jare jei chupe: —Aña guasu taɨ, oporombotavɨ vae, ikavimbae vae iyapoa, ¿jekuaeñota pa remboavai yandeYa jape güi vae?

Hechos 14:2

Ërei judío oporogüɨroviambae vae reta omboemboe judiombae vae reta oporogüɨrovia vae reta kotɨ.

Hechos 16:17

Kuae kuñatai ou oreraɨkue, jare osapúkai reve jei: —¡Kuae kuimbae reta Tumpa Tuichagüe yae vae jembiokuai reta ko. Jae reta omoërakua peve yemboasa regua!

Hechos 18:26

Jae omboɨpɨ imiari okɨɨyembae reve judío reta itupao pe. Ërei Priscila jare Aquila oendu yave jei vae, güɨraja imiari jae ndive jaeño pe, jare omboe kavi Tumpa jemimbota re.

Hechos 19:9

Ërei amogüe ipɨatäta jare mbaetɨ oipota güɨrovia, jei reta ñee ikavimbae vae tëta guasu pegua reta jovake Tape pɨau kotɨ. Jayave Pablo ojo chugüi reta, jare güɨraja jae ndive oporogüɨrovia vae reta, jare oyoaka ara ñavo Tiranno jee vae oporomboea pe.

Hechos 22:4

Che ayapo ikavimbae vae opaete Tape pɨau rupigua reta pe ayuka regua. Aipɨɨ añoñauka tembipɨɨrɨru pe kuimbae reta jare kuña reta.

Hechos 24:14

Ërei kuae amombeu ndeve. Che aguata Tape pɨau pe, ayeokuai cheñemuñagüe reta iTumpa pe, judío reta ombojee mboromboe añetembae pe vae. Arovia reve opaete mborookuai pe oyekuatía oï vae, jare ñeemombeúa reta oikuatiagüe.

Romanos 2:24

Echa Tumpa Iñee pe oyekuatía oï körai: “Judiombae vae reta jei ikavimbae vae Tumpa kotɨ pereko pegua.”

1 Timoteo 5:14

Jáeramo, aipota imemano vae taɨrusu vae reta omenda ye, timembɨ reta, togüɨroata kavi jo pegua reta, agüɨye vaerä oñemoëgua oyeangaouka vaerä tovaicho pe.

Tito 2:5

oyeandu vaerä, jare tikɨambae Tumpa jóvai, oyangareko kavi vaerä jo re, ipɨakavi vaerä, oiko vaerä ime jeia re, agüɨye vaerä jeiuka ikavimbae vae Tumpa iñee kotɨ.

Tito 2:8

eiporu ñee reta ikavi vae, agüɨye vaerä kia ndemboeko rere vae re, oyovaicho ndekotɨ vae imara vaerä, agüɨye vaerä jei mbae ikavimbae vae ndekotɨ.

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

2 Pedro 2:12

Ërei jókuae jupimbae vae oyapo vae reta jei ikavimbae vae oikuaambae vae kotɨ. Jae reta ko mɨmba reta iyarakuaambae reta rami jókuae oyepɨɨ jare oyeyuka vaerä rami. Jökorai okañɨtei retata.

2 Pedro 2:15

Echa oeya reta tape isɨmbi vae, jare opa jopa reta, omomoe reta Balaam, Beor taɨ jeko, echa Balaam oaɨu yae korepoti jupimbae vae oyapo vae rupi omongana vae;

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

2 Pedro 2:21

Echa ikavi ko agüɨye etei oikuaa viña jupi vae regua, jare oyerova ye mborookuai oñemee chupe vae güi.

2 Pedro 2:7

Ërei Tumpa güɨroasayepe Lot. Echa jae jupi jare oyembopɨaä mbaembae pɨ̈chɨi vae jókuae jekopochɨ vae reta oyapogüe re.

Judas 1:10

Ërei mboromboe añetembae re oporomboe vae reta jei ñee ikavimbae vae oikuaambae vae kotɨ. Jae reta mɨmba reta oikuaa ramiño ko oikuaa. Echa yogüɨreko jei vae reño.

Judas 1:15

ojäata vaerä opaete vae, oiporarauka vaerä opaete iyoa vae jupimbae oyapo vae reta pe, jare opaete ñee ikavimbae vae iyoa vae reta jei ikotɨ vae pe.”

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.