2 Pedro 2:12 - Biblia Guarani Tumpa Iñee

¹² Ërei jókuae jupimbae vae oyapo vae reta jei ikavimbae vae oikuaambae vae kotɨ. Jae reta ko mɨmba reta iyarakuaambae reta rami jókuae oyepɨɨ jare oyeyuka vaerä rami. Jökorai okañɨtei retata.

Nuevo Testamento Guaraní Pe

¹² Erei jocuae jupi mbae vae oyapo vae reta jei icavi mbae vae mbaeti oicuaa vae cotɨ. Jae reta maemɨmba reta rami co. Yaipɨɨ jare yayuca maemɨmba reta. Jae ramiño vi jocuae jupi mbae vae oyapo vae reta omanota icavi mbae vae oyapo vae jeco pegua.

2 Pedro 2:12 ပူးပေါင်းရင်းမြစ်များ

SALMOS 49:10

Echa, yarakuaa katu vae reta ave ko omano, okañɨtei vi iyarakuaambae reta rami; jare oeya reta imbaeyekou ïru reta pe.

SALMOS 92:6

¡Jaeño kuimbae mbaetɨ iyarakuaa vae reta mbaetɨ oikuaa kuae regua!

SALMOS 94:8

¡Pe mbaetɨ pearakuaa vae reta, pearakuaa mo peyeupe! Pe mbaetɨ pearakuaa vae reta, ¿kërai yave pa pearakuaata ma peyeupe?

PROVERBIOS 14:32

Iyoa vae, oyemboai jeko kavimbae pe aeño; ërei kuimbae jupi vae, oyeepɨ jeko kavi rupi.

JEREMÍAS 10:21

—Echa kuae tëta re oyangareko vae reta yarakuaambae katuai ko; mbaetɨ oeka reta yandeYa. Jáeramo osusere reta, jare opaetei oñemoai moai vae.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 12:3

Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

JEREMÍAS 5:4

Che jae cheyeupe: Yarakuaambae retaño ko mbaetɨ jeko kavi, echa mbaetɨ oikuaa reta yandeYa jemimbota regua jare iporookuai reta.

EZEQUIEL 21:31

Aitɨta nderé chearasɨ, metei tata jendɨ yavaete vae rami; romeeta kɨɨyea yae reta jare ipïrimbae oporomboai vae reta ipo pe.

San Marcos 7:22

monda reta, mbaepota rai, mbaembae ikavimbae vae, mborombotavɨ, ikuña pota yae ani imbɨa pota yae, moromotareɨ, ñee ikavimbae, pɨarai jare arakuaambae.

San Juan 8:21

Jare Jesús jei ye chupe reta: —Ajata ma kuae güi. Pe reta chereeka tëita ko, ërei pemanota peyoa pe. Pe reta ngaraa pepuere peo che ajataa pe.

Gálatas 6:8

Echa kia oyapo yave isoo jemimbotaño, oarɨvota mano; ërei Espíritu Santo jemimbota oyapo vae, oarɨvota tekove opambae vae.

Colosenses 2:22

Ërei opaete jókuae mbaembae oyemboaita ko oyeporu ramboeve, echa opaete kuae mborookuai reta jare mboromboe reta kuimbae reta oyapogüeño ko.

2 Pedro 1:4

Jókuae mbaembae rupi Tumpa oyapo yandeve morogüɨrökuavee ikavigüe yae jare tuichagüe, jókuae rupi ñanoi ma jae omee yandeve vae, peeya ramo opaete ikavimbae ɨvɨ pegua soo jemimbota rupi oime vae.

2 Pedro 2:19

Jókuae reta güɨrökuavee chupe reta yeyora, ërei jae reta etei ikavimbae vae jembiokuai reta ko. Echa mbaepuere güɨnoi yanderé vae ñanerenoi ipo igüɨ pe.

Judas 1:10

Ërei mboromboe añetembae re oporomboe vae reta jei ñee ikavimbae vae oikuaambae vae kotɨ. Jae reta mɨmba reta oikuaa ramiño ko oikuaa. Echa yogüɨreko jei vae reño.