2 Pedro 2:1 - Biblia Guarani Tumpa Iñee

¹ Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

Nuevo Testamento Guaraní Pe

¹ Erei Israel pegua reta ipɨte pe yogüɨreco aracae amogüe oporombotavɨ vae reta. Jae reta jei yapu reve: Che co jae metei Tumpa iñee omombeu vae. Jae ramiño vi yogüɨrecota pepɨte pe amogüe oporombotavɨ vae reta. Jae reta jeita yapu reve: Che co jae metei Tumpa iñee re oporomboe vae. Jae reta ipoqui yaeta omombeu vaera moromboe mbaeti añete vae. Oipota retata güɨrocomegua Tumpa iparavɨquɨ. Jare oicuacu retata ñandeYa omboepɨ imbaeyoa reta re vae. Erei ɨmambae ñandeYa güɨrocomegua retata.

2 Pedro 2:1 ပူးပေါင်းရင်းမြစ်များ

1 REYES 22:6

Mburuvicha guasu Israel pegua omboatɨ opaete ñeemombeúa reta, oupitɨ cuatrociento rupi, jare oparandu chupe reta: —¿Jaekavi pa aporepeña vaerä tëta Ramot re ɨvɨ Galaad pe ani mbaetɨ pa? Jayave jae reta jei: —Eporepeña jese, echa yandeYa omeeta ndepo pe.

ÉXODO 15:16

¡Toa jese reta ñeiämondo jare kɨɨye! ¡Ndeyɨva imbaepuere jeko pegua topɨta reta kïrii ita rami, opa regua oasa ndembae vae reta, cheYa, opa regua oasa ndembae vae reta reyora vae!

ISAÍAS 9:15

(Iñäka ombojaanga ko tenondegua reta jare mburuvicha reta re, juguai ombojaanga ko ñeemombeúa reta oporomboe apu re vae reta re.)

JEREMÍAS 29:21

YandeYa Imbaepuere yae ete vae, Israel iTumpa jei Acab, Colaías taɨ regua, jare Sedequías, Maasías taɨ regua, kërai jae reta omombeu peve añetembae yandeYa jee re. YandeYa jei körai: ‘Ameeta oa reta vaerä Nabucodonosor, mburuvicha guasu Babilonia pegua ipo pe, jare jae oyuka retata perovakei.

JEREMÍAS 37:19

¿Ketɨ pa oime ñogüɨnoi jókuae ñeemombeúa reta, omoërakua mbaetɨta ko mburuvicha guasu Babilonia pegua opüa peré ani kuae tëtaguasu re vae reta?

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

OSEAS 9:8

Ñeemombeúa jae ko Tumpa pe omae Efraín re vae, ërei pe reta peñono ñuai japerä ñavo pe, jare tupao pe ave omotareɨ reta vae.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 3:5

Körai jei yandeYa, ñeemombeúa reta regua: “Chembae vae reta pe oyavɨuka vae reta jei: ‘Toime mbɨakatu’ jei reta osapúkai omongaru vae reta pe, ërei mbaetɨ omongaru vae reta pe oeka reta ñeraro.”

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 10:33

Ërei kia nunga vae chekuaku yave ïru vae reta jóvai, che vi aikuakuta cheRu ara pe oï vae jóvai.

San Mateo 24:11

Jare jeta ñeemombeuaraanga reta oñemopüata, jare jeta yae ko ombotavɨta vae.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 24:5

Echa yogüeruta jeta cheree re jei reve: “Che ko jae Cristo.” Jare jeta yae ko ombotavɨta vae.

San Mateo 7:15

Peyeandu ñeemombeúa jaanga reta güi. Oyemonde yogüeru pekotɨ vecha reta rami vae, ërei iyɨvɨte ko aguarayaɨmba pochɨ yae vae rami.

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

San Lucas 12:9

Ërei oime yave kia chekuaku ïru vae reta jóvai, che vi aikuakuta Tumpa iaraɨgua reta jóvai.

San Lucas 21:8

Jayave Jesús jei chupe reta: “Peyeandu, agüɨye vaerä petavɨ. Echa yogüeruta jeta cheree re jei reve: ‘Che ko jae Cristo.’ ‘Ou ma ara oväe.’ Ërei agüɨye pekua jupíe.

San Lucas 6:26

¡Paravete, pe reta opaete vae jei ikavi vae pekotɨ yave! Echa jökorai ko iñemuñagüe reta oyapo yepi ñeemombeúa raanga reta pe.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

1 Corintios 11:19

Echa oime tai ko yemboyao reta pepɨte pe, añetete oporogüɨrovia vae reta oyekuaa vaerä pepɨte pe.

1 Corintios 6:20

Echa perete Tumpa oguagüe ko. Jáeramo pemboete Tumpa perete pe jare perekove pe. Echa mókoi reve Tumpa imbae ko.

1 Corintios 7:23

Pe reta ko Tumpa oguagüe vae. Jáeramo agüɨye peyeapo ïru vae reta jembiokuairä.

Gálatas 2:4

jare yepe tëi amogüe oporogüɨrovia raanga vae reta oike vɨari orepɨte pe, orepïaro vaerä kërai ra Cristo oreyora mborookuai güi vae rupi roiko vae, echa oipota roiko ye vaerä mborookuai re.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

Gálatas 4:17

Jókuae pembojopa vae reta jägüɨro yae peré, ërei ikavi vae peguarää. Echa oipota pemombia oregüi, pe reta perägüɨro vaerä jese reta.

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

Colosenses 2:18

Agüɨye kia ave tapeopia Tumpa omeeta peve vae güi, echa amogüe vae oñemomichi raanga, jare omboete araɨgua reta, oechambae reve oecha rami oyeapo reta, oyembotuicha iyemongeta ae re.

Colosenses 2:8

Peyeandu, agüɨye vaerä kia pembotavɨ arakuaa reta mbaeä etei vae rupi, kuimbae reta jeko reta, jare ɨvɨ pegua yemboe reta, mbaetɨ oyeko reta Cristo re.

1 Timoteo 5:8

Ërei kia oyangarekoä jo pegua reta re ani jëtara reta re vae, oikuaku rami ko iporogüɨrovia, oasa ete ye ko oporogüɨroviambae vae güi.

2 Timoteo 4:3

Echa outa ara reta oväe ñäteɨ vaerä ɨvɨ pegua reta oipota oyeapɨsaka mboromboe añete vae re, ërei oeka retata oyeapɨsaka vaerä jemimbota reño oporomboe vae reta re.

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

Tito 3:10

Oime yave kia oporomboyaouka vae, ere chupe metei ani mókoi vese agüɨye vaerä oyapo jökorai. Ërei oipotaä yave oeya jeko, emoë oporogüɨrovia vae reta ipɨte güi,

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

1 Juan 2:26

Körai aikuatía ma peve, oipota pembotavɨ vae reta regua.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.

Judas 1:18

echa jae reta jei yepi peve: “Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño vae yogüɨreko vae reta.”

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 2:13

‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave.

Apocalipsis 2:9

‘Che aikuaa opaete reyapogüe reta, jare kërai reiporara jare ndeparavete vae (ërei reikokatu ko); aikuaa vi kërai jókuae judío jei iyeupe vae reta jei ñee ikavimbae vae ndekotɨ vae, ërei jae reta ko oyeapo Satanás imbae reta.

Apocalipsis 3:8

‘Che aikuaa opaete reyapogüe reta. Mase, ko añono nderóvai öke oyepea oï vae, mbaetɨ kia ipuere oyokenda vae. Echa renoi tëi michi nepɨ̈rata, ërei reyapo che jae vae jare mbaetɨ chekuaku.

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”