2 Pedro 1:8 - Biblia Guarani Tumpa Iñee

⁸ Opaete kuaekuae penoi yave jare okuakuaa peré yave, ngaraa peikoiño peparavɨkɨ oyekuaambae, jare peikuaa tëiiño yandeYa Jesucristo regua.

Nuevo Testamento Guaraní Pe

⁸ Echa opaete cuae peyapo yave, peñemomɨratata co peporogüɨrovia re jare peicuaa cavita co ñandeYa Jesucristo. Jae rambue pepuereta peyeócuai cavi ñandeYa pe.

2 Pedro 1:8 ပူးပေါင်းရင်းမြစ်များ

PROVERBIOS 19:15

Iyakɨ vae, jopeɨ yae, ipokosembae, oiporarata yɨmbɨaɨ.

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Mateo 20:3

Jayave ko iya oë ye ora chauta ma yave, jare oecha mbovɨ reta ñogüɨnoiiño oka guasu pe iparavɨkɨmbae.

San Mateo 20:6

Jekuae ko iya oë ye ora pandepota ma kaaru yave, jare oecha ïru vae reta ñogüɨnoiiño iparavɨkɨmbae. Jayave jei chupe reta: ¿Maera pa peïiño kuae pe opaete ara peparavɨkɨmbae reve?

San Mateo 25:26

Jayave iya jei chupe: ‘Nde ko jae tembiokuai osirivembae vae, ipokosembae vae. Nde reikuaa kërai apɨ̈ro mbaembae ïru vae reta güi jare kërai aarɨvo ïru vae reta oñotɨ vae.

San Juan 15:2

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 5:42

Echa aikuaa pe reta mbaetɨ ko penoi Tumpa iporoaɨu pepɨa pe.

Romanos 12:11

Peparavɨkɨ peakɨmbae reve. Peräta ngatu avei peyeokuai yandeYa pe.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 13:5

Jekuaeño pemae kavi peyé peikuaa vaerä añetete ra oporogüɨrovia vae. ¿Mbaetɨ pa peikuaa Jesucristo oiko pepɨa pe vae?, ani ¿mbaetɨ ra?

2 Corintios 8:2

Kërai oiporara yae reta reve, oyerovia yae reta; jare yepe tëi iparavete yae reta reve, omee reta jeta ipɨakavi yae reve.

2 Corintios 8:7

Pe reta ko tenonde opaete mbaembae pe, mborogüɨrovia pe, ñee pe, arakuaa pe, kɨ̈reɨ ngatu pe jare oreraɨu yae vae pe. Jáeramo peikuaauka vi pepɨa kavi, kuae pemeeta vae rupi.

2 Corintios 9:14

Jökorai vi jae reta oyerureta peré peraɨu reve, Tumpa ipɨakavi oyekuaa peré vae re.

Filipenses 1:9

Jare ayerure Tumpa pe okuakuaa avei vaerä ojo peporoaɨu peikuaa katu reve jare pearakuaa katu reve,

Filipenses 2:5

Peyemongeta oyokotɨ, Cristo Jesús oyemongeta rami.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

Colosenses 2:7

tätagüe peñemomɨ̈rata Cristo re peporogüɨrovia rupi, echa jökorai ko peyemboe. Jekuaeño pemee reve yasoropai Tumpa pe.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

1 Tesalonicenses 3:12

Jare yandeYa tapembokuakuaa jare tomee mboroaɨu peve, peyoaɨu päve vaerä jare vi opaete vae, ore poaɨu rami.

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

1 Timoteo 5:13

Jaeramiño vi omboɨpɨ iyakɨ, opou reteiño; jare mbaetɨ jokuaeño, oporoangao jare oyemoinge opaño mbae pe, imiari agüɨyeta tëi imiari jese vae.

Tito 3:14

Jare oporogüɨrovia vae reta toyemboe jekuaeño oyapo vaerä ikavi vae, ipuere vaerä omborɨ mbae oata chupe vae reta. Echa jökorai oyapo reta yave, oyeokuai ko Tumpa pe.

Filemón 1:6

Ayerure vi nde remoërakua ndeporogüɨrovia vae, reikuaa kavi vaerä opaete mbae ikavi vae Cristo Jesús rupi ñanoi vae.

Hebreos 6:12

agüɨye vaerä peakɨ, ërei peiko jókuae iporogüɨrovia rupi jare ipɨaguasu rupi omboresive ma Tumpa güɨrökuavee chupe vae reta rami.

2 Pedro 1:2

Tumpa ipɨakavi jare ipɨakatu toï jeta pe reta ndive, peikuaa kavi vaerä Tumpa jare yandeYa Jesús.

2 Pedro 1:3

Tumpa omee yandeve imbaepuere rupi yaiko vaerä jare yamboete vaerä; jare opaete kuae ñanoi yaikuaa ramo jókuae yandeparavo iyemboetea jare tuichagüe yae rupi vae.

2 Pedro 2:20

Echa kia oyembosɨrɨ mbae ikavimbae vae ɨvɨ pegua güi yandeYa Jesucristo yandemboasa vae oikuaa vae rupi, ërei taɨkue rupi oyapo ye yave ñamɨri ma ko, jare ou opɨta ikavimbae yae tenonde oiko vae güi.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!