2 Pedro 1:6 - Biblia Guarani Tumpa Iñee

⁶ arakuaa katu pemomɨ̈rata yeopia soo jemimbota pe; yeopia soo jemimbota pemomɨ̈rata mbɨaguasu pe; mbɨaguasu pemomɨ̈rata Tumpa imboete pe;

Nuevo Testamento Guaraní Pe

⁶ Jae ramiño vi jecuaeño peñeandu. Jae ramiño vi jecuaeño pepɨaguasu. Jae ramiño vi jecuaeño peyapo Tumpa oipota peyapo vaera vae.

2 Pedro 1:6 ပူးပေါင်းရင်းမြစ်များ

GÉNESIS 5:24

Enoc oiko Tumpa jemimbota rupi kavi, metei ara okañɨ echa Tumpa güɨraja.

SALMOS 37:7

Nekïrii eiko yandeYa jóvai, jare eäro. Agüɨye neñeenguru oiko kavi vae kotɨ, jókuae kuimbae oyapo ikavimbae vae kotɨ.

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

San Lucas 21:19

Jare pepɨaguasu rupi peyemboasaukata ko.

San Lucas 8:15

Ërei jókuae temitɨ oa ɨvɨ kavi pe vae oyembojaanga Tumpa iñee oendu vae re. Kuae reta oyeapɨsaka Tumpa iñee re ipɨa kavi jare sɨmbi rupi kavi, jare oyapo Tumpa iñee jei oyapo vaerä vae. Jáeramo jae reta temitɨ ia avei vae rami ko.

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Romanos 15:4

Opaete oyekuatía tenonde Tumpa Iñee pe vae, oyekuatía ko yandemboe vaerä. Echa oyekuatía ko yaikatu vaerä mbɨaguasu jare mbɨakatu rupi ñaäro.

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

Romanos 8:25

Ërei ñaäro ñaï mbaetɨ yaecha vae yave, ñaäro yandepɨaguasu reve.

1 Corintios 9:25

Opaete oipota oporomoamɨri vae reta oyekuaku ko opaete mbaembae güi. Jae reta omongana imbaerä oikomegua vae. Ërei yande ñanoita mbae oikomeguambae.

2 Corintios 6:4

Jekuaeño roechauka ïru vae reta pe Tumpa jembiokuai ko ore vae. Mbɨaguasu rupi, tembiporara reta, mbaravete, mbɨatɨtɨ,

Gálatas 5:23

ñemomichi, yeandu mbaembae güi vae. Kuae reta re mbaetɨ mborookuai mbae jei.

Colosenses 1:11

Tumpa tapemomɨ̈rata imbaepuere tuicha yae vae pe, pepɨaguasu jare peropɨa avei vaerä.

1 Tesalonicenses 1:3

Oremaendúa avei yandeRu Tumpa jóvai peporogüɨrovia reve peparavɨkɨ vae re, peaɨu jare pekueraimbae reve peäro yandeYa Jesucristo vae re.

2 Tesalonicenses 1:4

Jáeramo ore oremiari kavi peré ïru oporogüɨrovia Tumpa re vae pe, pepɨaguasu, peporogüɨrovia jare peropɨa opaete tembiporara reta vae re.

2 Tesalonicenses 3:5

YandeYa tapemborɨ peporoaɨu vaerä Tumpa rami, jare pepɨaguasu vaerä Cristo ipɨaguasu rami.

1 Timoteo 2:10

Ërei toyapo mbaembae ikavi vae. Kuña reta oñemee Tumpa pe vae oyapo rami.

1 Timoteo 2:2

mburuvicha guasu reta re, jare opaete mbaepuere güɨnoi vae reta re, yaiko pɨagüive vaerä, yamboete reve Tumpa jare oyoupi.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

1 Timoteo 6:3

Kia oporomboe ambuae mboromboe re, jare mbaetɨ güɨrovia mboromboe añete vae yandeYa Jesucristo regua jare mboromboe añete vae kërai yamboete vaerä Tumpa vae,

1 Timoteo 6:6

Ërei yamboete Tumpa jare yandepɨakatu vae ko, ngana tuichagüe;

2 Timoteo 3:5

jupi vae rami yogüɨrekota, ërei ngaraa etei oyekuaa jese jupi vae, agüɨye eñemoïru jókuae nunga reta ndive.

Tito 1:1

Che Pablo, Tumpa jembiokuai jare Jesucristo jemimondo. Jae chemondo Tumpa oiparavo vae reta pe güɨrovia vaerä jese, jare oikuaa vaerä añete vae, omboete vaerä Tumpa,

Tito 1:8

tomboresive katu mboupa, ikavi vaeño toaɨu, agüɨyeta jei jeiiño, tijupi, toñeñono tee, jete jemimbota toyopia vae,

Tito 2:2

Ndechi reta agüɨye tei teiiño, jeko tisɨmbi, toyeandu katu, tipɨ̈rata iporogüɨrovia pe, iporoaɨu pe jare tipɨaguasu.

Hebreos 10:36

echa jaekavi ko pepɨaguasu vaerä, peyapo vaerä Tumpa jemimbota, jökorai penoi vaerä jae güɨrökuavee vae.

Hebreos 12:1

Jáeramo, ñanoi ko jeta yae omae yanderé vae yandeɨ́vɨri rupi, Jáeramo yamombo yandeyeugüi opaete yandemboavai vae jare yandeyoa, jare ñañoñókuai yandepɨa guasu reve yanderenonde kotɨ ñoñókuai ñanoi vae.

Hebreos 6:12

agüɨye vaerä peakɨ, ërei peiko jókuae iporogüɨrovia rupi jare ipɨaguasu rupi omboresive ma Tumpa güɨrökuavee chupe vae reta rami.

Hebreos 6:15

Jare Abraham, oäro ipɨaguasu reve jare güɨnoi Tumpa güɨrökuavee chupe vae.

2 Pedro 1:3

Tumpa omee yandeve imbaepuere rupi yaiko vaerä jare yamboete vaerä; jare opaete kuae ñanoi yaikuaa ramo jókuae yandeparavo iyemboetea jare tuichagüe yae rupi vae.

2 Pedro 3:11

Jare peikuaa ma opaete mbaembae añave yaecha vae opata oyemboai, jáeramo ¡ikavi ko peiko vaerä peyoambae reve, Tumpa pemboete reve!

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 13:10

“Oyembojee tembipɨɨrä oyereraja vaerä vae, toyereraja; oyembojee kɨsepuku pe omano vaerä vae, pɨpe tomano.” Kuae pe oyekuaata oporogüɨrovia vae reta ipɨa guasu jare iporogüɨrovia.

Apocalipsis 14:12

¡Kuae pe oyekuaata oporogüɨrovia vae reta ipɨa guasu, jare oyapo Tumpa iporookuai reta jare güɨrovia Jesús re vae reta!

Apocalipsis 2:2

‘Che aikuaa opaete reyapogüe reta; täta reparavɨkɨ jare ndepɨaguasu vi. Aikuaa vi mbaetɨ reñemoïru ikavimbae vae oyapo vae reta ndive, jare rejäa temimondo oyembojee vae reta jare reikuaa temimondo retaä ko, iyapu reta ko vae;